Өмнөд Солонгос

Чөлөөт нэвтэрхий толь, Википедиагаас
Харайх: Удирдах, Хайлт
Бүгд Найрамдах Солонгос Улс
대한민국
Дэханмингүк
Өмнөд Солонгос
Далбаа Сүлд
Дуулал: Эх оронч дуу
(愛國歌/애국가) Аегукга)
Нийслэл
(хамгийн том хот)		 Сөүл
Албан ёсны хэл Солонгос
Яс үндэс (2010) 99% Солонгос
1% бусад
Төрийн хэлбэр, байгууламж, эрх мэдэл Ерөнхийлөгчийн бүгд найрамдах
 -  Ерөнхийлөгч И Мён-Бак (이명박)
 -  Ерөнхий сайд Чон Үн-Чан (정운찬)
Хуульчлах эрх мэдэл Үндэсний хурал (Гүкхое)
Оршин Тогтнол
 -  Үндэсний үүсгэн байгуулагдсан өдөр НТӨ 2333 оны 10 сарын 3 
 -  Японоос
чөлөөлөгдсөн.		 1945 оны 8 сарын 15 
 -  Бүгд Найрамдах Солонгос Улс тунхаглагдсан. 1948 оны 8 сарын 15 
Нутаг дэвсгэр
 -  Талбай 100,210 км2 (109)
 -  Үүнээс: Ус (%) 0.3
Хүн ам
 -  Тооцоо (2010) 48,875,000[1] (24)
 -  Нягтрал 491/км2 
ДНБ (ХАЧ) 2010 оны тооцоо
 -  Нийт $1.459 их наяад[2] 
 -  Нэг хүнд $29,835[2] 
ДНБ (Нэрлэсэн) 2010 оны тооцоо
 -  Нийт $1.007 их наяад[2] 
 -  Нэг хүнд $20,590[2] (90)
ОТББИ (2007) 31.3[3] 
ХХИ (2010) 0.877[4] (бүр дээд) (12)
Мөнгөн тэмдэгт Вон (₩) (KRW)
Цагийн бүс +9
Хэв огноо жил-сар-өдөр (БТ)
он-сар-өдөр (НТ)
Замын хөдөлгөөн баруун
Интернетийн АДН .kr
Утасны дугаар 82

Өмнөд Солонгос, албан ёсоор Бүгд Найрамдах Солонгос Улс (Солонгос хэлээр: 대한민국 Даеханмингүк) нь Солонгосын хойгийн өмнөд хагаст орших Дорнод Азийн улс юм. Хойд талаараа Умард Солонгостой хиллэдэг ба баруун зүгт Шар тэнгисийн цаана Хятад, зүүн зүгт Япон тэнгисийн цаана Япон улсууд ойр байрладаг. Өмнөд Солонгосын хамгийн том хот нь нийслэл Сөүл юм. Энэ улс нь эх газрын болон халуун орны чийглэг уур амьсгалтай, дийлэнхдээ уулархаг тогтоцтой 99,392 ам дөрвөлжин километр, бараг 50 сая хүнтэй.

Солонгос орон (Умард болон Өмнөд Солонгос хамтдаа) эртний иргэншилт нутаг бөгөөд НТӨ 2333 онд анхны төрт улсаа үүссэн гэж үздэг, Шилла улс нь 668 онд нөгөө хоёр улсаа (Пэкжэ ба Гүгурёо) нэгтгэн Нэгдсэн Шилла улсыг байгуулсан байна. Улмаар Гүрёо ба Чусон улс байгуулагдан, 1910 онд Солонгосын эзэнт улс мөхөх хүртэл нэгдсэн улс болон оршин тогтнож байв. 1910-1945 онд Японы хаант улсын эзэмшилд орж, 1945 онд Дэлхийн 2-р дайн дууссаны дараа Солонгос үндэстэн нь ЗСБНХУ, АНУ улсуудад захирагдаж ар, өвөр болон хоёр хуваагдсаны тул 1948 онд Бүгд Найрамдах Солонгос Улс болон тусгаар тогтносон байна.

Өмнөд Солонгос бол хагас ерөнхийлөгчийн засаглалтай, ардчилсан улс бөгөөд эдийн засаг нь асар хурдацтай өссөн юм. Өдгөө ХАЧ-аарх ДНБ-ээр дэлхийд 12 дахь (Азид 4 дэх) дэсд эрэмбэлэгдэх хөгжингүй орон болсон. Экспортод чиглэсэн эдийн засагтай учраас аж үйлдвэрлэлийн цахилгаан бараа, хагас дамжуулагч, гар утас, роботын технологүүд нь өндөр хөгжсөн. Дэлхийд хөлөг онгоц үйлдвэрлэлээрээ тэргүүн байрт, ган хайлуулалтаараа эхний гуравт, автомашин үйлдэрлэлээрээ эхний тавд багтана. Өмнөд Солонгос нь ЭЗХАХБ, ДХБ болон Их 20 зэрэг олон улсын холбоодын гишүүн орон.

