Бүгд Найрамдах Тува Улсын Дээд хурал
Бүгд Найрамдах Тува Улсын Дээд хурал (тува. Тыва Республиканың Дээди Хуралы (парламентизи) орос. Верховный Хурал Республики Тыва) — ОХУ-ын Бүгд Найрамдах Тува Улсын Үндсэн хуулийн дагуу төрийн эрх мэдлийг хэрэгжүүлдэг нэг танхимтай хууль тогтоох төлөөллийн байгууллага.
Түүх[засварлах | кодоор засварлах]
1993 оны 12-р сард Бүгд Найрамдах Тува Улсын Дээд Хурлын (парламент) анхдугаар хурлын сонгууль болсон. Сонгуулийн нэг чухал онцлог нь 1993 оны 10-р сард батлагдсан Бүгд Найрамдах Тува Улсын шинэ Үндсэн хуулийн үндсэн дээр болсон явдал юм. Улсын Дээд Хурлын 32 депутат сонгогдож, байнгын ажиллагаатай болсон. 1994 оны 1-р сарын 21-нд бүс нутгийн энэхүү парламентад 6 хороо байгуулагдав.
- Үндсэн хууль, эрх зүйн бодлогын хороо;
- Эдийн засаг, санхүүгийн зээлийн бодлогын хороо;
- Нийгмийн бодлогын хороо;
- Төрийн байгуулалтын хороо;
- Олон улсын хэрэг, парламент хоорондын харилцааны хороо;
- Газар тариалангийн бодлого, байгаль орчны менежментийн хороо.
Хөдөө аж ахуйн, Бүрэн эрхт Тувагийн Ардын нам, эмэгтэй депутат гэсэн 3 фракц тэр үед байгуулагдсан.
1994 оны 1-р сард Каадыр-оол Алексеевич Бичелдэй Бүгд Найрамдах Тува Улсын Дээд Хурлын анхны чуулганы даргаар сонгогдож байв.
Бүтэц[засварлах | кодоор засварлах]
2014 оноос хойш Бүгд Найрамдах Тува Улсын Дээд Хурлын дарга Кан-оол Тимурович Даваа, орлогч дарга -Виктор Глухов.
Улсын Дээд Хуралд найман хороотой. Үүнд:
- Эрчим хүч, барилгын хөгжлийн хороо;
- Газар тариалангийн бодлого, байгаль орчны менежментийн хороо;
- Төсөв, эдийн засгийн хөгжлийн хороо;
- Төлөөлөгчдийн Хуралтай харилцах, нутгийн өөрөө удирдах байгууллагыг хөгжүүлэх хороо;
- Эрүүл мэнд, нийгмийн хөгжлийн хороо;
- Боловсрол, соёл, залуучуудын бодлого, спортын хороо;
- Үндсэн хууль, эрх зүйн бодлогын хороо;
- Олон нийтийн аюулгүй байдал, хилийн асуудал эрхэлсэн хороо.
Тува улсын Дээд хурлын албан ёсны цахим хуудас: https://khural.rtyva.ru/