Авиценна

Чөлөөт нэвтэрхий толь — Википедиагаас
Харайх: Удирдах, Хайлт
Абу Али Хусейн ибн Абдаллах ибн Сина
Төрсөн огноо 980 оны 8-р сарын 16
Саманидийн эзэнт гүрэн (одоогийн Узбекистан), Афшана
Нас барсан огноо 1037 оны 6-р сарын 18
Аббасидийн халифат, Хамадан
Салбар Анагаах ухаан, философи, логик, физик, яруу найраг, шинжлэх ухаан

Абу Али Хусейн ибн Абдаллах ибн Сина буюу Авиценна нь Персийн философич, эмч, дорнодын аристотелизмийн төлөөлөл болсон хүн байв. Тэрээр Бухарын Афшан тосгонд төржээ.

Энэ их хүн тэнгэрийн оддын хөдөлгөөний замыг тооцоолохоос авахуулаад хүний организмын нууцад нэвтэрч шинжлэх ухааны олон зүйл туршлага сорилт хийж, шүлэг зохиол бичиж, гүн ухаан, эмнэлэг, хими, биологи, математик, зэрэг шинжлэх ухааны олон салбарт их хувь нэмэр оруулсан билээ. Шинжлэх ухааны онолын дүгнэлт таамаглалуудаа ямагт үнэн зөв эш үндэстэй гаргадаг байсан учраас Авиценны боловсруулсан онолын олон асуудал манай үед ч үнэ цэнээ алдаагүй хэвээр байна. Жишээ нь нүдний зохион байгуулалтын талаарх түүний таамаглал өнөө үеийн анагаах ухааны олон туршлагаар батлагджээ. Авиценна онол практик хоёрын холбооны талаар үлэмж их ажил хийж, энэ зарчим дээр үндэслэн шинжлэх ухаануудыг хооронд нь холбож ангилал хийсэн байна. Тэрээр тооны ухааны талаар Евклидийн онолыг нэмэн баяжуулж, одоогийн математик тооллын онолд хамаарагдах нэлээд хэдэн дүрэм боловсруулжээ.

Бүтээл[засварлах | edit source]

  • Эдгээх ном
  • Аврах ном
  • Үнэний ном гэх мэт 100 гаруй номноос 20 боть ном нь үрэгдэж, өнөө үед үлдсэнгүй.