Агуулга

[засварлах] Түүх

[засварлах] Эртний түүх

Гол өгүүлэл: Солонгосын түүх
Гүгурёо улсын үед хамаарах булшны ханан дээрхи зураг

Солонгосын хойг дээрх хүн суурьшиж байсныг батлах археологийн олдворууд нь хуучин чулуун зэвсгийн үед хамаардаг байна.

Солонгосын анхны төрт улс болон Гүжосон МЭӨ 2333 онд байгуулагджээ[5]. Энэхүү улс нь Солонгосын хойгийн хойд хэсэг, Манжуурыг эзлэн оршиж байсан ба Хятадын Хань улстай хийсэн удаан хугацааны дайны эцэст Хань улсад эзлэгджээ.

МЭ эхэн үед, Солонгосын хойг ба Манжуурт Бүёо (Buyeo), Үгжо (Okjeo), Дүне (Dongye), Шамхан (Samhan) зэрэг жижиг улсууд тогтнож байсан ба улмаар эдгээр улсууд Когурё (Goguryeo), Пекче (Baekje), Шилла (Silla) гэсэн хаант улсууд болж нэгджээ. Энэ үеийг Солонгосын түүхэнд 3 хаант улсын үе гэж нэрлэнэ.

Энэ үед Буддын шашин Хятадаар дамжин Солонгост нэвтэрсэн ба Солонгосын соёлын нөлөөтэйгээр Японд хүрсэн байна[6][7][8][9].

Шиллагийн үед баригдсан сүм

Энэ 3 улсыг 676 онд Шилла Тан улсын тусламжтайгаар нэгтгэж, Солонгосын хойгийн ихэнхийг захирах болсон ба хойд хэсэгт нь Когурёчуудын байгуулсан Палхэй улс оршин тогтнож байв. Нэгдсэн Шилла улсын үед яруу найраг, урлаг, буддын соёл дэлгэрэн хөгжсөн байна. Шилла ба Хятадын харилцаа тухайн үед найрсаг байсан ч дотоод байдлаас болон Шилла суларч, 935 онд Гүрёо улс байгуулагдав. 926 онд Палхэй улс Кидан улсад эзлэгдэн мөхжээ.

Гүрёогийн хаан Ван Гон Солонгосын хойгийг бүхэлд нь эзэлсэн ба энэ улсын үед соёл, урлаг Шиллагийн үетэй адил өндөр хөгжиж байв. 1377 онд Дэлхийн хамгийн анхны металл хэвлэлийн барыг хэрэглэж, Буддын судар хэвлэж байсан баримт байдаг[10].

13-р зууны үед Монголын эзэнт гүрний дайралт Гүрёо улсыг ихээхэн доройтуулжээ. Гэхдээ тухайн үед Гүрёо нь Монголын эзэнт гүрний харьяат байдлаар оршин тогтнож байлаа. Монголын эзэнт гүрнийг задарсны дараа Гүрёо нь дахин өөртөө эзэрхэх болсон байна. 1388 онд цэргийн жанжин Ли Сон Гэ Гүрёо улсын суурин дээр Чусон улсыг байгуулав.

Генерал И Сон Гэ улсынхаа нэрийг Чусон гэж нэрлэн, Сөүл хотыг нийслэлээ болгов. Чусон улсын эхний 200 жилд харьцангуй амгалан байж, соёл урлаг, шинжлэх ухаан хөгжиж байсны жишээ нь Сэжон хааны үед хангил хэмээх өөрийн бичиг үсэгээ зохиож, күнзийн сургааль дэлгэрчээ.

16-р зууны сүүлээр (1592–1598) Япон Солонгосыг эзэлсэн боловч, усан цэргийн жанжин И Сон Шин, Хятадын Мин улсын оролцоотойгоор япон 1598 онд Солонгосын хойгийг орхин явсан байна. Одоо И Сон Шин жанжин Солонгосын үндэсний баатруудын нэгээр тооцогддог байна.

