Хаянгийн Банзрагч

Галшар овогт Хаянгийн Банзрагч (1921-2002) БНМАУ-ын улс төрийн зүтгэлтэн, Онц бөгөөд Бүрэн Эрхт Элчин сайд, дипломатч.

Тэрээр 1921 оны 10 дугаар сарын 8-нд Хэнтий аймгийн Галшар суманд төржээ.

Хэнтий аймагт бага сургууль төгсөөд, Улаанбаатар хотод шилжиж ирээд дунд сургуулиа дүүргэсэн. 1939-1946 онуудад Дотоод яамны Хилийн цэргийн эмнэлэгт сувилагчаар ажиллаж байсан.

1947-1953 онд ЗХУ-ын Москва хотын К.А.Тимирязевын нэрэмжит Хөдөө аж ахуйн Академийг сурч төгссөн.

Ажилласан байдал[засварлах | кодоор засварлах]

1953-1961 Сангийн аж ахуйн удирдах газар агроном, ерөнхий агроном
1961-1963 Улсын төлөвлөгөөний комиссын орлогч дарга
1963-1968 Сангийн аж ахуйн удирдах газрын дарга
1968-1973 Улсын төлөвлөгөөний комиссын орлогч дарга
1973-1979 БНМАУ-аас ЗХУ-д суугаа Онц бөгөөд Бүрэн Эрхт Элчин сайд
1979-1980 МАХН-ын Төв Хорооны Хөдөө аж ахуйн хэлтсийн зааварлагч
1980-1982 БНМАУ-ын Сангийн аж ахуйн яамны сайд
1982-1988 БНМАУ-аас Бүгд Найрамдах Афганистан Улсад суугаа Онц бөгөөд Бүрэн Эрхт Элчин сайд
1988-1990 БНМАУ-ын Гадаад Явдлын Яамны газрын захирал.
1990 онд тэтгэвэртээ суусан бөгөөд 2002 онд Улаанбаатар хотноо нас барсан.

Цэргийн алба[засварлах | кодоор засварлах]

Х.Банзрагч 1939 оны Халхын голын болон 1945 оны Чөлөөлөх дайнд оролцож явсан.

Гавьяа шагнал[засварлах | кодоор засварлах]

Х.Банзрагч БНМАУ-ын АИХ-ын депутатаар олон удаа сонгогдсон. Төрийн дээд шагнал Байлдааны гавьяаны улаан тугийн одон, "Сүхбаатар" болон

"Алтан гадас" одон ардын хувьсгалын ойн медалиуд, ЗХУ-ын "Найрамдал" одонгоор тус тус шагнагдаж байсан.

Онц бөгөөд Бүрэн Эрхт Элчин сайд дипломат цолтой /1976/.

Гэр бүл[засварлах | кодоор засварлах]

Эхнэр Б.Сүхжав. 2 охинтой.