Хэнгэрэг

Чөлөөт нэвтэрхий толь — Википедиагаас
Харайх: Удирдах, Хайлт

Өдгөө хэнгэрэг нь Ардын буюу язгуур хэнгэрэг, Найрал хөгжмийн гэсэн үндсэн хоёр төрөл зүйлтэй байна. Модон хүрээ царанд амьтны арьс татаж янз бүрийн хэмжээтэйгээр хэнгэрэгийг хийх бөгөөд гогчлон бөөгийн шүтлэгтэй ард түмнүүдэд түгээмэл хэрэглэгдэнэ. Хэнгэрэгийн царанд шигшүүргэ хийж хослон дэлдэх нь элбэг. Эрт дээр үеэс Монголчууд хүрэл, зэс, гууль хэнгэрэг үйлдэж элдэв зан үйлд хэрэглэж байжээ.

Хэнгэрэг нь бөө хүнд амьд амьтан даль жигүүрт хүлэг нь билээ. Хэнгэрэг бөөгийн зан үйлийн хамгийн гол зэвсэг бөгөөд дугуй, зууван дугуй, гурвалжин, болон янз бүрийн хэлбэр дүрстэй, янз бүрийн билгэдэл агуулсан зураг чимэглэлтэй байдаг. Хэнгэрэгний дотор талд босоо бариул хөндлөвч байх агаад бөө хэнгэрэгээ дэлдэж хүлэг морио улам бүр дээш нисгэж дэлдэлтээ намсгаснаар хүлэг морио газарт аажмаар буулгаж ирнэ. Дээд болон доод ертөнц рүү хүлэг мориороо зорчих бөгөөд насан туршдаа зургаан хүлэг унасан гэх нь зургаан хэнгэрэг элээсэн гэсэн үг ажээ. Эх сурвалж-http://mongol.undesten.mn/wiki/show/name/%D0%A5%D1%8D%D0%BD%D0%B3%D1%8D%D1%80%D1%8D%D0%B3