SOLID (объект хандлагат зохиомж)

Чөлөөт нэвтэрхий толь — Википедиагаас
Харайх: Удирдах, Хайлт

Компьютерийн програмчлалд SOLID гэдэг нэр томьёогоор програм хангамжийг илүү ойлгомжтой, уян хатан, цаашид арчлах боломжтой байдлаар зохиоход зориулсан таван зарчмын мнемоник акронимыг илэрхийлдэг. Эдгээр зарчмууд нь Robert C. Martin-ы дэвшүүлсэн олон зарчмын нэг хэсэг юм. SOLID зарчмыг ямар ч объект хандлагат зохиомжид хэрэглэж болохоос гадна ажайл хөгжүүлэл буюу програм хангамжийг зохицох чанартай хөгжүүлэх аргазүйн цөм философийг хэлбэржүүлэх боломжтой. SOLID акронимыг анх Micheal Feathers танилцуулсан байдаг.

Тойм[засварлах | edit source]

Эхний үсэг Үзэл баримтлал
S
Ганц үүрэгтэй байх зарчим (Single responsibility principle)
Аливаа класс зөвхөн ганц үүрэгтэй байх ёстой.
O
Нээлттэй/хаалттай байх зарчим (Open/closed principle)
Програм хангамжийн нэгж хэсгүүд өргөжүүлэхэд нээлттэй, нэмж өөрчлөхөд хаалттай байх ёстой.
L
Лисковын сэлгээний зарчим (Liskov substitution principle)
Аливаа програм доторх объектуудыг дэд төрлүүдээр нь орлуулж болдог байх ёстой.
I
Интерфейсээр тусгаарлах зарчим (Interface segregation principle)
Нэг ерөнхий зориуллын интерфейстэй байснаас клиент бүрд зориулсан олон интерфейстэй байсан нь дээр.
D
Урвуу хамаарлын арчим (Dependency inversion principle)
Аливаа зохиомж хийсвэрлэлээс хамааралтай, хэрэгжүүллээс хамааралгүй байх ёстой.