Имт гичгэнэ
Имт гичгэнэ - (Латин: Potentilla bifurca), (Орос: Лапчатка Вильчатая) Нутгийн хүмүүс гичгэнэ, заримдаа зангуу ч гэх нь бий.
Ургамлын тайлбар[засварлах | кодоор засварлах]
Уг орчимдоо модожсон, эгц дээшээ гарсан найлзуурууд бүхий олон наст өвслөг ургамал. Ишнээсээ гарсан хос бус өдлөг, навчны хэсгүүд нь имтэй байдаг. Имт гичгэнийн өндөр, навчны унгиральт ихээхэн өөрчлөмтгий тул дотор нь түүнийг хэд хэдэн бага зүйл болгон ялгаж үздэг ч учир бий. Хавар эрт ургаж эхэлдэг ургамлын нэг боловч долоодугаар сард цэцэглэнэ. Өвөл үндсэндээ сайн бэхлэгдэж өвөлждөг.
Тархалт[засварлах | кодоор засварлах]
Ойт хээр, хээр, цөлөрхөг хээрийн бүсүүдээр өргөн тархжээ. Орчны маш олон янзын нөхцөлд зохицон ургадаг ургамал юм. Тэр нь уулын хээр төдийгүй тагийн хээр, дов толгодын энгэр, элсэрхэг хөрстэй харганат бэлчээрт ч тохиолдоно.[1]
Ашигласан материал[засварлах | кодоор засварлах]
- ↑ Г.Эрдэнэжав, Г.Балдандорж, С.Тусивахын - БНМАУ-ын тэжээлийн голлох ургамлын өнгөт альбом 1 - 1974 - хуудас 201
Гадаад холбоос[засварлах | кодоор засварлах]
Агуулах дахь «Имт гичгэнэ» зургийн цомог
 |
Викизүйлд Имт гичгэнэ-тай холбоотой мэдээлэл байна. |