Сонирхогчийн радио холбоо

Чөлөөт нэвтэрхий толь — Википедиагаас
Харайх: Удирдах, Хайлт
Сонирхогчийн радио станцын жишээ
Радио сонирхогчдын ашигладаг 2м-ийн Quad антенн

НҮБ-ын төрөлжсөн байгууллага болох Олон Улсын Цахилгаан Холбооны Байгууллагын (ITU) албан ёсны бичиг баримтуудад “Сонирхогчийн” гэсэн хэллэг олонтоо тааралддаг. Радиосонирхогчид нь урт долгионоос хэт богинодолгион хүртэлх радио долгионы маш өргөн зурваст радио өргөн нэвтрүүлэг, албаны холбоо, телевиз болон ФМ нэвтрүүлэг явуулж байгаа давтамжтай ойролцоо байрласан 21 диапазонуудыг албан ёсоор эзэмшдэг билээ. Эдгээр диапазонуудын зурвасын өргөнийг нэмбэл 15 ГГц!!! болно. Энэ асар их өргөн зурвас дээр , телеграф, телетайп, өгөгдөл, телевизийн модуляцаар холбоо тогтоох төдийгүй мэдээлэл дамжуулах үйл ажиллагаа явуулна. Сонирхогчид радио долгионоор шууд хоорондоо, эсвэл сонирхогчийн хиймэл дагуул, сар зэргийг ашиглан холбоо барьдаг төдийгүй радио болон телевизийн нэвтрүүлэг явуулах боломжтой. Өөрөөр хэлбэл радиосонирхогчид бүх төрлийн холбооны бизнес хийх боломжтой давтамжуудыг эзэмшдэг юм. Ийм ч учраас ОУЦХБайгууллагын “Радио Холбооны Регламент”-д “Радиосонирхогч нь ямар нэгэн материаллаг сонирхолоор бус гагцхүү өөрийн радиотехник, электроникийн сонирхолоор хичээллэдэг, эфирт холбоо барих эрх бүхий лицензтэй хүмүүс байна” гэж албан ёсоор тодорхойлсон байдаг. Радиоспортын үндсэн төрөл болох сонирхогчийн радио холбоогоор одоо дэлхий дахинд 2 сая орчим хүн хичээллэж байна. Сонирхогчид нь Олон Улсын Цахилгаан Холбооны Байгууллагаас (ITU) хуваарилсан долгионууд дээр радио холбооны бүх төрлийн модуляцаар гадаад, дотоодын сонирхогчидтай холбоо барих албан ёсны зөвшөөрлийг тухайн улсынхаа харилцаа холбооны эрх бүхий байгууллагаас авсан хүмүүс юм.