Олон улсын сурагчдын байгалийн шинжлэх ухааны олимпиад хуудасны эх кодыг харах

'''Олон улсын сурагчдын байгалийн шинжлэх ухааны олимпиад''', товчоор '''ОУСБШУО''', ({{lang-en|International junior science olympiad, IJSO}}) нь 16 нас хүрээгүй сурагчидын дунд жил бүр зохиогддог [[байгалийн шинжлэх ухаан]]ы тэмцээн юм. Орон бүрээс оролцох баг нь үндэсний хэмжээнд шалгарсан зургаан сурагч (оролцогч) болон багийн гурван удирдагчаас бүрдэнэ. Мөн ажиглагч дагалдан явах боломжтой.  Энэ нь [[Олон улсын шинжлэх ухааны олимпиад]]уудын нэгд ордог. Хамгийн анхны ОУСБШУО нь 2004 онд [[Индонез]] улсын [[Жакарта]] хотод зохиогдож байсан.

== Шалгалт ==
Тэмцээн нь гурван өдөр үргэлжлэнэ. Эхний өдөр тестийн шалгалт, дараагийн өдөр онолын бодлого, сүүлийн өдөр нь туршилтын ажил хийдэг ба оролцогчдын [[физик]], [[хими]], [[биологи]]йн мэдлэгийг шалгадаг. Нийт 100 оноо авах боломжтой.

=== Тестийн шалгалт ===
Нийт 30 тест ирдэг ба эдгээрийн 10 нь физик, 10 нь хими, 10 нь биологийн агуулагатай байдаг.  Тест бүрд дөрвөн өөр сонголт байх бөгөөд зөвхөн нэг зөв хариуг олох ёстой.  Зөв хариулсан тест бүр 1 оноо, хариулаагүй бол 0 оноо, буруу хариулвал -0,25 оноо авах ба нийт 30 оноо авах боломжтой.

=== Онолын шалгалт ===
10 онооны  3 бодлого ирэх ба эдгээрийн 1 нь физик, 1 нь хими, 1 нь биологийн агуулагатай байдаг. Бодлого бүр хэд хэдэн асуултаас бүрдэнэ. Нийт 30 оноо авах боломжтой.

=== Tуршилтын шат ===
Туршилтын ажлыг нэг орны 3 хүүхэд 1 баг болж хамтарч хийдэг. [[Байгалийн шинжлэх ухаан]]ыг нийтэд нь хамарсан эсвэл аль нэг шинжлэх ухааныг хамарсан хэд хэдэн ажил ирдэг. Нийт 40 оноо авах боломжтой.

== Шагнал урамшуулал ==
Нийт оролцогчдыг нийлбэр оноогоор нь жагсаан байр эзлүүлэх ба алтан медалийг нийт оролцогчдын хамгийн өндөр оноо авсан 10%-д мөнгөн медалийг дараагийн 20%-д хүрэл медалийг дараагийн 30%-д олгодог. Бусад оролцогчид оролцсон тухай сертификат хүртдэг.

Түүнчлэн хамгийн өндөр оноо авсан оролцогч (Үнэмлэхүй аварга), онол, тестийн нийлбэр оноогоор хамгийн өндөр оноо авсан оролцогч (Онолын үнэмлэхүй аварга), туршилтын ажлаар хамгийн өндөр оноо авсан баг (Туршилтын шилдэг баг), Хамгийн сайн амжилттай баг (Шилдэг баг)-ууд тусгай шагнал хүртдэг.

== Монголын багийн үзүүлсэн амжилт ==
Монгол улс тус олимпиадад 2005 оноос хойш тасралтгүй 5 жил орж байгаа ба энэ хугацаанд нийт 4 [[OУСБШУО-д Монголыг төлөөлж оролцсон оролцогчид|мөнгө]], 11 [[OУСБШУО-д Монголыг төлөөлж оролцсон оролцогчид|хүрэл]] медаль авчээ.

== Зохион байгуулагч орнууд ==
* 12 сарын 5-14, 2004 - {{flagicon|Индонез}} [[Индонез]], [[Жакарта]]
* 12 сарын 4-13, 2005 - {{flagicon|Индонез}} [[Индонез]], [[Ёгякарта]]
* 12 сарын 3-12, 2006 - {{flagicon|Бразил}} [[Бразил]], [[Сан-Паулу]]
* 12 сарын 2-11, 2007 - {{flagicon|Тайвань}} [[Тайвань]], [[Тайпэй]]
* 12 сарын 7-16, 2008 - {{flagicon|Өмнөд Солонгос}} [[Өмнөд Солонгос]], [[Чанвон]]
* 12 сарын 2-11, 2009 - {{flagicon|Азербайжан}} [[Азербайжан]], [[Баку]]
* 12 сарын 2-11, 2010 - {{flagicon|Нигери}} [[Нигери]], [[Абужа]]

== Цахим холбоос ==
* [https://web.archive.org/web/20080410172153/http://www.ijso-official.org/ Албан ёсны вэбсайт]
* [https://web.archive.org/web/20080205041822/http://twijso.sec.ntnu.edu.tw/IJSO2007/main.html 2007 оны ОУСБШУО]
* [https://web.archive.org/web/20090102223221/http://www.ijso.or.kr/ 2008 оны ОУСБШУО]
* [https://web.archive.org/web/20090328134901/http://www.ijso2009.az/ 2009 оны ОУСБШУО]
* [https://web.archive.org/web/20100420223607/http://www.ijso2010.org.ng/ 2010 оны ОУСБШУО]
* [https://web.archive.org/web/20110716015858/http://sciencestage.com/g/1011599/international-junior-science-olympiad.html sciencestage.com]

[[Ангилал:Сурагчдын тэмцээн]]
[[Ангилал:Шинжлэх ухааны олимпиад]]