1620-1630-д оны үед Чусон гүрэн нь Манж Чин гүрний харьяат болсон байна. 1870-д оноос дахин Япон нь Солонгосыг эзлэхийг оролдож эхэлсэн ба 1895 онд Чусон гүрэний хатан хааны амийг хорлож[11], улмаар 1905 онд Солонгосыг Японы протекторат болохыг тулган зөвшөөрүүлэв[12]. Сoлонгосууд Японы түрэмгийлэлийг эсэргүүцэн 1910 оноос эхлэн тэмцэж, Манжуур, Хятад, Сибирт идэвхитэй үйл ажиллагаа явуулж байв.

18-р зууны үеийн Солонгосын газрын зураг

[засварлах] Орчин үеийн түүх

Гол өгүүлэл: Солонгосын түүх

Дэлхийн 2-р дайны дараагаас ЗХУ ба АНУ-ын цэргүүд Солонгосын хойгийн хойд ба өмнөд хэсгийг хяналтандаа барьж байсан ба улмаар Солонгосыг Хойд, Өмнөд Солонгос гэсэн хоёр хэсэгт хуваагдахад гол үүрэг гүйцэтгэсэн байна.

1943 оны Каирын тунхаглалд Солонгос нь нэгдсэн нэг улс байхаар тусгагдсан боловч, Хүйтэн дайны уршгаар коммунист Хойд Солонгос, капиталист Өмнөд Солонгос болж хуваагдсан байна. Хойд Солонгосыг дайны өмнө Японыг эсэргүүцэх хөдөлгөөнийг толгойлж байсан коммунист үзэл баримтлалтай Ким Ир Сен[13], харин Өмнөд Солонгосыг АНУ-с эргэж ирсэн И Сын Ман толгойлох болов[14].

1950 оны 6 сарын 25-нд Хойд Солонгос, Өмнөд Солонгос руу дайрснаар 3 жил үргэлжилсэн Солонгосын дайн эхлэв. Хойд Солонгосыын ар талд ЗХУ ба Хятад байсан ба сүүлд Хятад 1 сая сайн дурынхан Солонгос руу илгээсэн байна. АНУ, НҮБ-ын цэргүүд өмнөд Солонгосын талд байлдсан ба 1953 онд Хойд Солонгос ба АНУ-ын хооронд дайныг зогсоох гэрээ байгуулагдан, 38 өргөргийн дагуу хоёр улсын хилийг тогтоосон байна. Өмнөд Солонгос нь энэхүү дайн зогсоосон гэрээнд гарын үсэг зураагүй учир техникийн талаасаа бол одоо хүртэл хоёр Солонгос дайны байдалд байгаа билээ[15].

Сөүлийн өмнөд хэсэг

1960 оноос тухайн үеийн авилгалд идэгдсэн ерөнхийлөгч, засгийн газрыг эсэргүүцсэн оюутны хөдөлгөөн ихээр өрнөсөн ба дараагаар нь Генерал Пак Чон Хи төрийн эргэлтээр засгийн эрхийг авчээ. Уг генерал 1979 онд алагдах хүртлээ Солонгосын ерөнхийлөгчөөр ажилласан ба энэ үед Солонгос нь эдийн засгийн хувьд хүчирхэгжин боссон байна.

1980 генерал Чон Дү Ван төрийн эргэлтээр ерөнхийлөгч болж, 1988 он хүртэл ажилласан байна. Генералын цэргийн дэглэмийг эсэргүүцсэн 1980 оны Гванжу хотын иргэдийн эсэргүүцлийг цэргийн хүчээр дарж байсан байна. Үүний дараагаар ч түүний дэглэмийг эсэргүүцсэн оюутны хөдөлгөөн тасралтгүй үргэлжилж, 1987 онд болсон Солонгосын хэд хэдэн их сургуулийн оюутнууд оролцсон томоохон эсэргүүцлийн жагсаалийн үеэр хүний амь эрсдсэний[16] дараа ерөнхийлөгчийн шууд сонгуулийг зарласан байна[17].

1988 онд Сөүл хот зуны олимпийн наадмыг зохион байгуулсан юм. 1996 Эдийн засгийн хамтын ажиллагаа, хөгжлийн байгууллагын гишүүнээр элсэв. 2004 онд Өмнөд Солонгос нь Дэлхийн эдийн засгийн "триллион доллар клубт" багтах болов[18]. ads

[засварлах] Засаг захиргааны нэгж

Өмнөд Солонгосын засаг захиргааны ерөнхий нэгж

Өмнөд Солонгос нийт 9 муж, 7 бие даасан хот, 1 нийслэлтэй. Томоохон хотуудад Инчон, Кванжу, Пусан, Тэгү, Тэжон, Улсан зэрэг хамаарагдана. БНСУ–ын нийслэл Сөүл хотод ойролцоогоор 10.3 сая гаруй хүн оршин суудаг. Сөүл хот нь анх 1394 онд 4 уулын (Ивансан, Намсан, Наксан, Пукагсан) дунд байгуулагдсан ба одоо нийт 605.33 км кв талбайтай болон өргөжсөн байна. Сөүл хот нийт 25 дүүрэгтэй, хамгийн том дүүрэг нь Сочугү ба хамгийн жижиг нь Чунгү дүүрэг юм.

