Сүнрэвийн Ганбямба
Сүнрэвийн Ганбямба (1975 онд Улаанбаатар хотод төрсөн) 2022 оны 11-р сарын 3-наас Монгол улсын Зэвсэгт хүчний Жанжин штабын дарга, дэслэгч генерал.
2021 оны 12-р сард Бригадын генерал, 2023 оны 7-р сард Хошууч генерал, 2025 оны 7-р сард Дэслэгч генерал цол тус тус хүртсэн.
Боловсрол
[засварлах | кодоор засварлах]1983-1993 онд Нийслэлийн 33-р дунд сургууль сурч төгссөн.
1993-1997 онд БХЯ-ны Цэргийн Их сургуулийн "Артиллерийн команд-тактик"-ийн мэргэжлээр суралцаж, цэргийн шинжлэх ухааны бакалавр зэрэгтэй төгссөн.
2003 онд Бүгд Найрамдах Турк Улсад 2003 онд “Энхийг сахиулах ажиллагааны анхан шатны дамжаа” дүүрэгсэн.
2006 онд “Батальоны захирагчийн дамжаа”.
2007-2009 онд Батлан хамгаалахын удирдлагын академид суралцаж "Стратеги-тактик, команд штаб" -ын мэргэжлээр магистр хамгаалсан.
2014 онд Канад Улсад “Англи хэлний анхан шатны дамжаа”-г дүүргэжээ.
2017-2019 онд ОХУ-ын Зэвсэгт хүчний Жанжин штабын академид "Төрийн цэргийн аюулгүй байдал" мэргэжлээр сурсан.
2021 оноос Үндэсний Батлан хамгаалахын Их сургуульд докторантурт сурч байна.
Ажилласан байдал
[засварлах | кодоор засварлах]1997-2000 онд Зэвсэгт хүчний 120-р ангид салааны захирагч,
2000-2001 онд мөн 120-р ангид батарейн захирагч,
2001-2006 онд Батлан хамгаалахын Их сургуулийн Ахлагчийн сургуульд ротын захирагч,
2006-2007 онд Зэвсэгт хүчний 327-р ангид артилеррийн дарга,
2009-2012 онд Батлан хамгаалахын Удирдлагын Академийн Цэргийн стратегийн тэнхимд багш, ахлах багш.
2012-2013 онд БХЯ-нд тасгийн дарга, ахлах мэргэжилтэн.
2013-2017, 2019-2021 онд БХЯ-ны Стратегийн бодлого, төлөвлөлтийн газарт хэлтсийн дарга, газрын дарга.
2020 оноос Монгол улсын ЗХЖШ-ын нэгдүгээр орлогч дарга.
2022 оны 11-р сарын 3-наас Монгол улсын ЗХЖШ-ын даргын албан тушаалыг хашиж байна.
Ажиллагааны туршлага
[засварлах | кодоор засварлах]2010-2011 онд Афганистан улсад явагдсан Энхийг дэмжих ажиллагаанд “Артиллерийн сургалтын хөдөлгөөнт багийн 11 дүгээр ээлж”-ийн Багийн захирагчаар үүрэг гүйцэтгэсэн.