Цэрэнгийн Чулуунцэцэг

Чөлөөт нэвтэрхий толь — Википедиагаас
Jump to navigation Jump to search

Цэрэнгийн Чулуунцэцэг нь Монгол Улсын гавьяат жүжигчин цолтой дуучин. 1962 онд Дундговь аймгийн Өлзийт суманд төрсөн. Сумынхаа дунд сургуульд суралцаад тухайн үеийн нам, засгийн бодлогын дагуу МХЗЭ-ийн илгээлтээр мал аж ахуйн үйлдвэрлэлд гарч ажилласан юм. Ингээд 1979 онд болсон Нэгдэлчдийн урлагийн их наадамд авьяасаараа шалгаран оролцсоноор урлагийн замд хөл тавьсан төдийгүй “Өнөр бүл” киноны Цэрмаагийн дүрд чадварлаг тоглон үзэгч олны танил болсон юм. Ц.Чулуунцэцэг СУИС-ийг төгсөж, Цэргийн дуу бүжгийн чуулга, “Түмэн эх” чуулгад дуулж, Соёл урлагийн их сургуульд багшлан уран бүтээл дээрээ өссөнөөр 2005 онд Монгол улсын гавьяат жүжигчин цол хүртсэн билээ.