Эльвира Озолина

Чөлөөт нэвтэрхий толь — Википедиагаас
Харайх: Удирдах, Хайлт
Эльвира Озолина
Хөнгөн атлетик
Төлөөлдөг улс: Зөвлөлт Зөвлөлт
Хувийн мэдээлэл
Бүтэн нэр Эльвира Озолина
Төрсөн огноо 1939 оны 10 сарын 8
Төрсөн газар Ленинград, ЗБСНХОрос Улс
 
Медалиуд
Зуны олимп
Алт Ром 1960 Жад шидэлт
Универсиад
Алт Турин 1959 Жад шидэлт
Европын АШТ
Алт Белград 1962 Жад шидэлт

Эльвира Озолина (латв. Elvīra Ozoliņa, 1939 оны 10 сарын 8-нд Ленинградад төрсөн) нь Латвийн (хуучнаар Зөвлөлт Холбоот Улсын) хөнгөн атлетикч бөгөөд жад шидэлтийн төрлөөр өрсөлддөг байв. Тэрээр ЗХУ-ыг төлөөлөн 1960 оны Ромын олимпод түрүүлсэн бөгөөд мөн онд ЗХУ-ын Хөдөлмөрийн гавъяаны улаан тугийн одонгоор шагнуулжээ.

1960 оны олимпийн өмнө 57.92 м, 59.55 м-ийн амжилтаар 2 ч удаа дэлхийн дээд амжилтыг тогтоосон. 1963 онд Москвад 59.78 м, 1964 оны 8 сард Киевт 61.38 м-ийн амжилт үзүүлэн дэлхийн дээд амжилтыг эвдэж, эмэгтэйчүүдээс анх удаа жадыг 60 м-ээс хол шидэж чадсан байна. Ийнхүү мөн оны 10 сард болох Токиогийн олимпод түрүүлэх магадлал хамгийн өндөр гэгдэж байсан ч Токиод урьдчилсан шатанд мөн ЗХУ-ын Елена Горчякова 62.40 м-ээр Озолинагийн дэлхийн дээд амжилтыг эвдэж, улмаар шигшээд Румыны 17 настай Михаэла Бенес 60.54 м-ээр алтан медаль хүртэн, Озолина 54.81 м-ийн амжилтаар дөнгөж 5-р байр эзэлсэн байна.

Озолина Ленинградын сонирхогчдын спортын Буревестник нийгэмлэгт бэлтгэл хийдэг байв. Тэрээр 1968 оны олимпийн эрэгтэйчүүдийн жад шидэлтийн аварга Жанис Лусистай гэрлэсэн бөгөөд тэдний хүү Волдемарс Лусис нь мөн жад шидэлтээр 2 олимпод оролцож байсан тамирчин болно.