Футболк

Чөлөөт нэвтэрхий толь — Википедиагаас
Jump to navigation Jump to search
Википедиа футболк

Футболк (англ. shirt[1]цамц‘) нь ихэнхдээ богино ханцуйтай, дугуй эсвэл хошуу зүсэлт бүхий хоолой, захгүй, хармаа ба товчгүй, даавуугаар хийгдсэн хувцас юм.

Түүх[засварлах | edit source]

Футболк нь бидний өдөр тутамдаа өмсдөг хувцасны нэг болж бидний хувцасны шүүгээнд орсноос хойш ердөө хагас зуун л өнгөрч байна. Энэхүү хувцас нь өөрөө 20-р зууны эхэнд хэдийн хүмүүсийн хэрэглээнд нэвтэрсэн байсан ч (өргөн зах, богино ханцуйтай боловч) тэр бүр олон нийтийн дунд өмсдөггүй байсан ба дотуур хувцасны хэмжээнд хэрэглэгдэж байсан байна.

19-р зуунд ажилчид түлхүү өмсдөг байсан улаан үстэй даавуун "Union suit" буюу нэгдмэл өмсгөл гэж орчуулагдах бүтэн биеийн дотуур хувцаснаас үүсэлтэй гэж үздэг. "Union suit" нь 1868 онд Нью-Йорк хотноо анх Викториян эмэгтэйчүүд гэх ижил төрлийн дотуур хувцаснаас санаа аван патентлагдаж анх үүсжээ. Гэвч нэгдмэл өмсгөл нь биеийг зөвхөн дулаан байлгах зориулалттай болохоор халууны улиралд ямар ч хэрэгцээгүй болж ажилчид голоор нь хувааж өмсөх болсноор өнөөдрийн бид бүхний өдөр тутамдаа өмсдөг дотуур өмд бий болсон байна. Мөн энэ зуунд зарим хүмүүс дотуур хувцасыг энгийн даавуу ашиглаж товчгүй биед эвтэйхэн хийснээр захнаасаа сугалж тайлах арга үүссэн.

1904 онд дахин футболкны хувь тавилан өөрчлөгдсөн нь Куперийн дотуур хувцас үйлдвэрлэлийн компани шинэ маркетингаар эрэгтэйчүүдийн дотуур футболкийг "Товчгүй, Сүлбээр зүүгүй, Нэхмэлгүй" гэсэн шошготойгоор худалдаалж эхэлсэн байна. Ингэж анх дотуур футболкны маркетингаар элдэв шаардлагатай тоноглолгүй (сүлбээр зүү, товч г.м) футболкны ойлголттой болсон байна. Энэ зар сурталчилгааны дараагаар АНУ-н батлан хамгаалах яам оёдол хийх урлах чадвартай залуу хөвгүүдийг дүрэмт хувцасны дотор өмсгөх товчгүй дотуур футболк хийлгэхээр элсүүлсэн байдаг.

1905 оны АНУ-ын усан цэргийн флотын дүрэмт хувцасны дүрмийн шинэчлэлээр усан цэргүүд дүрэмт хувцасны дотуур футболкийг өмсөх болсон байна. Ингэснээр хөдөлгүүрийн өрөөнд ажиллах цэргүүд болон халуун цаг агаартай үед өмсөх болсон нь тав тух болон ажлын үйл явцад эерэгээр нөлөөлсөн байна.

Дэлхийн нэгдүгээр дайн дууссаны дараа цэргүүд форм болсон футболкоо гэр лүүгээ авч явах болсон байна. Дэлхийн нэгдүгээр дайны дараахан зохиолч F.Scott Fitzgerald өөрийн This Side of Paradise романдаа анх T-shirt буюу том Т үсэгний хэлбэртэй цамц гэж анх нэрийг нь зохиожээ. Дэлхийн хоёрдугаар дайны үед мужууд болон хүн амын ихэнх нь дотуур футболкийг тогтмол хэрэглэдэг болсон байсан бол дайны төгсгөлд одоо үеийн футболкны талаарх ойлголт бий болсон байдаг.

Өнөөдрийн байдлаар манай Монгол улсад футболкны хэрэглээ дээр дурдсаны мөн адил эрэлт хэрэгцээ худалдан авалт өндөр хэрэглээ бөгөөд лого болон ямар нэгэн тэмдэглэлгүй футболк болон хувцасны дэлхийд танигдсан GILDAN үйлдвэрлэлийн хувцаснуудыг худалдаалж байна.

Цахим холбоос[засварлах | edit source]

Wiktionary
Wiktionary: Футболк – Энэ үгийг тайлбар толиос харна уу
 Commons: Футболк – Викимедиа зураг, бичлэг, дууны сан

Эшлэл[засварлах | edit source]

  1. Duden | T-Shirt | Rechtschreibung, Bedeutung, Definition, Herkunft. Abgerufen am 7. April 2018.