Дипломат

Чөлөөт нэвтэрхий толь — Википедиагаас
Харайх: Удирдах, Хайлт

Диплома́т (эртний грек үг -δίπλωμα «давхарлаж нугалсан баримт бичиг» утгатай үг)

Дипломат ажилтны тухай[засварлах | edit source]

Олон улсын эрх зүйн дагуу гадаадын улс орнууд, олон улсын байгууллагууд болон тэдгээрийн төлөөлөгчидтэй Засгийн газраа төлөөлөн албан ёсны ямар нэгэн дипломат харилцаанд орж буй гадаад харилцааны төрийн албан хаагчийг хэлнэ. МУ-ын Дипломат албаны тухай хуульд Гадаад оронд суугаа Дипломат төлөөлөгчийн газрын ажилтан болон Гадаад харилцааны Төрийн захиргааны төв байгууллагын /Гадаад хэргийн яам/ ажилтаныг дипломат гэнэ хэмээн заасан байдаг.

Дипломат ажилтны ажил үүрэг[засварлах | edit source]

Дипломат хүний үндсэн үүрэг бол өөрийн орон, түүний иргэдийн эрх ашгийг төлөөлөх, хамгаалах юм. Үүнд суугаа орныхоо талаар мэдээллэл цуглуулж улс хооронд найрсаг харилцаатай байж, улс төр, эдийн засгийн болон бусад салбарын харилцаа, хамтын ажиллагааг хөгжүүлэх, олон улсын хамтын нийгэмлэгт байр сууриа бэхжүүлэх, хөгжил дэвшлийг хурдасгах замаар улсынхаа тусгаар тогтнол, бүрэн эрхт байдлыг бататгах явдал юм.

Дипломат нь олон улсын эрх зүйн баримт бичгүүдэд заасны дагуу дипломат хэргэм буюу албан тушаал, зэрэглэлэай байх бөгөөд суугаа улс орондоо Венийн конвенцийн дагуу дипломат халдашгүй дархан эрх эдлэнэ.

Монгол Улсын Дипломат цол, хэргэм[засварлах | edit source]

Монголын дипломат алба нь төрийн тусгай алба бөгөөд дараах цол олгоно.

1. Түшээ

2. Тэргүүн түшээ

3. Итгэмжит

4. Тэргүүн итгэмжит

5. Шадар

6. Тэргүүн шадар

7. Онц бөгөөд Бүрэн эрхт Элчин

8. Онц бөгөөд Бүрэн эрхт Элчин сайд

Онц бөгөөд Бүрэн эрхт Элчин сайд, Онц бөгөөд Бүрэн эрхт Элчин цолыг Монгол Улсын Ерөнхийлөгч, дипломат бусад цолыг гадаад хэргийн асуудал эрхэлсэн Засгийн газрын гишүүн олгоно.


Монгол Гадаад хэргийн асуудал эрхэлсэн төрийн захиргааны төв байгууллагын дараахь албан тушаал дипломат албан тушаалд хамаарна:

1. Төрийн нарийн бичгийн дарга;

2. Тусгай үүрэг гүйцэтгэгч Элчин сайд;

3. Газрын захирал;

4. Газрын дэд захирал;

5. Хэлтсийн дарга;

6. Тасгийн дарга;

7. Зөвлөх;

8. Нэгдүгээр нарийн бичгийн дарга;

9. Хоёрдугаар нарийн бичгийн дарга;

10. Гуравдугаар нарийн бичгийн дарга;

11. Атташе.Улсын дипломат албан тушаалууд.

Монгол Улсаас гадаад улсад суугаа Элчин сайдын яам, Байнгын төлөөлөгчийн газрын дараахь албан тушаал дипломат албан тушаалд хамаарна:

1. Элчин сайд;

2. Байнгын төлөөлөгч;

3. Элчин;

4. Хэргийг хамаарагч;

5. Байнгын төлөөлөгчийн орлогч;

6. Элчин зөвлөх;

7. Зөвлөх;

8. Цэргийн атташе;

9. Нэгдүгээр нарийн бичгийн дарга;

10. Хоёрдугаар нарийн бичгийн дарга;

11. Гуравдугаар нарийн бичгийн дарга;

12. Атташе.


Монгол Улсын Ерөнхий консулын болон консулын газрын дараахь албан тушаал дипломат албан тушаалд хамаарна:

1. Ерөнхий консул;

2. Консул;

3. Дэд консул;

4. Консулын төлөөлөгч.