Жүдогийн дэлхийн аварга шалгаруулах тэмцээн

Жүдогийн дэлхийн аварга шалгаруулах тэмцээн нь Олимпийн жүдогийн тэмцээнтэй хамтдаа олон улсын жүдогийн хамгийн өндөр зэрэглэлийн тэмцээн болно. Тус тэмцээнийг 2 жил тутамд Олон Улсын Жүдогийн Холбооноос зохион байгуулдаг бөгөөд оролцогч улсуудаас жингийн ангилал тус бүрт нэг л тамирчин оролцуулах эрхтэй. Багийн тэмцээн 1994 оноос эхлэн зохиогдож буй. Эрэгтэйчүүдийн дэлхийн аварга шалгаруулах тэмцээн 1956 оноос эхлэлтэй бөгөөд тэмцээний журам цаг хугацааны туршид өөрчлөгдөж иржээ. Ирэх 28 дахь дэлхийн аварга шалгаруулах тэмцээн 2011 онд Оросын Тюмень хотноо зохиогдоно.

Түүх

Жүдогийн анхны дэлхийн аварга Нацүй Шоокичи, 1956 он

Анхны дэлхийн аварга шалгаруулах тэмцээн Японы нийслэл Токио хотод болж, ганцхан нээлттэй ангилал буюу үнэмлэхүй жингийн аваргыг шалгаруулахад эзэн орны Нацүй Шоокичи түрүүлж, анхны дэлхийн аварга гэгдэн түүхэнд үлджээ. Тэрээр шигшээ барилдаанд нутаг нэгт Ёшимацү Ёшихиког ялсан байна. 2 дахь тэмцээн 2 жилийн дараа мөн л Токиод зохиогдоход япончууд бас эхний 2 байрыг эзэлсэн аж. 1961 онд дэлхийн аварга шалгаруулах тэмцээн анх удаа Японы хилийн дээсийг алхан Францын Парист зохиогдоход Нидерландын жүдоч Антон Геесинк өмнөх дэлхийн аварга Сонэ Коожиг ялж, анхны Япон биш дэлхийн аварга болжээ.

1965 онд жингийн 3 ангилал (-68 кг, -80 кг, +80 кг) нэмэгдсэн байна. 1964 оноос жүдо нь олимпийн спорт болж, 1968 онд олимпийг өнжсөний дараа олимпийн бүрэн эрхт гишүүн нь болон, дэлхийн өнцөг булан бүрт хөгжих болжээ.

Харин эмэгтэйчүүд дөнгөж 1980 оноос л аваргаа шалгаруулж эхэлсэн бөгөөд эхэндээ эрэгтэйчүүдийн дэлхийн аварга шалгаруулах тэмцээн зохиогддоггүй жил, сөөлжилж болдог байлаа. 1987 оноос эрэгтэй, эмэгтэй жүдочид нэг дор цугларч аваргаа шалгаруулах болсон билээ.

Монгол улс жүдогийн ДАШТ-д

Монгол улс жүдогийн дэлхийн аварга шалгаруулах тэмцээнээс 1 алт, 1 мөнгө, 4 хүрэл медаль хүртээд буй. Мөн багийн тэмцээнд эмэгтэйчүүдийн баг 1 удаа хүрэл медаль хүртсэн байна.

Медаль	Нэр	Он	Зохиогдсон газар	Жин
2 Мөнгө	Одвогийн Балжинням	1989	Югослав, Белград	эр -95 кг
3 Хүрэл	Дашгомбын Баттулга	1989	Югослав, Белград	эр -60 кг
3 Хүрэл	Хишигбатын Эрдэнэт-Од	2005	Египет, Каир	эм -57 кг
1 Алт	Хашбаатарын Цагаанбаатар	2009	Нидерланд, Роттердам	эр -66 кг
3 Хүрэл	Хашбаатарын Цагаанбаатар	2010	Япон, Токио	эр -66 кг
3 Хүрэл	Мөнхбаатарын Бундмаа	2010	Япон, Токио	эм -52 кг

Жингийн ангилал

Дэлхийн аварга шалгаруулах тэмцээнд эрэгтэй эмэгтэй тус бүр 8 жингийн ангилалд, нийт 16 аварга тодруулдаг.

