Су-27
| Су-27 | |
|---|---|
 | |
| Үүрэг/төрөл | Агаарт ноёлогч байлдааны онгоц |
| Гарал | Зөвлөлт Холбоот Улс / Орос |
| Үйлдвэрлэгч | Сухой |
| Анхны нислэг | 1977 оны 5 сарын 20 |
| Танилцуулагдсан | 1984 оны 12 сар |
| Статус | Ашиглагдаж буй |
| Гол хэрэглэгчид | Оросын Нисэх Хүчин Хятадын Нисэх Хүчин Украйны Нисэх Хүчин |
| Үйлдвэрлэгдсэн | 1984–одоо |
| Үйлдвэрлэсэн тоо | 680 |
| Нэгжийн өртөг | US$30 сая |
| Хувилбарууд | Су-30 Су-33 Су-34 Су-35 Су-37 Шэньян Ж-11 |
Су-27 (Lua error in Module:Lang at line 1169: attempt to index field 'engvar_sel_t' (a nil value)., НАТО код: "Flanker" [Фланкэ] буюу "жигүүр") нь Зөвлөлт Холбоот Улсын Сухойн нэрэмжит зохион бүтээх товчооноос агаарт ноёлох зорилгоор бүтээсэн олон төрлийн зориулалттай 4-р үеийн тийрэлтэт олон талын зориулалттай, амдан-сөнөөгч онгоц. Су-27 нь хүнд ангилалын, нарийн авиониктой бөгөөд маневр, аеро-динамик үзүүлэлт маш сайтай онгоц юм.
Су-27 загварын онгоц дээр тулгуурлан бусад өөр зориулалттай олон онгоц зохион бүтээсэн. Тэдгээрээс заримыг нь дурдвал Су-27УБ (байлдаан, сургуулилтын хосолсон зориулалттай), Су-33 (нисэх онгоц тээвэрлэгч усан онгоцоос хөөрч буух зориулалттай), Су-30 (голдуу экспортын зориулалтаар тухайн орны шаардлага, нөхцөлд зориулж тусгайлан өөрчилсөн 2 нисгэгчийн суудалтай онгоц. Жишээлбэл, Энэтхэг Улсад зориулсан Су-30МКИ, БНХАУ-д зориулсан Су-30МКК, Малайзи Улсад зориулсан - Су-30МКМ), Су-35, Су-34 (хөнгөн бөмбөгдөгч) зэрэг онгоцууд байна.
Мөн түүнчлэн БНХАУ Су-27 онгоцонд суурилан Шеньян J-11 онгоц үйлдвэрлэж эхэлсэн.
Түүх
[засварлах | кодоор засварлах]1960-д оны сүүлд АНУ агаарт ноёлох зориулалт бүхий дөрөвдүгээр үеийн сөнөөгч онгоцны F-15 төсөл нууцаар боловсруулж байсан бөгөөд ЗХУ хариу болгож өөрийн дөрөв дэх үеийн сөнөөгч онгоц бүтээх ажилд орсон байна. Су-27 загвар онгоц 1977 онд анх Т-10 хэмээх индекстэй туршилтын нислэгээ хийсэн бөгөөд одоогийнхоос харьцангуй том далавчтай анхны загварт нилээд өөрчлөлт, засвар оруулсны эцэст Т-10С загварыг батлаж, 1984 оноос эхлэн зэвсэглэлд ашиглаж эхэлсэн.
Байлдаанд ашигласан байдал
[засварлах | кодоор засварлах]ОХУ
[засварлах | кодоор засварлах]Чечений 1,2-р дайны үед агаарын цохилт өгөх, бүслэн хаах ажиллагаанд өргөн ашигласан. 1993 оны 3-р сарын 19-ны өдөр Абхаз-Гүржийн дайны үед ОХУ-ын нисэх хүчний хоёр Су-27 онгоц агаарын байг амдахаар хөөрсөн боловч байгаа ололгүй буцах замдаа нэг нь зенитын пуужинд С-75 өртөж унасан байна.
2008 оны Орос-Гүржийн дайнд ОХУ өөрсдийн Су-27-г МиГ-29 онгоцны хамт Цхинвали болон Гүржийн бусад нутгаар агаарын цохилт өгөх, агаарын орон зайд хяналт тогтооход ашигласан.
Этиоп Улс
[засварлах | кодоор засварлах]1999-2000 онуудад Этиоп-Эритрийн дайны үеэр Этиопын нисэх хүчний Су-27 онгоцууд Эритрийн нисэх хүчний хоёр МиГ-29 онгоцыг пуужингаар устгаж, нэгийг ойрын зайн байлдаанаар устгасан байна. Этиоп Улс өмнө нь МиГ-21 онгоц ашигладаг байсан бөгөөд тэдгээрийг шинээр Су-27 онгоцоор орлож, 2006 оноос хойш босогчдын байг устгах, агаарын орон зайг хянахад ашиглаж байна.
Ангол Улс
[засварлах | кодоор засварлах]Ангол Улс 2000 оны дунд үеэс өөрийн зэвсэглэлдээ Су-27 онгоц ашиглаж эхэлсэн. 2000 оны 11 дүгээр сарын 19-ны өдөр нэг онгоц зурваст буух үед буудуулж осолдсон.
Цахим холбоос
[засварлах | кодоор засварлах]
Commons: Сухой Су-27 – Викимедиа зургийн сан