Жефф Безос

Жэфф Безос, 2016 он

Дже́ффри Престон «Джефф» Бе́зос (Англи: Jeffrey Preston «Jeff» Bezos; 1964 оны 1 дүгээр сарын 12-нд АНУ-ын Нью-Мехико мужийн Альбукерк хотод төрсөн) ― америкийн бизнесмэн, Amazon.com компанийг үүсгэн байгуулагч, "Blue Origin" сансрын нислэгийн компаний үндслэгч бөгөөд эзэмшигч, The Washington Post хэвлэлийн газрын эзэн.

Forbes -ын үзүүлэлтээр $90,5 тэрбум ам.доллартай 2017 оны хамгийн баян хүн болсон. 2020 оны 8 дугаар сарын байдлаар түүний хөрөнгө $204,6 тэрбум ам.доллар хүрсэн.

2021 оны 1 дүгээр сард 1 дүгээр байраа CEO "Tesla" үүсгэн байгуулагч Илон Маскад алдсан. Безосын хөрөнгө энэ үед $187 тэрбум болсон байна.

Намтар

Жеффри Престон Йоргенсен (төрөхөд ийм овогтой байсан) 1964 оны 1 дүгээр сарын 12-нд Альбукерке хотод (Нью Мексико) төрсөн, эх нь Жаклин, эцэг нь Теодор Йоргенсен (Данийн гаралтай). Түүнийг төрөхөд ээж нь 17 настай, аав нь 19 настай залуу байжээ. Хэдэн жилийн дараа Жеффри Престоны эцэг эх хоёр салсан бөгөөд 1968 оны 4-р сард түүний ээж Жаклин Кубын цагаач Мигель "Майк" Безостай гэрлэж, дөрвөн настай хүүг өргөж авч, түүнд өөрийн овгоо өгсөн байна.

Жефф 1986 онд Принстоны Их Сургуулийг цахилгаан инженер, компьютерийн чиглэлээр амжилттай төгссөн байна. 1994 оны эхэн үе хүртэл тэрээр Уолл Стрийт-д өөрийн мэргэжлээрээ янз бүрийн албан тушаал хашиж байв. Олон улсын худалдааны сүлжээг боловсруулсан бөгөөд тэрээр "D. E. Shaw & Co"-ний дэд ерөнхийлөгч болсон бөгөөд 1994 оны зун ажлаасаа гарч орон даяар аялж эхэлсэн ажээ.

1994 оны сүүлчээр Безос Нью-Йоркоос Сиэтл хүртэл улс орон даяар явж байхдаа 300,000 долларын анхны хөрөнгө оруулалттай "Amazon.com"-ийг үүсгэн байгуулжээ. Тус сайт 1995 оны 7 дугаар сарын 16-нд нээгдсэн боловч бүрэн дуусаагүй байсан: Безос өрсөлдөөнд түрүүлэхийг хүссэн. Компани нь онлайн номын дэлгүүрээр үйл ажиллагаагаа эхлүүлж сүүлдээ видео, аудио дамжуулалт зэрэг олон төрлийн бүтээгдэхүүн, үйлчилгээг борлуулж өргөжсөн байна. 1997 онд компани IPO хийж олон нийтэд нээлттэй болсон. 1999 онд Америкийн "Тайм" сэтгүүл Безосыг оны онцлох хүнээр нэрлэж байжээ.

Ж.Безос

2019 оны 1 дүгээр сарын 9-нд Ж.Безос 25 жилийн дараа эхнэр Маккензи Безосоос салснаа зарлав. Тэр үед Жефф Безос дэлхийн хамгийн баян хүн байв. Тэр жилийн 4 дүгээр сард гэр бүл албан ёсоор салж тэрбумтны хуучин эхнэр Амазоны 4% -ийг (19.7 сая) авсан бөгөөд салалтын өдөр зах зээлийн үнэлгээ нь 37.5 тэрбум доллар байжээ.

2021 оны 6 дугаар сард Безос өөрийн "Инстаграм"-д 2021 оны 7 дугаар сарын 20-нд ахтайгаа хамт Blue Origin сансрын хөлгөөр орбитын дотор нислэг үйлдэх болно гэж мэдэгджээ.