Ханс Христиан Андерсен

Ханс Христиан Андерсен

Ханс Христиан Андерсен 1836 онд (Константин Хансены бүтээл)

Төрсөн: 1805 оны 4 сарын 2
Оденсе, Дани
Өнгөрсөн: 1875 оны 8 сарын 4
Копенхаген, Дани
Ажил үйл Үлгэрийн зохиолч
Яс үндэс Дани
Төрөл Хүүхдийн зохиол, аяллын тэмдэглэл
Гарын үсэг

Ханс Христиан Андерсен (дани. Hans Christian Andersen, 1805 оны 4-р сарын 2-нд Дани-Норвегийн нэгдсэн улсын Оденсе хотод төрсөн- 1875 оны 8-р сарын 4-нд Копенхаген хотод нас барсан) нь хүүхдийн зохиолуудаараа алдаршсан, Данийн зохиолч юм.

Намтар[засварлах | кодоор засварлах]

Ханс Кристиан Андерсен 1805 оны 4-р сарын 2-нд Фюн (дани. Fyn) арлын Оденсе хотод төржээ. Эцэг нь ядуу гуталчин, эх нь ядуу айлаас гаралтай хувцас угаагч байсан.

Тэрээр маш их сэтгэл хөдлөлтэй, мэдрэмжтэй хүүхэд байсан гэдэг. Тэр үед сургуульд хүүхдүүдийг зодож шийтгэх нь түгээмэл байсан тул хүү энгийн сургуульд явахаас айж, эх нь түүнийг бие махбодийн шийтгэл хүлээлэгдэггүй еврей сургуульд өгчээ.

14 настайдаа Ханс хүү Копенгаген руу явахаар шийдсэн байна. Тэр яагаад гэр бүлээ болон гэрээ орхиж байгаа шалтгааныг асуухад залуу Ханс Кристиан тэр даруй: "Алдартай болохын тулд!" гэж хариулсан гэдэг.

Ханс Кристиан урт, туранхай мөч, урт хамартай өндөр гонжийсон хүү байв. Сонин дүр төрхийг үл харгалзан Ханс Кристианыг өрөвдсөндөө Хатан хааны театрт хүлээн авч, жижиг хоёрдахь дүрд тоглодог байжээ. Ядуу, эмзэг бөгөөд сурах хүсэлтэй залууг өрөвдсөн хүмүүс Данийн хаан VI Фредерикт хүсэлт гаргаж, түүнийг Слагелс хотын сургуульд, дараа нь Элсинор дахь өөр сургуульд төрийн зардлаар суралцахыг зөвшөөрсөн байна. Сургуулийн хамтран сурагчид Андерсенээс 6 насаар дүү байв. Дараа нь тэрээр сургуулийн ректорын хатуу шүүмжлэлд өртөж, амьдралынхаа эцэс хүртэл сургуульд сурч байсан жилүүдээ амьдралынхаа хамгийн харанхуй хар дарсан зүүд гэж дурсдаг байжээ. 1827 онд Андерсен сургуулиа төгссөн байна. Амьдралынхаа эцэс хүртлээ зөв бичгийн алдаа гаргаж, зөв ​​бичгийн дүрмийг эзэмшиж чадаагүй байсан байна.

Тэрээр 1875 оны 8-р сарын 4-нд Копенгагены ойролцоох найз нөхдийнхөө гэрт нас бархад Копенхаген дахь "Ассистэнс" оршуулгын газарт оршуулжээ.

Бүтээлүүд[засварлах | кодоор засварлах]

Ханс Христиан Андерсений бичсэн 3342 бүтээл нь ариун журам, тэсвэр тэвчээрийн тухай мөнхийн сургамжийг өгүүлдэг байна.

Эрэлхэг тугалган цэрэг, Цасан хатан, Бяцхан лусын дагина, Ямх охин, Шүдэнз зардаг бяцхан охин, Нугасны муухай дэгдээхэй зэрэг үлгэрүүдийг нь дэлхийн олон орны хүүхдүүд бүтээлүүдийг нь уншиж өсдөг билээ. Түүний бүтээлүүд дэлхийн 150 гаруй хэлээр орчуулагдсан байдаг бөгөөд зохиолуудаас нь сэдэвлэсэн хүүхэлдэйн кино, уран сайхны кино, бүжгэн жүжиг ч бий.