Роберт "Боб" Льюис Самуэлсон (Англи: Robert "Bob" Lewis Samuelson, 1966 оны 7 сарын 30-нд төрсөн) нь Америкийн Нэгдсэн Улсын волейболчин, 1992 оны зуны олимпийн хүрэл медальтай тамирчин юм.
Тэрээр тус олимпод оролцсон Америкийн эрэгтэй волейболчид зохион байгуулах хорооны шийдвэрийг эсэргүүцэн бүгд үсээ хусуулан талбайд гарсан дуулианы эхлэлийг тарьсан түүхтэй. Хэсгийн тоглолтод Японы багтай тоглож байх үед шар хуудас аль хэдийн хүртээд байсан түүнд шүүгч анзааргагүйгээсээ болж, улаан хуудас биш дахин шар хуудас өргөсөн аж. Дүрэм ёсоор бол улаан хуудас өргөөд, өрсөлдөгч багт нь 1 оноо өгөх ёстой байлаа. Ийнхүү тоглолт үргэлжлэн, АНУ-ын баг "ялсан" боловч тоглолтын дараа зохион байгуулах хорооныхон шүүгчийн шийдвэрийг өөрчлөн, дүрмийн дагуу Японы багт ялалт өгчээ. Үүнийг эсэргүүцсэн АНУ-ын шигшээ багийнхан дараагийн тоглолтоо хийхдээ бүгд халзан толгойтой талбайд гарч байв. Гэхдээ тэд тус олимпоос хүрэл медаль хүртсэн юм.
