Санжаадоржийн Молор-Эрдэнэ

Чөлөөт нэвтэрхий толь — Википедиагаас
Jump to navigation Jump to search
Санжаадоржийн Молор-Эрдэнэ


Санжаадоржийн Молор-Эрдэнэ 1962 оны 03-р сарын 14-нд Төв аймгийн Жаргалант суманд төрсөн. Боржигон овогт Санжаадоржийн Молор-Эрдэнэ нь Монголын Философийн доктор бөгөөд шинэ үеийхэнд сэтгэлгээний өөрчлөлт хийхээр тэмцэж буй нэгэн юм. Тэрээр нийгэм, олон нийтийн соён гэгээрлийн төлөө ажиллаж байна.

Намтар[засварлах | edit source]

1987 онд Германы Дрезден хотын Техникийн Университетийг Дулааны станцын Конструктор инженерийн мэргэжлээр төгссөн. 1988-1990 онд Хөдөө Аж Ахуй Барилгын зургийн институтэд технологийн мэргэжилтнээр ажилласан. 1993 он хүртэл ШУА-ий Газарзүй цэвдэг судлалын хүрээлэн, Физик-Технологийн хүрээлэн эрдэм шинжилгээний ажилтнаар ажилласан.

1993-1997 онд Дрезден хотын Техникийн Университетид Докторант болсон, Германы Zeo Tech, Tinox зэрэг компаниудад ажилласан. 1997 онд Германы Дрезден хотын Техникийн Университетэд Доктор-Инженерийн цол хамгаалсан. 1997-2000 онд Мюнхений Университетэд судлаач зохион бүтээгчээр ажиллаж, өндөр технологийн Smart Fuelcell компанид төслийн удирдагчаар ажилласан. 2001-2002 онд ШУА-ийн Физик-Технологийн хүрээлэнд буцаж ирж ажилласан. 2002-2003 онд Философийн номууд уншиж гэртээ ажилласан. 2003-2007 онд Мюнхений Университетийн Философийн Факултетэд Докторантаар ажилласан. 2007 онд Мюнхений Университетэд Философийн Докторын цол хамгаалсан.
Тэрбээр 2007 онд Монголдоо ирснээс хойш МУИС-ийн философийн тэнхимд философийн багшаар ажилласан. Мөн “Монгол ухаан судлалын хүрээлэн”-д байгуулж Монгол оронд философийг хөгжүүлэхийн төлөө ажиллаж “философийн мэдээ” сэтгүүл эрхлэн гаргаж, философийн сонгодог бүтээлүүдийг орчуулж улмаар философи, улс төр, нийгмийн номууд бичсэн. 2005 онд “Ертөнц Бодол Мэдлэг”, 2006 онд “Ухаан Ухамсар Эрдэм”, 2007 онд “Санаа Сэтгэл Зохиол” зэрэг философийн номуудаа хэвлүүлсэн бөгөөд, 2011 онд “Ар Монголд Орчин үе үгүйлэгдэнэ”, “Монголчуудын хар хайрцагны бодлого”, “Монголын гэрээ” зэрэг улс төрийн номуудаа хэвлүүлсэн юм. 2010 онд Эрих Фроммын “Бий эсвэл Байх”, 2011 онд Мартин Хайдеггерын “Байх ба Хугацаа” номуудыг орчуулан хэвлүүлсэн юм.
2011 оны 09-р сарын 23-наас Хамуг Монголын Хөдөлмөрийн Намын даргаар сонгогдон ажиллаж байна. 2011 оны 09-р сарын 25-ны өдрөөс Хамуг Монголын Хөдөлмөрийн Намын даргаар сонгогдон ажиллаж байна[1].

Бүтээлүүд[засварлах | edit source]

Философийн ном[засварлах | edit source]

Орчуулгын ном[засварлах | edit source]

  • Эрих Фромм “Бий эсвэл Байх”, Улаанбаатар хот, 2009
  • Мартин Хайдеггер “Байх ба Хугацаа”, Улаанбаатар хот, 2010
  • Жан Пол Сартр "Байх ба биш", Улаанбаатар хот, 2012

Нийгэм, Улс төрийн нoм[засварлах | edit source]

  • Ар Монголд Орчин үе үгүйлэгдэнэ, Улаанбаатар, 2011
  • Монголчуудын хар хайрцагны бодлого, Улаанбаатар, 2011
  • Монголын гэрээ, Улаанбаатар, 2012

Гадны холбоос[засварлах | edit source]

Эшлэл[засварлах | edit source]

  1. http://hamugmongol.mn/news/show/id/409