Умар Чүнчон

Ногоон нь Умард Чүнчон аймаг

Өмнөд Солонгосын нэгдүгээр түвшний 17 нэгж, одоогийн 8 аймгийн нэг нь Умард Чүнчон (Хойд Чүнчон; Чүнчонпүг-ду; солон. 충청북도, 忠清北道 Chungcheongbuk-do; англ. North Chungcheong Province; орос. Чхунчхон-Пукто) юм. 1896 онд найман аймгийн нэг Чүнчоныг хоёр хувааснаар тус аймаг үүсэв. Эхлээд бүхэл Солонгосын аймаг байсан бол 1945 онд Солонгос хоёр хуваагдсанаар БНСУ-ынх болжээ. 7,433 км² газарт нь 2010 оны байдлаар 1,512,157 хүн аж төрөн сууж байгаа. Аймгийн засгийн газар нь Чонжү хотод байрладаг.

Умард Чүнчон аймаг засаг захиргааны эрх үүрэггүй нутаг — Хусо мужид багтдаг. Эргэн тойрондоо Кёнги, Канвон, Умард Кёнсан, Өмнөд Чүнчон, Умард Чолла, Тэжон, Сэжун гээд аймгийн зэргийн 7 нутгаар хүрээлэгддэг улсынхаа далайд гарцгүй ганц аймаг нь мөн. Хойд захаар Нурён, зүүнээр нь Субэк гэх улсдаа том гэгдэх уулын нурууд тогтсон байдаг.

Засаг захиргааны хуваарь

Умард Чүнчон одоогоор 3 хот (시 - ши), 9 хошуу (군 - gun, монголоор күн, үгийн хойно орвол гүн гэж хэлэгдэнэ; англ. county; орос. уезд), бүгд 12 нутаг болон хуваагдаж байгаа.

Газрын зураг	#	Нэр (монгол)	солонгос	англи	орос	Хүн ам (2010)
	— хот (시 - ши) —
	1	Чонжү	청주시	Cheongju	Чхонджу	666,924
	2	Чүнжү	충주시	Chungju	Чхунджу	203,212
	3	Чэчонь	제천시	Jecheon	Чечхон	134,698
	— хошуу (군 - күнь) —
	4	Чонвонь	청원군	Cheongwon	Чхонвон	143,762
	5	Ымсон	음성군	Eumseong	Ымсон	84,088
	6	Чиньчонь	진천군	Jincheon	Чинчхон	61,915
	7	Угчонь	옥천군	Okcheon	Окчхон	49,730
	8	Ёндун	영동군	Yeongdong	Йондон	46,231
	9	Куэсань	괴산군	Goesan	Квесан	31,392
	10	Чынпён	증평군	Jeungpyeong	Чынпхён	31,531
	11	Пуөнь	보은군	Boeun	Поын	30,509
	11	Таньян	단양군	Danyang	Танян	28,165