[засварлах] Хүн ам

Нийт хүн амын дийлэнх нь хот суурин газар амьдардаг ба 1970-1990 оны хооронд эдийн засгийн өсөлттэй холбоотойгоор орон нутгаас хот руу чиглэсэн шилжилт эрчимтэй явагдсан байна[19]. 10.3 сая оршин суугчидтай нийслэл Сөүл хот Өмнөд Солонгосын хамгийн том хот юм[20]. Бусад томоохон хотуудад Бусан (3.65 сая), Инчеон (2.63 сая), Тэгү (2.53 сая), Тэжон (1.46 сая), Гванжу (1.41 сая), Улсан (1.10 сая) багтана[21].

Хоёр Солонгос хуваагдсны дараа 4 сая орчим цагаачид Хойд Солонгосоос дүрвэн ирсэн байдаг. Солонгосчууд Солонгосын дайны дараа АНУ, Канад руу нилээдгүй цагаачилсан ба энэ байдал 1990 оны дунд үеэс багасаж эхэлжээ. Өмнөд Солонгосын нийт хүн ам одоогийн байдлаар 48,850,000 байна. Дундаж насалт нь 77 ба үүнээс эмэгтэйчүүдийнх 80, эрэгтэйчүүдийнх 73 болж байна.

Өмнөд Солонгосын хүн амын өсөлтын төлөв

Солонгос дахь гадаадын иргэдийн тоо сүүлийн жилүүдэд нэмэгдсээр байгаа ба 2007 оны байдлаар 1 сая гаруй гадаадын иргэн байгаагаас 104,749 нь Солонгосчуудтай гэрлэсэн, 404,051 нь ажиллаж буй, 225,273 нь хууль бус цагаачид байна[22].

Орон нутагт амьдрах сонирхолтой эмэгтэйчүүдийн тоо буурсан тул Солонгосын фермерүүд (тариаланчид) Зүүн өмнөд Ази, Зүүн Европын ядуу орноос эхнэр авах үзэгдэл ихсэж байна. 2006 оны судалгаагаар шинээр гэрлэсэн фермерүүдийн 41% нь гадаад бүсгүйчүүдтэй суусан байна[23].

Өмнөд Солонгост АНУ-ын армийн 31,000 бие бүрэлдэхүүн байрладаг[24].

[засварлах] Шашин шүтлэг

2005 оны байдлаар нийт хүн амын 46.5% нь шашин шүтдэггүй[25] ба 29.3% нь Христын (үүнээс 18.3% нь протестант, 10.9% нь католик), 22.8% нь буддын шашин шүтэж байна. Өмнөд Солонгос гадаадад явуулсан шашны номлогч нарынхаа тоогоор Дэлхийд АНУ-ын дараа 2-т ордог байна[26].

[засварлах] Газарзүйн байрлал ба уур амьсгал

Өмнөд Солонгосын байрзүйн зураг

Өмнөд Солонгос нь Сoлонгосын хойгийн өмнөд хэсгийг эзлэн оршино. Уг хойг нь хойноос урагш нийт 1,100 км урт бөгөөд хойд хэсгээрээ Ази тивтэй холбогдоно. Энэхүү уулархаг хойг нь баруун талаараа Шар тэнгис, зүүн талаараа Япон тэнгисээр (Зүүн тэнгис) хүрээлэгдэнэ.

БНСУ нь нийт 99.6 мянган хавтгай ам дөрвөлжин км газар нутагтай[27]Загвар:Dead link ба газарзүйн хувьд 4 бүс нутагт хувааж болно. Зүүн хэсэг нь нарийн далайн эрэг бүхий өндөр уулс, баруун хэсэг нь далайн эрэг, голын ай сав бүхий тэгш тал, баруун өмнөд хэсэг нь уулс ба хөндий, зүүн өмнөд хэсэг нь Накдун голын ай саваас бүрдсэн тэгш тал юм. Солонгос орны газар нутгийн ихэнхи хэсэг нь уулархаг газар эзэлдэг бөгөөд нам дор, тэгш тал нийт газар нутгийн 30%-ийг эзлэнэ.

