F-16

F-16 хөнгөн сөнөөгч онгоц

F-16 Fighting Falcon (англи. үгчилж орч — тэмцэгч шонхор, — Колорадо-Спрингс хот дахь АНУ-ын Агаарын цэргийн академийн "бэлэг тэмдэг" юм) — америкийн 4 дахь үеийн олон үйлдэлт хөнгөн сөнөөгч онгоц.

Энэ онгоцыг "General Dynamics" компани 1974 онд зохион бүтээж 1978 онд ашиглалтанд өгсөн байна. 1993 онд "General Dynamics" компани өөрийн онгоцны үйлдвэрийн бизнесээ "Lockheed Corporation" (өнөө үед — Lockheed Martin компани болсон) компанид зарсан байна.

F-16 хөнгөн онгоц нь олон үйлдэлтэй бөгөөд харьцангуй хямд өртөгтэй тул дэлхийд хамгийн алдартай 4 дахь үеийн сөнөөгч онгоц (2018 оны 6-р сарын байдлаар 4604 гаруй онгоц үйлдвэрлэсэн) бөгөөд олон улсын зэвсгийн зах зээлд их эрэлттэй болсон байна (25 улстай хамтран ажилладаг бөгөөд 2019 онд дэлхийн хамгийн түгээмэл байлдааны онгоц байсан). АНУ-ын Агаарын цэргийн хүчинд зориулагдсан 2231 F-16 онгоцны сүүлчийнх нь 2005 онд захиалагчдад хүргэгджээ. Сайжруулсан F-16-г 2018 онд экспортлохоор үргэлжлүүлэн үйлдвэрлэж байна. Тухайлбал, 2018 оны 6-р сард Бахрейн- 16, Словак- 14, Болгар- 8 онгоцыг F-16V хувилбарыг захиалж авсан байна.