Жава

Чөлөөт нэвтэрхий толь — Википедиагаас
Харайх: Удирдах, Хайлт
«Жава» үгээр энд холбогдлоо. Өөр зүйлийн хуудсыг «Жава (салаа утга)»-аас олж болно.
Жава арлын байршил
Байр зүйн газрын зураг

Жава (монголоор анх Ява гэсэн; инд. Jawa; орос. Ява; англ. Java) — 128,297 км2 талбайтайгаараа дэлхийн 13-р том, Индонезийн 5-р том арал. Индонез улсын өнөөгийн 33 мужаас Өрнө Жава, Төв Жава, Дорно Жава, Бантен, Жакарта, Иогякарта зургаа нь Жава арал дээр оршин байгаа. Жава арал галт уулын идэвхтэй бүст оршдог. Жава бол Индонезийн олон хэлийн ард түмнээс хамгийн зонхилох тоотой нь болох Жава үндэстний гол нутаг, эндхийн хүмүүс өөрийнхөө яс үндэстний хэлээс гадна Индонез хэлийг давхар мэддэг.

Индонезийн нийслэл Жакарта нь арлын өрнөд байдаг. Хиндү-Буддын шашинт дундад зууны улсууд, Ислам шашинт султант улсууд, Нидерландын эзэмшил орон (колони)—Нидерландын Дорно Энэтхэгийн төв байсан, Индонезийн төдийгүй дэлхийн арлуудаас хамгийн олон хүн амтай (2010 онд 136.5 сая) нь, 20-р зууны тусгаар тогтнолын төлөөх тэмцэл энд үүссэн гээд л Жава бол Индонез улсынхаа хүн ам, улс төр, эдийн засаг, соёлын өлгий нутаг юм.