Ганвонду дахь Сораксан уул

Солонгосын баруун ба өмнөд эргийн дагуу 3000 гаруй жижиг арлууд байдгаас хамгийн том нь 1,845 км кв талбайтай, өмнөд эргээс 100км зайд орших Чэжү арал юм. Мөн томоохон гол мөрөн байдгаас БНСУ–ын нийслэл Сөүл хотын төвөөр урсах Хан мөрөн (514 км), өмнөд хэсгээр урсах Накдун мөрөн (525 км) юм.

[засварлах] Уур амьсгал

Хавар, зун, намар, өвлийн 4 улиралтай. Өвөлдөө Сөүл орчимд 1-р сард дунджаар -7 °C -с 1 °C хүрч хүйтэрнэ. Зун 7 сард дунджаар 22 °C -с 29 °C байна. Уулархаг газраар өвөл илүү хүйтэн байх ба 6-9-р сарын хооронд бороо хамгийн ихээр орно. Өмнөд эрэг орчмоор аадар бороо бүхий хар салхи зуны сүүл саруудад үзэгдэнэ. Жилийн дундаж хур тундас 1,370 мм-с (Сөүлд) 1,470 мм-т (Пусан) хэлбэлзэнэ. in Busan.

[засварлах] Хүрээлэн байгаа орчин

Хүн ам нягт сууршсан хотуудад агаарын болон усны бохирдолын асуудал тавигдаж байна. Хүрээлэн байгаа орчныг хамгаалах, сэргээн босгох талаар томоохон ажлууд хийж байгаагийн жишээ нь Сөүл хотын төвд байгуулсан хиймэл гол бүхий (цэвэр ус) Чонгэчон болж байна[28]

Өмнөд Солонгос нь хүрээлэн байгаа орчныг хамгаалах Дэлхийн томоохон байгууллага, протоколуудад нэгдсэн орон болно[29].

[засварлах] Эдийн засаг

Ёоиду арал, Сөүл. Санхүүгийн томоохон төв

Өмнөд Солонгосын эдийн засаг Дэлхийд эхний 12-т, Азид эхний 3-т орж байна[30][31]. Гадаад худалдааны гол түнш нь Хятад[32]. Солонгосын эдийн засгийн тулгуур нь автомашин, хагас дамжуулагч, электроник, усан онгоц, гангийн үйлдвэрлэл юм.

1950-д оны үед Солонгос нь Азийн хамгийн ядуу орны нэг байв. Японы захиргаанд байх үед байгалийн баялагын ихэнхийг олборлож дууссан ба Солонгосын дайны үед тус улс бүрэн сүйрсэн байна. 1962 онд цэргийн эргэлтээр төрийн эрхийг авсан генерал Пак Чон Хи-гий удирдлагаар Солонгосын эдийн засаг сэргэж эхэлсэн ба 40 жилийн дотор газар тариалан, загас агнуурын орноос өндөр технологи бүхий аж үйлдвэржсэн орон болж хувирчээ.

Пак Чон Хи ЗХУ-ын загвараар 5 жилийн тутмын макро эдийн засгийн төлөвлөгөөг хэрэгжүүлж эхэлсэн[33] ба 1965 онд Японтой харилцах харилцаагаа хэвийн болгосноор гадаад худалдаа, хөрөнгө оруулалт ихээхэн нэмэгджээ. Эхлээд хөнгөн үйлдвэр, дараа нь хүнд үйлдвэрүүд байгуулагдаж, 1973 он гэхэд Өмнөд Солонгос нь эдийн засгийн хувьд Дэлхийд 34-т орох болов[34].

Эдийн засгийн энэ өсөлтийг "Хөн мөрний эрэг дэх ид шид" гэж нэрлэх болсон ба 1980-1990 онд Солонгос нь нэхмэл, даавуу, гутлын экспортоос илүү автомашин, электроник, усан онгоц, ган үйлдвэрлэж, экспортлох болжээ. Улмаар өндөр технологийн бүтээгдэхүүн болох компьютерийн дэлгэц, гар утас, хагас дамжуулагч үйлдвэрлэж эхлэв.

Өмнөд Солонгос нь гар утасны үйлдвэрлэлээрээ Дэлхийд тэргүүлдэг орон

Өмнөд Солонгосын тэргүүлэгч компаниуд болох Хёндэ, Самсунг, Эл Жи, Эс Кэй зэрэг хувийн (гэр бүлийн) компаниуд нь Пак-ийн удирдлагын үеийн санхүүгийн болон татварын тааламжтай нөхцөлд цэцэглэн хөгжсөн байна[35].

