Борис Гребенщиков

Борис Гребенщиков (орос. Бори́с Бори́сович Гребенщико́в, 1953 оны 11-р сарын 27-нд ЗХУ-ын Ленинград хотод төрсөн) — зөвлөлтийн сүүлд оросын яруу найрагч, хөгжимчин, хөгжмийн зохиолч, дуучин, гитарчин. «Аквариум» рок хамтлаг үүсгэн байгуулагч бөгөөд удирдагч нь. Орос хэл дээрх рок-хөгжмийг үндэслэгчдийн нэг.

Намтар

1953 оны 11-р сарын 27-нд Ленинград хотод төрсөн. 1971 онд Ленинградын 239-р физик-математикийн гүнзгийрүүлсэн дунд сургуулийг төгссөн. 1972 оны зун Гребенщиков Анатолий Гуницкийтэй хамт "Аквариум" хамтлагийг анх байгуулжээ. 1980-аад оны дунд үе хүртэл тус хамтлаг хагас далд нууц амьдралаар амьдарч, гэртээ бичлэг хийж, хааяа бусад хотуудаар богино хэмжээний аялан тоглолт хийдэг байжээ. 1974 онд тэрээр "Эрик Горошевскийн туршилтын театр"-тай богино хугацаанд хамтран ажилласан.

Тэрээр 1977 онд Ленинградын Ждановын нэрэмжит Улсын Их Сургуулийн Хэрэглээний Математик-Хяналтын үйл явцын факультетийг төгссөн. Социологийн судалгааны хүрээлэнд ажиллаж эхэлсэн бөгөөд дуу бичиж, ховор хагас андерграунд концертыг үргэлжлүүлэн хийжээ. Тэр жилдээ Самиздат хөгжмийн Roxy сэтгүүлийг үүсгэн байгуулжээ.

Лондонд амьдарч байгаа.