Норильск
Норильск - Оросын Красноярскийн хязгаарт харьяалагддаг 2021 оны байдлаар 174 453 хүн амтай хот. Таймырын хойгоос өмнө зүгт, Енисей мөрөнөөс зүүн тийш 90 км, Красноярск хотоос хойд зүгт 1500 км, Умард туйлаас 2400 км зайд оршдог хот юм.
Өнгөт төмөрлөгийн томоохон төв бөгөөд хот үүсгэн байгуулж буй үйлдвэр нь оросын "Норильскийн никель" уул уурхай, металлургийн компанийн (хуучнаар Норильскийн уул уурхай, металлургийн комбинат) салбар юм.
Хүн ам
[засварлах | кодоор засварлах]Хотын хүн амын угсаатны бүтэц олон янз байдаг. 2010 оны байдлаар хүн амын хамгийн олон үндэстэний бүлгүүд нь Орос, Украин, Азербайжан, Татар, Лезгин, Чуваш, Башкир, Беларусь, Осет, Ногай, Казакууд байв. Одоогийн байдлаар Норильскийн хүн ам нь бараг бүхэлдээ 20-р зууны хоёрдугаар хагаст хотод нүүж ирсэн хүмүүс болон тэдний үр удмаас бүрддэг боловч 1953 онд өршөөлд хамрагдсан хоригдлуудын үр удам одоо хүртэл энэ хотод амьдардаг байна. Энэ хотод Ненец, Энец, Нганасан, Долган зэрэг нутгийн уугуул үндэстэн цөөн байдаг.
Цаг агаар
[засварлах | кодоор засварлах]Норильск ба түүний эргэн тойрон нь Алс Хойд бүс нутагт хамаардаг. Норильск нь субарктикийн эрс тэс уур амьсгалтай. Энэ бол дэлхийн хамгийн хүйтэн, салхитай хотуудын нэг бөгөөд Мурманскаас хамаагүй хүйтэн юм.
Хотын өвөл урт, хүйтэн байдаг (1-р сарын дундаж температур ойролцоогоор -28 ° C байдаг), түүний онцлог шинж чанар нь хүйтэн жавартай, хүчтэй салхитай байдаг. Хүйтэн температуртай үе нь жилийн 240 орчим хоног, түүний дотор цасан шуургатай 50 гаруй хоног үргэлжилдэг. Өвөл 10-р сарын эхнээс 5-р сарын сүүл хүртэл үргэлжилдэг. Цасан бүрхүүл жилд 7-9 сар үргэлжилдэг байна. Зуны улирал богино бөгөөд +14.3 ° C сэрүүн байдаг байна.