Лхамхүүгийн Дарьзав

Лхамхүүгийн Дарьзав (1891-1937)

1891 онд Дундговь аймгийн Говь Угтаал суманд төрсөн.

Ажил, алба

1912 оны цэрэг, 1915-1916 онд Сулинхээрт Д.Магсаржавын удирдлаганд хятадын цэрэг устгах, 1917 онд Бавуужавын үлдэгдэл дээрэмчдийг устгах тулаанд оролцож явсан. Партизан. Хаант Монгол улсын Тэргүүн хорооны жагсаалын дарга. 1-р морьт бригадын дарга,

1921 онд МАЖЦ-т элссэн.

1926-1929 онд Цэргийн Ерөнхий Сургуулийн Захирал,

1928 онд Дарьгангад хил хамгаалах ангийн дарга,

1929.03.22-1930.04.15-нд Цэргийн Явдлын Яамны Сайд,

1930.04-1932.07 сард Хувьсгалт цэргийн зөвлөлийн Бүх цэргийн байцаагч (дайны цагийн ЦЯЯ-ны сайд),

1932-1934 онд Хувьсгалт цэргийн зөвлөлийн гишүүн, Цэргийн Явдлын Яамны 2-р удирдах газрын дарга,

1934-1936 онд БНМАУ-аас ЗСБНХУ-д суух Бүрэн эрхт Элчин Сайдаар ажилласан.

1936 оны 10-12 сард БНМАУ, Манж-Го хоорондын хилийн хэлэлцээрт Монголын талын тэргүүнээр ажилласан.

1936 онд Цэргийн Явдлын Яамны Сайд бөгөөд Бүх Цэргийн Жанжны 1-р орлогчоор ажиллаж байгаад хувьсгалын эсэргүү, тагнуулын байгууллагын хэрэгт холбогдож 1937 оны 9-р сарын 10-нд баригдаж, цаазлагдсан.

Цагаатгасан талаар

АИХТ-ийн 1962 оны 2 дугаар сарын 13-ны өдрийн 80 дугаар тогтоолоор улс төрийн хилс хэрэгт хэлмэгдсэнийг цагаатгасан.

Алдар цол, гавъяа шагнал

1930, 1931 онд Цэргийн гавъяаны улаан тугийн одон,

1931 онд ЗХУ-аас Байлдааны улаан тугийн одон,

1936 онд "Алтангадас" одонгоор шагнагдсан.

Энэ хүний тухай өгүүлэл дутуу дулимаг бичигджээ. Нэмж гүйцээж өгөхийг хүсье.

Энэ Монгол улсад хамаарах өгүүлэл дутуу дулимаг бичигджээ. Нэмж гүйцээж өгөхийг хүсье.