Augmented Reality

Чөлөөт нэвтэрхий толь — Википедиагаас
Харайх: Удирдах, Хайлт
Augmented Reality-ийн ажиллагаа

Augmented Reality буюу AR (Өргөтгөсөн бодит байдал) гэдэг нь програм хангамжийн тусламжтай бүтээгдсэн, аливаа графикийг бодит байдалтай хослуулсан хагас бодит орчин юм. AR нь Virtual Reality-гийн дараагийн үе шат болно.

Augmented Reality технологи нь компьютер доторх 3D дүрсийг гар, хулгана ашиглалгүй, камераар нь дамжуулан удирдах юм. Ингэхдээ камераар дамжин секундэд орж ирэх кадр болгон дээр анализ хийн камерийн өмнө сууж байгаа хүний нүүр царай үйл хөдлөлийг таньж, урьдчилан тодорхойлсон объектийн байгаль дээрх координатыг тодорхойлон, түүнийгээ компьютер доторх ямар нэг 3D объекттой холбосноор түүнийг удирдах нөхцлийг бүрдүүлж байгаа юм.

Мөн нэгэнт камер ажиллаж байх учир орж ирж байгаа видеог хүссэн газраа гаргана. Ингэснээр та компьютерт байх 3D объектийг хөдөлгөж удирдаж байх ба камераар харагдах таны дүрс түүнтэй холилдсоноор амьдралын бодит байдал компьютерийн хийсвэр загвартай уусан нийлж гайхалтай дүр зургийг бий болгоно.

Энэ нь хэрэглэгчийн эргэн тойронд байгаа сонирхлын цэгүүдийг (POIs) харуулах боломж юм. Хэрэглгэгч өөрийн утасны тусламжтай өөрийн эргэн тойронг утсаараа харахад сонирхлын цэг болох POI–н байршилд байх хийсвэр обьектийг олж харна. Тэр хийсвэр обьектууд нь текст болон 3D дүрс байж болно.Сонирхлын цэг болох POI нь зурагт хуудас, дуу мөн дүрс бичлэгтэй холбогдож чаддаг. Энэхүү боломжийг ашиглан зар сурталчилгаанд байгууллагын салбаруудын мэдээллийг, мөн хаана хаана байж болох талаар гаргаж өгч болох юм.

AR бол iPhone, Android утасны камер эсвэл Google Glass гэх мэт төхөөрөмжүүдээр дэлхийн бодит байдалд нэмэлт дижитал мэдээллийг гаргаж харуулах гайхалтай технологи юм. Тэрхүү нэмэлт мэдээллүүдэд дүрс бичлэг, зураг, дуу болон 3D дүрс гэх мэт бидний эргэн тойронд байх шинэлэг зүйлс багтаж байна.

AR технологийг ашиглаж буй салбарууд[засварлах | edit source]

  • Анагаах ухаан
  • Боловсрол
  • Тоглоом
  • Инженерийн загварчлал
  • Цэрэг арми
  • Реклам сурталчилгаа
  • Байршил заах систем гэх мэт

Давуу тал[засварлах | edit source]

  • Бодит ертөнцөд илүү ойр
  • Хэрэглэгч бодит байдал болон компьютерын үүсгэсэн орчинтой зэрэг харьцдаг
  • Хэрэглэгчийн бодит байдлаас тусгаарлагддаггүй