Рафаэла Силва

Рафаэла Силва

тамирчны тухай
Бүтэн нэр	Rafaela Lopes Silva → Рафаэла Лопес Силва
Төрсөн өдөр	1992 оны 4 сарын 24 (1992-04-24)
Төрсөн газар	Бразил, Рио-де-Жанейро
Улс, орон	Бразил (ХБНБУ)
Тамир, спорт	эмэгтэй жүдо
Хураасан медаль Олимпын наадам Алт Рио-де-Жанейро-2016 -57 кг Дэлхийн АШТ Мөнгө Парис 2011 -57 кг Алт Рио-де-Жанейро-2013 -57 кг
2016-09-01-ы байдлаар мэдээлэв.

Рафаэла Силва (1992 онд төрсөн) — Бразилын жүдочин. Олимп, дэлхийн аварга.

Тамирчин

Рафаэла Силва жүдогийн 57 кг жинд өрсөлддөг. 2016 оны Рио-де-Жанейрын олимпод Унгарын Хедвиг Каракаш (өмнөх олимпод Силваг ялсан), Румыны Корина Кэприориу нарыг дийлж, шигшээ барилдаанд Монголын Доржсүрэнгийн Сумъяаг ялж алтан медаль хүртсэн.

2013 оны ДАШТ-д Америкийн Марти Мэллойг ялж алтан медаль, 2011 оны ДАШТ-д Марти Мэллойг ялсан ч Японы Сатоо Айкод дийлдэн мөнгөн медаль хүртэж байв. 2013 оны багийн ДАШТ-д Силватай Бразилын баг мөнгөн медаль зүүсэн. Силва 2014 оны ДАШТ-д 5-р байр эзэлж, 2015 онд хоёрын даваанд бүдэрчээ.

Пан-Америкийн наадмын мөнгө (2011), хүрэл (2015) медальтай. Пан-Америкийн АШТ-ийн хошой алтан медальтай.

Хувь хүн

Рафаэла Силва 1992 оны 4 сарын 24-нд Бразил улсын Рио-де-Жанейро мужийн Рио-де-Жанейро хотын Баруун дүүргийн Сидаде-де-Деуш (Бурхны хот) хороо хэмээх ядуусын хороололд төрж өсчээ.

7 настайгаасаа жүдогоор хичээллэсэн. Эцэг нь Луиш Карлос. Ракел Силва хэмээх эгчтэй.

2012 оны олимпын дараа хэвлэлээр доромжлуулж байсан бол 2016 онд анх удаа олимпын наадам хүлээн авч байгаа Бразилд тус олимпын эхний алтан медалийг нь авчирсан амьдрал тэмцэл нь түүнийг хэвлэлийн баатар болгожээ.

Гадаад холбоос

• Жүдогийн тоо мэдээ: Rafaela Silva
• Рафаэла Силва “Би сармагчин биш” - UB.LIFE
• Ядуусын хорооллоос гаралтай Рафаела Сильва гэж хэн бэ?