Хятадын Шинжлэх ухааны академи

Хятадын Шинжлэх Ухаан Академи (Хятад: 中国科学院; Англи: Chinese Academy of Sciences, CAS) нь БНХАУ-ын Шинжлэх ухааны дээд байгууллага юм. Хятадын Байгалийн шинжлэх ухааны суурь судалгаа хийдэг тэргүүлэх Төв юм.

Хятадын Шинжлэх ухааны академи 1949 оны 11-р сарын 1-нд Бээжинд байгуулагдсан. Тэр үед Академид 16 шинжлэх ухааны хүрээлэнгүүд , 6 лаборатори, 224 эрдэмтний орон тоотой байжээ.

1962 онд Академийн эрдэмтдийн тоо 8 мянга хүрсэн бөгөөд 1967 онд Академийн бүрэлдэхүүнд 10 мянган эрдэмтэн багтаж өссөн байна.

1980-аад оны дунд үеэс Шинжлэх ухааны академийн хүрээнд олон тооны арилжааны байгууламжууд, жишээлбэл "Lenovo" компьютерийн компани бий болсон.

2020 оны 12-р сараас хойш Ерөнхийлөгч Хоу Зянгу (англи. HOU Jianguo) Хятадын Шинжлэх ухааны академийг удирдаж байна.

Хятадын ШУА-ийн 2021 оны албан ёсны цахим хуудсанд мэдээлснээр 67,900 гаруй хүн судалгааны ажил эрхэлж байгаагийн 56,000 орчим нь мэргэжлийн судлаач, эрдэмтэд байна. Үүнээс 22,800 орчим нь профессор, дэд профессор юм. Академийн эрдэмтэд Хятад дахь суурь шинжлэх ухааны салбарын судалгааны гол төслийн 30 орчим хувийг хэрэгжүүлдэг байна.

Чиглэлүүд

• Математикийн шинжлэх ухаан;
• Физикийн шинжлэх ухаан;
• Химийн шинжлэх ухаан;
• Дэлхийн тухай шинжлэх ухаан;
• Техникийн шинжлэх ухаан.

Өнөөгийн байдлаар Хятадын ШУА-ийн дотор 104 эрдэм шинжилгээний хүрээлэн, 12 салбарын академи болон 3 Их сургуультай байна.

Англи хэл дээрх албан ёсны цахим хуудас: https://english.cas.cn/