Тооно Нагико
| Тооно Нагико | |
| Тайзны нэр | Тооно Нагико |
|---|---|
| Төрсөн нэр | Аоки Акими |
| Төрсөн өдөр | 1979 оны 11 сарын 22 |
| Төрсөн газар | Канагава, Кавасаки |
| Нас барсан өдөр | 7 сарын 3, 2025 (45 насалсан) |
| Нас барсан газар | Токио, Тошима дүүрэг |
| Биеийн өндөр | 164см |
| Яс үндэс | Япон үндэстэн |
| Улсын иргэн |  Япон |
| Ажил үйл | жүжигчин |
| Төрөл | дэлгэц (УСК, ОАК) |
| Танил үе | 1991-1995, 1998-2025 |
| Зууч | чөлөөт уран бүтээлч |
Тооно Нагико (японоор 遠野なぎこ, анхандаа ханз үсгээр 遠野凪子 гэж бичдэг байсан → [tōno nagiko]; англи латин үсгээр хэвшсэн нь Nagiko Tono, жинхэнэ нэр нь 青木秋美 → Аоки Акими) — 1979 онд улсынхаа Канагава аймагт төрсөн, 1999 оны «Сүзүран» гэдэг нэртэй ОАК-ны гол дүрээр Монголын үзэгчдийн эчнээ танил болсон Япон улсын эмэгтэй жүжигчин. Тохо Гэйно, Wild Vision, Cast Power-т харьяалагддаг байгаад 2024 оны 9 сарын 30-нд бие дааж, Ракүкюүэн компанитай хамтран ажиллаж байгаад 2025 оны 2 сарын 1-нд чөлөөт уран бүтээлч болжээ.
Намтар
[засварлах | кодоор засварлах]Тооно 6 настайгаасаа хүүхдийн дүр бүтээж, жүжигчний авьяас нь тодорсон юм.
- 1991 онд Асахи телевизийн "Чоожин Сэнтай Жетман" (Шувуун хүний эскадриль - Жетман) олон ангит кинонд жинхэнэ нэрээрээ туслах дүр бүтээж анх телевизийн дэлгэцнээ гарчээ.
- 1994 онд мөн Асахи телевизийн "Ёмэ но дэрү макү" (Эхнэрийн ээлж) олон ангит кинонд Тооно Нагико гэх нэрээр гол дүрүүдийн нэгийг бүтээсэн.
- 1995 онд NHK телевизийн түүхэн ОАК "Хачи дай Шёогүн Ёшимүнэ" (Наймдугаар шёогүн Ёшимүнэ), TBS телевизийн ОАК "Мисэйнэн" (Насанд хүрээгүй хүн)-д тоглов.
- 1999 онд NHK телевизийн өглөөний ОАК "Сүзүран"-ий гол дүр Токива Моэгийн залуу насны дүрийг бүтээв.
- 2001 онд дэлгэцнээ гарсан "Нихон но күрои нацү-Энзай" (Японы хар зун-хилс хэрэг) киноны дүрээрээ Японы кино шүүмжлэгчдийн холбооны шилдэг шинэ жүжигчний шагнал хүртжээ.
- 2002 онд "Үми ва митэ ита" (Далай тольдож байлаа) кинонд анх удаа нүцгэлэв.
- 2005 онд "Фүюү но римпү" (Өвлийн тойрон бүжиг) ОАК-ны гол дүр Мизүшима Шинобүгийн дүрд тогложээ.
- 2007 онд "Үрүвашики они" (Үзэсгэлэнт чөтгөр) киноны гол дүрийг бүтээв. Хожим уг дүрийнхээ нэр Юүкогоос санаа авч, муураа Юү гэж нэрлэсэн гэдэг.
- 2012 оны 3 сард Тохо Гэйно компанитай байгуулсан гэрээ нь дуусгавар болж, Wild Vision компани руу шилжив.
- 2019 оны 5 сард Cast Power компанид харьяалагдах болсон. Улмаар 2024 оны 9 сарын 30-нд бие дааж, менежментийн зарим ажлаа Ракүкюүэн компанид хариуцуулах болсноо зарласан ч 2025 оны 2 сарын 1-нээс чөлөөт уран бүтээлч болжээ.
- 2025 он 7 сарын 3-нд түүний гэрт хэн болох нь тодорхойгүй цогцос олдсон. 6 сарын сүүлчээс Тооно интернэтэд бичлэг оруулаагүй, мөн ойр дотнынхонтойгоо холбогдоогүй байсан тул уг цогсыг Тооно Нагико байж магадгүй гэж шинжилж байгаа тухай дараагийн өдөр нь цагдаагийн газраас зарлав. 2025 оны 7 сарын 17-нд Тооногийн албан ёсны блог нь шинэчлэгдэж, нас барсан болохыг нь зарлажээ.
Энэ Япон улсад хамаарах өгүүлэл дутуу дулимаг бичигджээ. Нэмж гүйцээж өгөхийг хүсье.