Социологи

Социологи нь хүний нийгмийг шинжлэх ухааны үндэслэлтэй судлах ухаан бөгөөд нийгэм, хүний нийгмийн зан төлөв, нийгмийн харилцааны хэв маяг, нийгмийн харилцаа, өдөр тутмын амьдралтай холбоотой соёлын талыг хамардаг. Социологи нь нийгмийн шинжлэх ухаан, хүмүүнлэгийн салбарт багтдаг бөгөөд туршлага дээр үндэслэсэн судалгаа, шүүмжлэлт дүн шинжилгээний янз бүрийн аргуудыг ашиглан нийгмийн дэг журам, нийгмийн өөрчлөлтийн талаар мэдлэгийн сан бүрдүүлдэг;3-5 Нийгмийн дэг журам, нийгмийн өөрчлөлтийн талаархи мэдлэгийг хөгжүүлэх.:32-40 социологийн судалгааны сэдэв нь хувь хүний харилцаа, үйл ажиллагааны микро түвшний шинжилгээнээс эхлээд нийгмийн систем, нийгмийн бүтцийн макро түвшний шинжилгээнд хүртэлх өргөн хүрээг хамардаг.Практикт чиглэсэн социологийн судалгааг нийгмийн бодлого, халамжид шууд ашиглаж болох бол онолын хандлага нь нийгмийн үйл явц, феноменологийн аргыг ойлгоход чиглэсэн байж болно.

Социологийн уламжлалт судалгааны чиглэлүүдэд нийгмийн давхаргажилт,нийгмийн анги, нийгмийн хөдөлгөөнт байдал, шашин шүтлэг,төрөөс сүм хийдийг тусгаарлах,хууль эрх зүй,бэлгийн чиг баримжаа, хүйс, гажуудал зэрэг багтдаг. Сүүлийн үеийн судалгаанууд нь дижитал ялгаа зэрэг социо-техникийн талыг шинэ чиглэл болгон нэмж авч үзсэн. Хүний бүх үйл ажиллагааны хүрээ нь нийгмийн бүтэц, хувь хүний үйл ажиллагааны харилцан үйлчлэлээс хамааралтай тул социологи нь эрүүл мэнд ба анагаах ухааны институт, эдийн засаг, цэрэг арми, шийтгэл болон хяналтын систем, интернэт, боловсролын социологи, нийгмийн капитал, шинжлэх ухааны мэдлэгийн хөгжил дэх нийгмийн үйл ажиллагааны үүрэг зэрэг бусад сэдэв, институтууд руу аажмаар өргөжиж хөгжиж байна.