Хатгуурт харваа загас
Хатгуурт харваа загас гэж нэрлэгддэг Russian bitterling (Acheilognathus asmussii) нь сэрүүн усны Мөрөгийхөн овгийн загас юм.
Ерөнхий шинж
[засварлах | кодоор засварлах]Халбаган жараагаас ялгагдах нь нурууны болон сүвийн сэлүүр хатгууртай, сүвийн сэлүүр урт, хажуугийн шугам бүрэн. Бие гүйцсэн бодьгалын дээд эрүүнд мэдэгдэх төдий сахалтай. Нуруу ногоовтор-бор, хажуу мөнгөлөг, заримдаа хөхөлбөр туяатай. Тод алтлаг хайрстай. Хэвлийн сэлүүрийн дээгүүр алтлаг толботой. Толгой жижигхэн. Ам тэгш. Нуруу өндөр, бие хажуу талаасаа хавчиг. Сүүлний хэсгээр тууш бараан зураастай.
Биологийн оцлог
[засварлах | кодоор засварлах]Агнуурын бус загас. Биеийн урт 16 см хүрнэ. 3 насандаа биеийн урт 7 см хүрэхэд бие гүйцэж үржилд орно. 5 сарын сүүлчээс 7 сарын эхэн хүртэл түрсээ хэсэгчилэн шахна. Үржлийнхээ үед атуу дунгийн хясаан завсар түрсээ шахахад атуух нь тэнд нь үр тогтооно. Хосууд түрсээ хамгаалдаггүй. Атуу 300-1,100 ширхэг түрс гаргана. Хатгуурт харваа нь замаг, усны ургамлаар хооллоно.
Энэ загас сэрүүн уур амьсгалтай бүсийн 18- 22°C дулаантай усанд амьдардаг. Голын торгон элсэрхэг ёроолтой зөөлөн урсгалтай тогтуун хэсэг, нуурт тархан амьдарна.