Air Force One

Чөлөөт нэвтэрхий толь — Википедиагаас
Jump to navigation Jump to search
Air Force One нислэгийн зам дээр
Seal of the President of the United States.svg

Air Force One (орч.: агаарын зэвсэгт хүчин нэг) гэдэг нь Америкийн Нэгдсэн Улсын ерөнхийлөгчийн зорчиж буй америкийн агаарын зэвсэгт хүчний онгоцыг дуудах дуудлагын нэр юм. Ерөнхийдөө энэ нэршлийг америкийн ерөнхийлөгч болон түүний туслах бүрэлдэхүүнийг тээвэрлэхэд зориулан тусгайлан тоноглосон нисэх онгоцонд хэрэглэдэг. 1990 оноос хойш хоёр ширхэг холын зайн нислэгт зориулсан Боинг 747-200B онгоцыг VC-25A гэсэн тэмдэглэгээтэй хэрэглэгдэж байна.

Ихэнх тохиолдолд ерөнхийлөгчийн зорчиж буй онгоц бүхэн автоматаар Air Force One болдог гэж буруу ойлгоод байдаг. Зөвхөн агаарын зэвсэгт хүчний харьяанд байгаа агаарын тээврийн хэрэгслийг л (онгоц болон нисдэг тэрэг) Air Force One гэж дууддаг. Хэрэв тэнгисийн зэвсэгт хүчний мэдэлд байгаа нисдэг тэргээр зорчиж байгаа бол тухайн нисдэг тэргийг дуудах нэр нь Marine One болно. Харин тэнгисийн цэргийн мэдэлд байгаа нисэх онгоцоор зорчих үед тус нисэх онгоцны дуудах нэр нь Navy One болно. Үүнтэй ижлээр хэрвээ ерөнхийлөгч иргэний агаарын тээврийн хэрэгслээр зорчсон тохиолдолд тус онгоцыг Executive One[1] гэж дууддаг байна.

Цахим холбоос[засварлах | edit source]

 Commons: Air Force One – Викимедиа дуу дүрсний сан
Wiktionary
Wiktionary: Air Force One – Энэ үгийг тайлбар толиос харна уу

Эшлэл[засварлах | edit source]

  1. Federal Aviation Administration (Hrsg.): Air Traffic Organization Policy (PDF), S. 78.