Зоодой загас
Зоодой загас гэж хэрлэгддэг common bream (Abramis brama) нь Мөрөгийхөн овгийн цэнгэг усны загас юм.
Ерөнхий шинж
[засварлах | кодоор засварлах]Бие хажуугаасаа хавтгай, нуруу өндөр, үл ялиг доод амтай. Ам хөдөлгөөнтэй. Бие гол төлөв мөнгөлөг саарал өнгөтэй, цэнгэг усанд хүрэн бор өнгөтэй харагдана. Сэлүүрүүд саарлаас хар өнгөтэй байдаг.
Биологийн онцлог
[засварлах | кодоор засварлах]Зоодой загасны биеийн урт 55 см хүрнэ. 3-4 насандаа бэлгэ боловсорно. 4 сарын сүүлээс 6 сар хүртэл усны температур 17°С байхад үржинэ. Атуу 100,000-300,000 түрсийг усны ургамалд шахна. Ёроолын хэсгээр сүрэглэн амьдарна. Зоодой загас усны сээрнуруугүйтэн, жингэнүүр ялааны авгалдай, цөөн өргөст хорхой, зөөлөн биетэн төдийгүй усны ургамал, хөвөгч амьтдаар хооллоно
![](http://upload.wikimedia.org/wikipedia/commons/thumb/1/11/Abramis_brama_Hungary.jpg/220px-Abramis_brama_Hungary.jpg)
Зоодой загас нь голын доод хэсэг, шим тэжээлээр баялаг нуур, цөөрмийн замгаар баялаг, шаварлаг ёроол бүхий хэсэгт тархан амьдарна (Хойд мөсөн далайн ай сав).