Элвис Пресли

Чөлөөт нэвтэрхий толь, Википедиагаас
Харайх: Удирдах, Хайлт
Elvis Presley 1970.jpg

Элвис Аарон Пресли (англ. Elvis Aaron Presley[1][2],1935 оны 1 сарын 8 – 1977 оны 8 сарын 16) нь Америкийн дуучин, жүжигчин, хөгжимчин байв. Түүнийг хүмүүс Элвис, "Рок-н-роллын хаан", "Хаан" гэхчлэн нэрлэдэг.

Пресли өөрийн дуучны замналаа 1953 онд эхэлж, кантри, ритм энд блюзийг рок хэв маягт оруулсан хэлбэртэй дуунуудаа олны хүртээл болгож эхэлжээ. Хар, цагаан арьстнуудын дуу хөгжмийн элементүүдийг хослуулж чадсан тэрээр тайзан дээр биеэ авч явах этгээд араншин, гайхалтай авъяасаараа ихэд алдаршсан юм.

1960-аад онд Пресли өөрийн 31 киноны ихэнхийг бүтээсэн бөгөөд тэдний ихэнх нь санхүүгийн хувьд ихээхэн амжилттай мюзиклууд байв[3]. 1973 онд Пресли анх удаа хиймэл дагуулын тусламжтайгаар олон оронд шууд дамжуулсан концертоо тоглож (Aloha from Hawaii), түүнийг нь дор хаяж 1 тэрбум хүн шууд үзсэн тооцоо байдаг[4].

Тэрээр хөгжмийн түүхэнд хамгийн амжилттай, хамгийн их нөлөө үзүүлсэн хүмүүсийн нэг билээ. Элвис зүрхний өвчин, мансууруулах бодисын дон болон бусад шалтгааны улмаас дөнгөж 42-хон насандаа нас нөгчжээ.

Эшлэл[засварлах]

  1. (May 9, 2002). "Elvis Presley - the Singer". bbc.co.uk. Retrieved 2007-10-12.
  2. "FAQ: Elvis' middle name, is it Aron or Aaron?" Elvis.com. Retrieved 2007-10-22.
  3. Falk and Falk, p.52
  4. See "Aloha From Hawaii"