.NET Фрэймворк

Microsoft .NET Framework нь ПХ-ийн фрэймворк бөгөөд Microsoft Windows төрлийн үйлдлийн системүүд дээр сууж ажиллана. Энэхүү фрэймворк нь ихэнх программын асуудлуудыг шийдвэрлэж чадах олон төрлийн сангууд болон програмыг хөгжүүлэхэд зориулагдсан платформыг өөртөө агуулсан технологийн цуглуулга бөгөөд мөн программыг ажиллуулахад шаардлагатай виртуаль машиныг өөртөө агуулж байдаг. .NET Framework-д зориулж програм бичиж байгаа бол ямар техник хангамж ба үйлдлийн систем дээр ажиллах талаар санаа зовоод хэрэггүй байдаг. Түүнчлэн .NET-г ашиглаж хэрэгжүүлдэг ямар ч бүтэц зохион байгуулалттай компьютер тухайн програмыг амжилттай ажиллуулах боломжтой байдаг. Учир нь энэ програмыг ажиллуулагч орчин нь өөрөө нарийвчлалуудыг хийсвэрлэн тооцдог бөгөөд програм ажиллуулагч ба үндсэн архитектүр хоёрын хооронд виртуал машиныг зуучлагч болгон тавьж өгдөг. .NET Framework-н төвд нь Common Language Runtime (CLR) буюу Нийтлэг Хэлнүүдийн Ажиллах Хугацаа байдаг. Энэ нь .NET виртуал машины нэгэн хэрэгжүүлэлт юм. CLR нь .NET Framework-д чиглэгдсэн ямар ч хэлэн дээр бичигдсэн програмд ажиллах орчинг бүрдүүлж өгдөг. .NET фрэймворк нь программын хэл дээр бичигдсэн код нь бусад хэл дээр удирдагдаж чадахаар олон програмчлалын хэлний боломжийг хангаж чадна. .NET фрэймворк нь одоо Windows үйлдлийн системд зориулж шинээр бичигдэж байгаа апликэйшнүүдад зориулж Microsoft-оос санал болгож байгаа гол систем юм.