Монголын төмөр зам

Орос-Монголын хамтарсан Улаанбаатар төмөр зам ХНН-тэй бүү андуураарай.

"Монголын төмөр зам" -2008 оны 3-р сарын 5-ны өдрийн Монгол Улсын Засгийн газрын 82 дугаар тогтоол, мөн сарын 20-ны өдрийн Төрийн өмчийн хорооны шийдвэрээр байгуулагдсан Монгол Улсын төрийн өмчит хувьцаат компани юм.

Үйл ажиллагаа ба бүтэц

Монголын төмөр зам компанийн үндсэн ажиллагааг дараах байдлаар тодорхойлсон байдаг.

• Төмөр замын дэд бүтцийн засвар, ашиглалт, шинээр барих
• Төмөр замын тээвэрлэлтийн үйлчилгээ
• Зүтгүүрийн засвар үйлчилгээ, ашиглалт, түрээслэлт
• Төмөр замын түүхий эдийн худалдан авалт, түүнээс бий болсон хөрөнгийг зохицуулаx
• Гадаад худалдаа, хуулиар хориглоогүй бизнес эрхлэх

Тус компани “Шинэ төмөр зам” төсөл, Хөдлөх бүрэлдэхүүний түрээс, Замын-Үүдийн шилжүүлэн ачих байгууламж, “Тяньжиний тээвэр логистикийн төв” төсөл гэсэн үндсэн чиглэлээр үйл ажиллагаа явуулж байна.

Хараат, охин компаниуд

• Тавантолгой-Гашуунсухайт чиглэлийн төмөр замын төслийг хэрэгжүүлэгч “Тавантолгой төмөр зам” ХХК
• БНХАУ-ын Тяньжин боомтод тээвэр логистикийн төвийн төсөл хэрэгжүүлэгч “Монголиан порт групп”
• “Шивээ хүрэн төмөр зам" ХХК
• “Чойбалсан-Хөөт-Бичигт төмөр зам” ХХК
• “Арцсуурь-Нарийнсухайт-Шивээхүрэн төмөр зам” ХХК

Төлөөлөн удирдах Зөвлөлийн гишүүд

1. Цэрэнжавын Одхүү ТУЗ-ийн дарга (ЗТХЯ-ны ТЗУХ-ийн дарга)
2. Сүхээгийн Мяндасмаа ТУЗ-ийн гишүүн (Зам, тээврийн хөгжлийн яамны хуулийн хэлтсийн дарга )
3. Лхамрагчаагийн Булганхүү ТУЗ-ийн гишүүн (ЗТХЯ-ны ТЗДТБХЗГ-ын ахлах шинжээч)
4. Нацагдоржийн Ганболд ТУЗ-ийн гишүүн, Цалин, хөлс, урамшууллын хорооны гишүүн (ТӨБЗГ-ын Төрийн захиргаа удирдлагын хэлтсийн дарга)
5. Даваасүрэнгийн Нар-Од ТУЗ-ийн гишүүн (“Солид юнити аудит” ХХК-д аудитын менежер)
6. Батмөнхийн Амарбаясгалан ТУЗ-ийн гишүүн (Төрийн өмчийн удирдлага, зохицуулалтын хэлтсийн дарга)
7. Ж. Ариунаа ТУЗ-ийн гишүүн
8. Н. Мөнхбат ТУЗ-ийн гишүүн (ЗГХЭГ-ын ахлах референт)

Цахим холбоос

• Монголын төмөр замын албан ёсны цахим хуудас (англи, монголоор)