Хелен Келлер
Хелен Адамс Келлер (Англи: Helen Adams Keller, 1880 оны 6 сарын 27 - 1968 оны 6 сарын 1) нь АНУ-ын сурган хүмүүжүүлэгч, нийгмийн халамжийн зүтгэлтэн. Тэрээр өөрөө хүнд хэлбэрийн хөгжлийн бэрхшээлтэй байсан ч түүнийгээ даван туулж, хөгжлийн бэрхшээлтэй хүмүүсийн боловсрол, нийгмийн халамжийн талаар ихийг хийж бүтээжээ.
Намтар
[засварлах | кодоор засварлах]- 1880 оны 6 сарын 27-нд АНУ-ын Алабама муж улсын Тускумбиад төржээ.
- 1882 онд 19 сартайдаа хүнд өвчин тусч, эмч нарын хүчээр амийг нь аварсан боловч хараа, сонсголын чадвараа алдсан байна.
- 1887 онд түүний эцэг Артур, эх Кэйт нь хараагүй хүүхдийн боловсролын талаар судалгаа хийж байсан Александр Грэхэм Белл (харилцуур утасны зохион бүтээгч)-ийнд зочилж, түүний танилцуулснаар Массачусетс муж улсын Уотертаунд байх Паркинсын хараагүй хүүхдийн сургуульд захидал бичиж, гэрийн багш томилж өгөхийг хүссэн байна. 3 сарын 3-нд томилогдож ирсэн багш нь Анн Салливан байлаа. Ийнхүү Хелен амьдралынхаа багш, сайн найзтай уулзжээ.
- 1900 онд Радклифф их сургууль (өдгөө Харвардын их сургууль)-д элсэн орсон.
- 1902 онд "Миний амьдрал" номоо хэвлүүлэв.
- 1904 онд их сургуулиа дүүргэж, нийгмийн ухааны зэрэг хүртэв.
- 1906 онд Массачусетсын хараагүйчүүдийн зөвлөлийн гишүүн болжээ.
- 1909 онд Социалист намд гишүүнээр элсч, эмэгтэйчүүдийн улс төрийн оролцоог нэмэгдүүлэх, хүүхэд төрүүлэхийг хязгаарлах, тэгш эрхийн хөдөлгөөнүүдэд оролцож эхлэв.
- 1936 онд багш Анна Салливан нь нас нөгчив.
- 1952 онд Францын засгийн газраас Хүндэт Легионы одонгоор шагнуулав.
- 1961 онд өвчин тусч, аажмаар гадаад ертөнцтэй холбогдох боломжгүй болжээ.
- 1968 оны 6 сарын 1-нд нас барсан.
Бүтээлүүд
[засварлах | кодоор засварлах]- Миний амьдрал
Цахим холбоос
[засварлах | кодоор засварлах]
Commons: Хелен Келлер – Викимедиа зураг, бичлэг, дууны сан