1997 оны Азийн санхүүгийн хямралын үеэр Өмнөд Солонгосын эдийн засгийн сул тал (жишээлбэл, ихээхэн хэмжээний гадаад өр гэх мэт) ил гарсан ба энэхүү хямрал хоёр үе шаттайгаар явагджээ. Эхнийх нь 1997 онд, дараагийнх нь 1999 онд болсон Дэү компанийн дампууралаар илэрсэн байна[36]. Дэү компанийн дампууралыг Дэлхийн түүхэн дэх хамгийн том дампуурал гэж тооцож байна[37]. Уг хямралын дараанаас компаниудын бүтэц өөрчлөгдөн, 2003 он гэхэд Өмнөд Солонгосын хамгийн том гэр бүлийн 30 компанийн талаас илүү нь хувьцаат компани болжээ[38]

2003-2005 оны хооронд эдийн засгийн жилийн өсөлт 4% болж буурав[39]. Энэ бууралт нь хувь хүмүүсийн картын зээл, Хятадын ихээхэн хэмжээний импорт зэргээс үүдэлтэй байна. 2005 оноос хэрэгжүүлж эхэлсэн үл хөдлөх хөрөнгийн, тэтгэвэрийн, ажиллах хүчний шинэтгэлийн дүнд[40], 2006 оны эдийн засгийн өсөлт 5.1%-д хүрсэн байна.

Өмнөд Солонгосын эдийн засаг нь дунд зэргийн инфляци, ажилгүйдлын бага төвшин, экспорт, орлогын харьцангуй тэгш байдал зэргээр тодорхойлогдоно[41][42][43]

Одоогийн байдлаар Өмнөд Солонгосын автомашин, усан онгоцны үйлдвэрлэл эдийн засгийн үндэс нь болж байна. Өмнөд Солонгосын Хёндэ моторс ба түүний салбар Киа моторс нь Дэлхийн 5 дахь том автомашин үйлдвэрлэгч юм[44]. Солонгосын автомашин үйлдэрлэгчид хэдийгээр Европийн холбоотой байгуулсан Чөлөөт худалдааны хэлэлцээрийн хугацаа нь дууссан ч гэсэн Европийн холбооны улсуудад дахь экспортын хэмжээгээ нэмэгдүүлэхээр төлөвлөж байна[45].

Өмнөд Солонгосын усан онгоцны үйлдвэрлэл нь Дэлхийд хамгийн томд тооцогдож байгаа ба 2004 онд үйлдвэрлэлийн хэмжээгээрээ Японыг гүйцсэн байна[46]. Өмнөд Солонгос нь дунджаар ажлын 4 өдөрт, 80 сая ам.долларын өртөг бүхий нэг усан онгоцийг үйлдвэрлэдэг ба 2006 оны байдлаар Дэлхий дээр шинээр үйлдвэрлэж буй 3 онгоц тутмын нэгийг үйлдвэрлэж байжээ.

Хэдийгээр Өмнөд Солонгос одоогоор усан онгоц үйлдвэрлэл, захиалгын хэмжээгээрээ илүү байгаа ч, Хятад улс 2015 он гэхэд Дэлхийн хамгийн том усан онгоц үйлдвэрлэгч болох зорилт тавьж байна. Гэхдээ одоогоор Солонгосын усан онгоц хямд өртөгтэй байгаа юм[47].

[засварлах] Шинжлэх ухаан ба технологи

[засварлах] Сансрын хөтөлбөр

Альберт HUBO робот

Өмнөд Солонгос нь ОХУ-тай хамтран сансрын хөтөлбөр хэрэгжүүлж[48], Ариранг-1, Ариранг-2 хиймэл дагуулууд хөөргөөд байна.

2008 онд Өмнөд Солонгос нь өөрийн сансрын буудалыг (Naro Space Center) ашиглалтанд оруулахаар ажиллаж байна. Уг буудал нь Солонгосын Сансар судлалын хүрээлэнд харьяалагдах ба пуужин хөөргөх тавцан, хяналтын байр, пуужингийн цогцолбор, туршилтын цогцолбор, сургалтын байр зэргээс бүрдэнэ[49]. Өмнөд Солонгосоос анхны сансрын нисгэгч нь И Сү Ён гэдэг эмэгтэй байсан ба 2008 оны 4 сарын 8-нд Оросын Союз ТМА-12 хөлгөөр сансарт ниссэн байна[50].

