Пловдив

	Пловдив; Пловдив
	; Хуучин төв хэсгийн байдал;
	Сүлд
	Хоч нэр: "Долоон толгойн хот (Градът на седемте хълма)'"
	Уриа: "Эртний, бас үүрдийн (Древен и вечен)'"
	; Болгар дахь Пловдив хотын байршил
Солбицол: 42°9′N 24°45′E
Улс	Болгар
Муж	Пловдив
- Захирагч	Славчо Атанасов
- Нийт	101 км²
Өндөр	164 м
- Нийт (2009 оны 11 сарын 15)	380,638
- Нягтрал	3,769/км²
- Хүй дүүргийн хамт	592,301
Цагийн бүс	UTC+2
- Зун	UTC+3

Пловдив (болг. Пловдив) нь Болгартаа нийслэл Софигийн дараа орох 2 дахь том хот бөгөөд 380,638^[1] оршин суугчтай. 6,000 гаруй жилийн түүхтэй тус хот нь хүн төрөлхтний хамгийн урт түүхтэй хотуудын нэг болно^[2]. Эрт цагт Филиппоуполис гэгддэг байсан тус хот нь өдгөө Болгарын өмнөд хэсэг дэх Пловдив мужийн засаг захиргааны төв бөгөөд 3 хэсгээс бүрдэнэ (Пловдив, Марица, Родопи). Болгар улсын эдийн засаг, зам тээвэр, соёл боловсролын чухал төв юм^[3].

Пловдив хотын байгаа газарт Эртний Ромын хот байгуулагдахаас өмнө Фракийн суурин байжээ. Дундад зууны үед стратегийн чухал байрлалтай байсан тул Византийн Эзэнт Гүрэн, Болгарын Хаант Улсын хооронд шилжиж ирэв. 14-р зуунд Османы захиргаанд оржээ. 1878 онд Пловдив нь Османы эзэнт гүрний автономит бүс болох Зүүн Румелийн нийслэл болж, улмаар 1885 онд Болгар улс нэгдэхэд Болгарын Вант Улсын бүрэлдэхүүнд багтсан байна.

Пловдив хот нь Пловдивын тэгш өндөрлөгийн өмнөд хэсэгт, Марица голын хоёр эрэгт оршино. Зарим нь 250 метрээс ч дээш өндөртэй, сиенитэн чулуулаг бүхий долоон толгой дээр байгуулагдсан тул Болгарчууд "Долоон толгойн хот" гэж нэрлэх нь бий.