Аллахабад

Чөлөөт нэвтэрхий толь, Википедиагаас
Харайх: Удирдах, Хайлт
Аллахабад
इलाहाबाद
الله آباد
Хотын зураг
Шинэ Ямуна гүүр


Солбицол: 25°27′N 81°51′E
Улс Flag of India.svg Энэтхэг
Муж Уттар Прадеш
Тойрог Аллахабад
Засаглал  
 - Захирагч Ч. Житендра Нат Синг
Газар нутаг  
 - Нийт 63.07 км²
Өндөр 98 м
Хүн ам  
 - Нийт (2011) 5,959,798
 - Нягтрал 94,495/км²
Цагийн бүс UTC+5:30
Утасны код 91-532

Аллахабад (хинд. इलाहाबाद,урдү. الله آباد буюу Перс хэлээр Бурханы суурин гэсэн утгатай, Моголууд эртний хот Праяаг (хинд. प्रयाग, урдү. پریاگ-ийн нэрийг ийн өөрчилсөн) нь зарим эх сурвалжид үндэслэвэл Энэтхэгийн 2 дахь хамгийн эртний хот юм. Хойд Энэтхэгийн Уттар Прадеш мужид орших тус хот нь Аллахабад тойргийн засаг захиргааны төв болно. Аллахабад нь өдгөө Энэтхэгийн хамгийн хурдан хөгжиж буй хотуудын нэг билээ. Мужийн нийслэл Лукновоос өмнө зүгт 250 км зайд орших тус хотын эртний нэр Праяаг (Санскрит хэлээр "Тахилын газар") бөгөөд Брама бурхан дэлхийг бүтээсний дараа анхны тахилаа энд үйлдсэн гэгддэг. Тус хот нь Хинду шашны мөргөл Кумб Мелагийн дөрвөн төвийн нэг бөгөөд нөгөө гурав нь Харидвар, Ужжайн, Нашик юм. Хотын байршил нь Хинду шашны судруудад ариун Ганга, Ямуна болон эртний Сарасвати голын бэлчирт оршдог буюу Тривени Сангам гэгдэн, чухалд тооцогддог аж[1].

Хотод Аллахабадын Дээд Шүүх, Уттар Прадеш мужийн нийтийн үйлчилгээний комиссын байр, Уттар Прадеш мужийн Цагдаагийн газар, Хойд Төв Төмөр замын төв байр зэрэг төв засгийн газар болон мужийн засгийн газрын олон байгууллага байдаг. Аллахабадад Энэтхэгийн хамгийн эртний 4 их сургуулийн нэг болох Аллахабадын Их Сургууль, мөн Уттар Прадеш муждаа цорын ганц Үндэсний Технологийн Хүрээлэн бий.

Аллахабад нь Энэтхэгийн 14 ерөнхий сайдын долоог нь төрүүлсэн түүхтэй. Жавахарлал Неру, Лал Бахадур Шастри, Индира Ганди, Ражив Ганди, Гулзарилал Нанда, Вишванат Пратап Синг, Чандра Шекар нар тус хотод төрсөн, эсвэл Аллахабадын Их Сургуулийг дүүргэсэн буюу Аллахабадаас хууль тогтоох байгууллагад сонгогдож байсан аж[2].

Энэтхэгийн засгийн газар хотуудын дэд бүтэц, засаглал, хотын иргэдэд үзүүлэх үндсэн үйлчилгээг сайжруулах Жавахарлал Неру Үндэсний Хот Шинэчлэлийн Зорилтдоо тус хотыг хамруулаад байна[3].

Эшлэл[засварлах]

Гадны холбоос[засварлах]