[засварлах] Робот

Солонгосын шинжлэх ухаан, технологийн ахисан төвшний хүрээлэн нь хүнтэй төстэй, HUBO роботыг зохион бүтээсэн байна. Уг робот болон Японы Хонда моторс компанийн зохиосон ASIMO робот 2 нь алхаж чаддаг хүнтэй төстэй роботууд юм[51]. Анхны HUBO роботын өртөг нь 1 сая доллар байсан ба 3 жил зарцуулсан байна[52].

[засварлах] Ишлэл

  1. ↑ 총인구, 인구성장률 : 지표상세화면. Index.go.kr. 2010-10-29-д авсан.
  2. ↑ 2.0 2.1 2.2 2.3 South Korea. International Monetary Fund. 2011-04-30-д авсан.
  3. ↑ Gini index CIA World Fact Book
  4. ↑ Human Development Report 2010. United Nations (2010). 5 November 2010-д авсан.
  5. ↑ Korea's History (Ko-Choson, Three Kingdoms, Parhae Kingdom, Unified Shilla, Koryo Dynasty, Colonial Period, Independence Struggle, Provisional Government of Korea, Independence Army, Republic of Korea,)
  6. ↑ "Yayoi Period History Summary", BookRags.com; Jared Diamond, "Japanese Roots", Discover 19:6 (June 1998); Thayer Watkins, "The Genetic Origins of the Japanese"; "Shinto - History to 1900", Encyclopædia Britannica; "The Yayoi period (c. 250 BC–c. AD 250)", Encyclopædia Britannica.
  7. ↑ "Korean Buddhism Basis of Japanese Buddhism", Seoul Times, June 18, 2006; "Buddhist Art of Korea & Japan", Asia Society Museum; "Kanji", JapanGuide.com; "Pottery", MSN Encarta; "History of Japan", JapanVisitor.com.
  8. ↑ (1993) Delmer M. Brown (ed.): The Cambridge History of Japan. Cambridge University Press, 140-149. ; George Sansom, A History of Japan to 1334, Stanford University Press, 1958. p. 47. ISBN 0-8047-0523-2
  9. ↑ From Paekche to Origin of Yamato
  10. ↑ URL_ID=3946&URL_DO=DO_TOPIC&URL_SECTION=201.html World's oldest printed Doc
  11. ↑ Murder of Empress Myeongseong
  12. ↑ Forced Annexation
  13. ↑ Kim Il Sung. The Columbia Encyclopedia, Sixth Edition. 2001-07
  14. ↑ Rhee, Syngman. The Columbia Encyclopedia, Sixth Edition. 2001-07
  15. ↑ South Korea. U.S. Department of State. 2006-09-16-д авсан.
  16. ↑ http://www.yolsa.org/sub_plus_1.html Yolsa.org Information on Anti-Yushin protests
  17. ↑ http://www.encyber.com/search_w/ctdetail.php?gs=ws&gd=&cd=&q=&p=&masterno=211762&contentno=211762 Encyber Encylopedia article on June 29th Declaration
  18. ↑ https://www.cia.gov/library/publications/the-world-factbook/geos/ks.html CIA World Factbook
  19. ↑ South Korea. CIA Country Studies. 2006-04-22-д авсан.
  20. ↑ World City Populations. 2006-04-04-д авсан.
  21. ↑ Populations for all cities as of 2005, By city and province. NSO Database. 2006-04-22-д авсан.
  22. ↑ http://joongangdaily.joins.com/article/view.asp?aid=2880037
  23. ↑ http://joongangdaily.joins.com/article/view.asp?aid=2880519
  24. ↑ US military figures as of 2005, from [1] (Excel file) Tim Kane Global US Troop Deployment, 1950-2003
  25. ↑ According to figures compiled by the South Korean National Statistical Office. 인구,가구/시도별 종교인구/시도별 종교인구 (2005년 인구총조사). NSO online KOSIS database. 2006-08-23-д авсан. This should not be confused with other figures which report only the percentage of the religious population that are Buddhist, Christian, Cheondoist, etc...
  26. ↑ Korean Christian missionaries. Christianity Today. 2006-09-15-д авсан.
  27. ↑ The estimated area rises steadily from year to year, possibly due to land reclamation. 행정구역(구시군)별 국토적. Korea Statistical Information Service. 2006-03-27-д авсан.
  28. ↑ Seoul Metropolitan Government - "A Clean, Attractive & Global City, Seoul!"
  29. ↑ Загвар:Factbook
  30. ↑ IMF (2007). "World Economic Outlook Database, October 2007". 2007. IMF. Retrieved on 2008-02-12.
  31. ↑ IMF (2007). "World Economic Outlook Database, October 2007". 2007. IMF. Retrieved on 2008-02-12.
  32. ↑ Trade Policy Outlook for Second-term Bush Administration
  33. ↑ Soviet Economic Development
  34. ↑ NationMaster - NationMaster Survey
  35. ↑ See Cumings 1997, chapter 6.
  36. ↑ KOIS (2003), pp. 238-239.
  37. ↑ [2] Paper: Economic Reform in South Korea: An Unfinished Legacy
  38. ↑ 18 out of 30, according to Country Studies: South Korea. The Economist (2003-04-10). 2006-04-06-д авсан.
  39. ↑ GDP - Rank order - Real Growth Rate. CIA Factbook. 2006-09-15-д авсан.
  40. ↑ Anti-Speculation Measures. Hankooki Ilbo. 2006-09-15-д авсан.
  41. ↑ Field Listing - Inflation Rate - (consumer prices). CIA Factbook. 2006-09-15-д авсан.
  42. ↑ Field Listing - Unemployment Rate. CIA Factbook. 2006-09-15-д авсан.
  43. ↑ Field Listing - Exports. CIA Factbook. 2006-09-15-д авсан.
  44. ↑ Hyundai-Kia Pass Nissan to Become Worlds Sixth Largest Automaker - Automobile.com Auto News
  45. ↑ BBC NEWS | Business | S Korea and EU begin trade talks
  46. ↑ Shipbuilding on the rise in South Korea - Ports And Shipping | Business Asia | Find Articles at BNET.com
  47. ↑ S. KOREAN SHIPYARDS DOMINATE HIGH-VALUE-ADDED SHIP MARKET. Industry & Business Article - Research, News, Information, Contacts, Divisions, Subsidiaries, Business Associations
  48. ↑ Korea, Russia enter full-fledged space partnership | Korea.net News
  49. ↑ South Korea Begins Construction Of New Space Center – Korean Information Service, SpaceDaily, August 12, 2003
  50. ↑ S. Korea names woman as first astronaut – Korean CNN, March 10, 2008
  51. ↑ Lugmayr, Luigi (2004-12-22). New Humanoid Robot: HUBO Robot from Korea. I4U. 2007-07-07-д авсан.
  52. ↑ Kyu, Lee Sung; Todd Thacker (2005-01-18). Korean Robotics Steps Into the Future. OhmyNews. 2007-07-07-д авсан.

