Могой
Могой бол хэвлээр явагч, хүйтэн цуст мөлхөгч амьтан юм. Могой нь дэлхий дээр 3000 гаруй төрөл байдгаас 400 гаруй нь хортой. Бүх хэвлээр явагчдын адил могойнууд нь эктотермик, амниот сээр нуруутан, давхардсан хайрсаар бүрхэгдсэн байдаг. Могойн гавлын яс нь хэд хэдэн үетэй учир толгойноосоо хамаагүй том олзыг залгих боломжийг олгодог (гавлын кинезис). Нарийн биетэй байхын тулд могойн хос эрхтнүүд (бөөр гэх мэт) зэрэгцэн биш, нөгөөгийнхөө өмнө байрладаг бөгөөд ихэнх нь зөвхөн нэг уушигтай байдаг. Зарим төрөл зүйл нь аарцагны бүслүүртэй.
| Биологийн ангилал | ||||||||
|---|---|---|---|---|---|---|---|---|
|
Хорт могойнд хорын булчирхай хөгжсөн бөгөөд шүд нь хор дамжуулах сувагтай байдаг. Зарим могойн хор хүнийг тэр дор нь үхүүлэх хүчтэй. Хортой болон хоргүй могойг гаднаас нь таних боломжтой. Хортой могойн хүүхэн хараа босоо, сүүл огцом төгсгөлтэй, шанаа том, ихэвчлэн хурц тод өнгөтэй байдаг байна. Манай оронд тархсан могойноос бамбай хоншоорт могой нь хорт могой юм.
Салаа хэлээ үргэж цухалзуулж явах ба энэ нь агаарт байх химийн найрлагыг шинжлэгч буюу үнэрлэх үүргийг гүйцэтгэнэ.
Сонсголын эрхтэн маш сул хөгжсөн. Зарим могойн хамрын ойролцоо байх мэдрэлийн хүлээн авуур долгионыг мэдэрч ан хийхэд тусладаг.
Нүд нь хэт улаан туяаг хүлээн авах чадвартай учир амьтдын дулаанаар баримжаалан ан хийх нь элбэг.
Энэ өгүүлэл дутуу дулимаг бичигджээ. Нэмж гүйцээж өгөхийг хүсье.