Эрэгтэй 1956-1963 1965 1967-1975 1979-1997 1999-2010 Үнэмлэхүй (жингийн хязгаарлалтгүй) Үнэмлэхүй (жингийн хязгаарлалтгүй) Хүнд жин +80 кг Хүнд жин +93 кг Хүнд жин +95 кг Хүнд жин +100 кг Хагас хүнд жин -93 кг Хагас хүнд жин -95 кг Хагас хүнд жин -100 кг Дунд жин -80 кг Дунд жин -80 кг Дунд жин -86 кг Дунд жин -90 кг Хагас дунд жин -70 кг Хагас дунд жин -78 кг Хагас дунд жин -81 кг Хөнгөн жин -68 кг Хөнгөн жин -63 кг Хөнгөн жин -71 кг Хөнгөн жин -73 кг Хагас хөнгөн жин -65 кг Хагас хөнгөн жин -66 кг Хэт хөнгөн жин -60 кг

Эмэгтэй 1980-1997 1999-2010 Үнэмлэхүй (жингийн хязгаарлалтгүй) Хүнд жин +72 кг Хүнд жин +78 кг Хагас хүнд жин -72 кг Хагас хүнд жин -78 кг Дунд жин -66 кг Дунд жин -70 кг Хагас дунд жин -61 кг Хагас дунд жин -63 кг Хөнгөн жин -56 кг Хөнгөн жин -57 кг Хагас хөнгөн жин -52 кг Хэт хөнгөн жин -48 кг

Тэмцээнүүд

Жүдогийн дэлхийн аварга шалгаруулах тэмцээн нь Австрали, Антарктидаас бусад бүх тивд зохиогдож байсан.

Эрэгтэй

Он	Дугаар	Зохион байгуулагч орон, хот	Медалиар тэргүүлэгч
1956	I	Япон, Токио	Япон
1958	II	Япон, Токио	Япон
1961	III	Франц, Парис	Нидерланд
1965	IV	Бразил, Рио де Жанейро	Japan
1967	V	Америкийн Нэгдсэн Улс, Солт-Лэйк Сити	Япон
1969	VI	Мексик, Мехико	Япон
1971	VII	Баруун Герман, Людвигсхафен	Япон
1973	VIII	Швейцари, Лозанн	Япон
1975	IX	Австри, Вена	Япон
1977	Цуцлагдсан
1979	XI	Франц, Парис	Япон
1981	XII	Нидерланд, Маастрихт	Япон
1983	XIII	Зөвлөлт Холбоот Улс, Москва	Япон
1985	XIV	Өмнөд Солонгос, Сөүл	Япон

Эмэгтэй

Он	Дугаар	Зохион байгуулагч орон, хот	Медалиар тэргүүлэгч
1980	I	Америкийн Нэгдсэн Улс, Нью-Йорк	Австри
1982	II	Франц, Парис	Франц
1984	III	Австри, Вена	Бельги
1986	IV	Нидерланд, Маастрихт	Их Британи

Холимог

Он	Дугаар	Зохион байгуулагч орон, хот	Медалиар тэргүүлэгч
1987	XV	Баруун Герман, Эссен	Япон
1989	XVI	Югослав, Белград	Япон
1991	XVII	Испани, Барселона	Япон
1993	XVIII	Канад, Хамильтон	Япон
1995	XIX	Япон, Чиба	Япон
1997	XX	Франц, Парис	Япон
1999	XXI	Их Британи, Бирмингем	Япон
2001	XXII	Герман, Мюнхен	Япон
2003	XXIII	Япон, Оосака	Япон
2005	XXIV	Египет, Каир	Япон
2007	XXV	Бразил, Рио де Жанейро	Япон
2009	XXVI	Нидерланд, Роттердам	Япон
2010	XXVII	Япон, Токио	Япон
2011	XXVIII	Оросын Холбооны Улс, Тюмень

Бүх цаг үеийн медалийн хүснэгт

2010 оны жүдогийн дэлхийн аварга шалгаруулах тэмцээний дараах байдлаар.

Байр	Улс	Алт	Мөнгө	Хүрэл	Нийт
1	Япон	107	68	77	252
2	Франц	37	27	60	124
3	Өмнөд Солонгос	24	9	45	78
4	Их Британи	16	17	29	62
5	Куба	15	18	31	64
6	Хятад	15	11	17	43
7	Нидерланд	14	17	35	66
8	Зөвлөлт Холбоот Улс	11	13	33	57
9	Бельги	8	13	17	38
10	Оросын Холбооны Улс	6	8	19	33
11	Герман	6	8	17	31
12	Польш	6	3	21	30
13	Итали	5	6	17	28
14	Америкийн Нэгдсэн Улс	4	7	15	26
15	Бразил	4	5	14	23
16	Хойд Солонгос	4	3	7	14
17	Австри	4	2	8	14
18	Зүүн Герман	3	2	14	19
19	Баруун Герман	2	11	25	38
20	Испани	2	8	8	18
21	Унгар	2	5	13	20
22	Иран	2	0	3	5
23	Гүрж	1	6	8	15
24	Украйн	1	4	4	9
25	Грек	1	2	1	4
26	Монгол	1	1	4	6
	Узбекистан	1	1	4	6
28	Аргентин	1	1	0	2
29	Югослав	1	0	2	3
	Тунис	1	0	2	3
	Казахстан	1	0	2	3
32	Венесуэл	1	0	0	1
	Колумб	1	0	0	1
34	Португал	0	3	5	8
35	Турк	0	3	4	7
36	Австрали	0	3	3	6
37	Израйль	0	3	2	5
38	Эстон	0	3	1	4
39	Азербайжан	0	2	7	9
40	Беларусь	0	2	6	8
41	Египет	0	2	3	5
42	Швейцари	0	2	2	4
	Чехословак	0	2	2	4
44	Румын	0	1	7	8
45	Канад	0	1	5	6
46	Болгар	0	1	3	4
	Словени	0	1	3	4
48	Норвеги	0	1	1	2
	Алжир	0	1	1	2
	Молдав	0	1	1	2
51	Швед	0	1	0	1
52	Латви	0	0	1	1
	Чех	0	0	1	1
	Серби ба Монтенегро	0	0	1	1
	Хятадын Тайвань	0	0	1	1
	Тажикистан	0	0	1	1
	Пуэрто-Рико	0	0	1	1
	Армен	0	0	1	1
	Шинэ Зеланд	0	0	1	1
	Финланд	0	0	1	1
	Литва	0	0	1	1