[засварлах] Гадаад холбоос

Commons
 Commons: South Korea - зураг, дуу, бусад юмс
ү • х • з
Азийн улс орон
Азербайжан1  · АНЭУ  · Армен  · Афганистан  · Балба  · Бангладеш  · Бахрейн  · Бруней  · Бутан  · Вьетнам  · Гүрж1  · Египет2  · Зүүн Тимор (Тимор-Лесте)3  · Израйль  · Индонез3  · Йордан  · Ирак  · Иран  · Йемен  · Казахстан1  · Камбож  · Катар  · Кипр  · Кыргызстан  · Кувейт  · Лаос  · Ливан  · Малайз  · Мальдив  · Монгол  · Мьянмар  · Оман  · Орос1  · Узбекистан  · Пакистан  · Саудын Араб  · Сингапур  · Сири  · Хойд Солонгос  · Өмнөд Солонгос  · Тажикистан  · Бүгд Найрамдах Хятад Улс (Тайвань)4  · Тайланд  · Туркменистан  · Турк1  · Филиппин  · Хятад  · Шри Ланк  · Энэтхэг  · Япон
1 Нутаг дэвсгэрийн ихэнх хэсэг нь Европт оршдог. 2 Нутаг дэвсгэр ихэнх хэсэг нь Африкт оршдог.
3 Нутаг дэвсгэр нь бүхэлдээ эсвэл хэсэгчлэн нь Далайн орнуудад оршдог. 4 Бүгд Найрамдах Хятад Улс буюу Тайвань нь НҮБ-ийн гишүүн бус.
LocationAsia.svg

"http://mn.wikipedia.org/w/index.php?title=%D3%A8%D0%BC%D0%BD%D3%A9%D0%B4_%D0%A1%D0%BE%D0%BB%D0%BE%D0%BD%D0%B3%D0%BE%D1%81&oldid=238790"-с авсан
Хувийн хэрэгсэлүүд
Нэрний зайнууд
Хувилбарууд
Үйлдлүүд
Залуурдагч
Багаж хэрэгслүүд
Бусад хэлээр