Нарны эрчим хүчний цамхаг

Нарны эрчим хүчний цамхаг

Нарны эрчим хүчний цамхаг

Цамхагийг тойруулан байрлуулсан нарны толь (heliostat)-ууд нь компьютерийн удирдлагаар нарны тусгалыг даган байрлалаа өөрчилж нарны цацрагийг хүлээн авагчид төвлөрүүлж их хэмжээний дулааныг үүсгэнэ. Нам температырн хуримтлуураас 290°C-ын температуртай давсны хайлмагийг хоолойгоор дамжуулан хүлээн авагчийн дотуур нэвтрүүлэхэд давсны хайлмаг хүлээн авагчид цугласан нарны энергийг өөртөө шингээнэ. Үүний дүнд давсны хайлмагийн температур 565°C хүртэл өснө. Ингэж халсан давсны халуун хайлмаг нь маш сайн дулаан тусгаарлагч бүхий дулаан алдагдал багатай өндөр температурын хуримтлуурт хадгалагдана. Халуун давсны уусмалыг уур үүсгэх систем рүү насосоор шахаж оруулна.

Энэ уур үүсгэх систем нь термодинамикийн ямар нэг(Ринкин, Карно г.м) циклээр 538°С-ийн хэт ханасан уур үүсгэн, турбин руу өгч цахилгаан үйлдвэрлэнэ. Уурын турбинаас гарсан давсны хайлмагийг хүйтэн хуримтлуур руу буцааж шилжүүлнэ. Энэ циклийг дахин давтах замаар цамхгат нарны дулааны станцыг ажиллуулна. Цамхагт нарны дулааны станцын хувьд дулаан дамжуулах ажлын шингэн нь ихэвчлэн Na болон KNO3 хоёрын нэгдэл бүхий давсны хайлмаг хэрэглэдэг. Давсны хайлмаг нь дулаан нөөцлөх сайн чадвартай, 537оС-аас дээш температурт ажилладаг тул уурын турбин илүү үр ашигтай ажиллах нөхцөлийг сайн хангадаг зэрэг хэд хэдэн давуу талтай тул түүнийг нарны дулааны станцын хэрэглээнд өргөн ашигладаг. Давсны хайлмагийг ашигладаг дулаан хуримтлуурыг цамхагт болон парабол ойлгогчтой нарны дулааны станцад өргөн ашиглаж байна.