Дээд амжилтууд

Ангилал	Эрэгтэй	Эмэгтэй
Хамгийн олон удаа түрүүлсэн	4 удаа: Огава Наоя : (үнэмлэхүй - 3, +95 кг - 1) Фүжий Шоозо : (-80 кг - 3, -78 кг - 1) Ямашита Ясүхиро : (+95 кг - 3, үнэмлэхүй 1) Давид Дуйлье : (+95 кг - 3, үнэмлэхүй 1)	Тани Рёоко : 7 удаа (бүгд -48 кг) Ингрид Бергманс : 6 удаа (үнэмлэхүй - 4, +72 кг - 2) Ке Сун-Хуй : 4 удаа (-52 кг - 1, -57 кг - 3) Гао Фенлян : 4 удаа (+72 кг - 3, үнэмлэхүй - 1) Карен Бриггс : 4 удаа (бүгд -48 кг) Анно Норико : 4 удаа (-72 кг - 1, +78 кг - 3) Тон Вень : 4 удаа (+78 кг - 3, үнэмлэхүй - 1)
Хамгийн олон медальтай	7 медальтай: Огава Наоя : (4 алт, 3 хүрэл) Роберт ван де Валле : (2 мөнгө, 5 хүрэл)	Ингрид Бергманс : 11 медаль (6 алт, 4 мөнгө, 1 хүрэл) Тани Рёоко : 8 медаль (7 алт, 1 хүрэл) Дриулис Гонзалес : 7 медаль (3 алт, 1 мөнгө, 3 хүрэл)
Хамгийн залуу дэлхийн аварга	Тедди Ринье : 18 нас 5 сар (2007)	Тамүра Рёоко : 18 нас 1 сар (1993)

Багийн тэмцээн

Жүдогийн багийн дэлхийн аварга шалгаруулах тэмцээн 1994 онд гараагаа эхэлж, 2006 он хүртэл 4 жилд нэг удаа зохион байгуулагддаг байв. 2007 оноос хойш жил бүр зохиогдох болсон тус тэмцээнд дэлхийн аварга шалгаруулах тэмцээнд улсаа төлөөлж оролцсон жүдочид зодоглохгүй байх нь элбэг.

Он	Байршил	Эрэгтэй			Эмэгтэй
		Алт	Мөнгө	Хүрэл	Алт	Мөнгө	Хүрэл
1994	Франц, Парис	Франц	Их Британи	Япон Оросын Холбооны Улс	эмэгтэйчүүдийн тэмцээн зохиогдоогүй
1998	Беларусь, Минск	Япон	Бразил	Оросын Холбооны Улс Франц	Куба	Франц	Бельги Хятад
2002	Швейцари, Базель	Япон	Гүрж	Франц	Япон	Куба	Итали
2006	Франц, Парис	Гүрж	Оросын Холбооны Улс	Франц	Франц	Куба	Япон
2007	Хятад, Бээжин	Япон	Бразил	Хятад Өмнөд Солонгос	Хятад	Куба	Оросын Холбооны Улс Монгол
2008	Япон, Токио	Гүрж	Узбекистан	Оросын Холбооны Улс Бразил	Япон	Франц	Хятад Герман

Видео бичлэгүүд

• 2010 оны ДАШТ
• 2009 оны ДАШТ
• 2007 оны ДАШТ
• 2005 оны ДАШТ
• 2003 оны ДАШТ
• 2001 оны ДАШТ
• 1999 оны ДАШТ
• 1997 оны ДАШТ
• 1995 оны ДАШТ
• 1993 оны ДАШТ
• 1991 оны ДАШТ
• 1989 оны ДАШТ
• 1987 оны ДАШТ
• 1983 оны ДАШТ
• 1981 оны ДАШТ
• 1961 оны ДАШТ
• 1956 оны ДАШТ

Гадаад холбоос

• Олон Улсын Жүдогийн Холбооны албан ёсны сайт