Хүнсний систем

Хүнсний систем гэдэг нэр томьёо нь хоол тэжээл, хоол хүнс, эрүүл мэнд, нийгмийн хөгжил, хөдөө аж ахуйд нөлөөлдөг хоорондоо холбоотой систем, үйл явцыг тодорхойлно. Хүнсний систем нь хүнс болон хүнстэй холбоотой зүйлсийг ургуулах, хураах, боловсруулах, баглах, тээвэрлэх, зах зээлд борлуулах, хэрэглэх, түгээх, устгах зэрэг хүн амыг хооллоход хамаатай бүх үйл явц, дэд бүтцийг багтаадаг. Мөн эдгээр алхам бүр дээр шаардлагатай оролт болон үр дүнг багтаана.

Хүнсний систем нь хүнсний болон хүнсний бус хөдөө аж ахуйн үндсэн үйлдвэрлэл, хүнсний нөөц, агуулах, ургац хураасны дараа тээвэрлэх, боловсруулах, түгээх, зах зээл, устгах, хэрэглээний бүх хүрээг багтаасан хөдөө аж ахуйн системд багтдаг. Хүнсний систем нь нийгэм, улс төр, эдийн засаг, технологи, байгаль орчны нөхцөл байдалд нөлөөлж, үйл ажиллагаагаа явуулдаг. Мөн хөдөлмөр, судалгаа, боловсролоор хангах хүний нөөц шаардлагатай. Хүнсний систем нь хүнсний үүслээс тавганд тавигдах хүртэл хүнсний амьдрах хугацааны загварын дагуу ердийн эсвэл өөр олон сонголттой байдаг. Хүнсний систем нь экосистемийн олон үйлчилгээнээс хамаардаг. Жишээ нь: байгалийн хорхой шавьжны дүрэм журам, азот фиксация хийдэг бичил биетүүд, үр тогтоогч.

IPCC-ийн мэдээлснээр дэлхийн хүнсний систем, тогтвортой болон уламжлалт хүнсний системд оролцдог бүх үйлдвэрлэл 1 тэрбум хүнийг ажил эрхлэлтээр хангаж байна.