Бурса

Чөлөөт нэвтэрхий толь, Википедиагаас

Бурса (Bursa) нь Туркийн баруун хойд хэсэгт орших хот бөгөөд Бурса мужийн төв. Хүн ам нь ойролцоогоор 620 мянга. Цанын баазаараа алдартай Улудаг уулын (Uludağ, д.т.дээш 2,443м) бэлд оршино. Ээрмэл, хүнсний үйлдвэрлэл нэлээд хөгжсөн. Мөн Туркийн автомашины үйлдвэрлэлийн төв бөгөөд FIAT болон Реногийн үйлдвэрүүд байдаг.

[Засварлах] Түүх

Тус нутагт байсан эртний хот Циус (Cius)-ыг МЭӨ 202 онд Македоны хаан V Филип дайнд тусалсны шагнал болгож Вифиний хаан I Прусиад бэлэглэхдээ түүний нэрээр Пруса (Prusa) гэж нэрлэсэн түүхтэй.

Торгоны замын баруун үзүүрт оршдог тул нэлээн хөгжиж байжээ. 1326-1365 онд Оттоманы эзэнт улсын нийслэл байрлаж байснаас тус хотод Оттоманы эзэнт улсын анхны султануудын бунхан байдаг. Нийслэл нь Эдирне рүү шилжсэнээс хойш ч Бурса нь Оттоманы эзэнт улсын гол хотуудын нэг байсан юм.