Авлигатай тэмцэх газар

Чөлөөт нэвтэрхий толь — Википедиагаас
Jump to navigation Jump to search
Монгол Улсын Авлигатай тэмцэх газар
AVLIGA Logo.jpg
АТГ-ын лого
Байгуулагдсан 2007 оны 1 сарын 11 (Авлигын эсрэг хууль)
Байрлал Улаанбаатар хот, Сүхбаатар дүүрэг, Сөүлийн гудамж - 41
Дарга Наваансүрэнгийн Ганболд (2011 оноос)
Дэд дарга Цээсүрэнгийн Нямдорж (2015 оноос)
Цахим сүлжээ www.iaac.mn

Авлигатай тэмцэх газар (АТГ) нь авлигын эсрэг олон нийтийг соён гэгээрүүлэх, авлигаас урьдчилан сэргийлэх, авлигын гэмт хэргийг илрүүлэх зорилгоор гүйцэтгэх ажил, хэрэг бүртгэлт, мөрдөн байцаалт явуулах, хуульд заасан этгээдийн хөрөнгө, орлогын мэдүүлгийг хянан шалгах чиг үүрэг бүхий хараат бус, бие даасан, төрийн тусгай байгууллага.

Түүхэн замнал[засварлах | edit source]

Нэгдсэн Үндэстний Байгууллага 2003 онд Авлигын эсрэг конвенцийг баталж, улмаар авлигын улмаас нийгмийн тогтвортой болон аюулгүй байдалд үүсч буй бэрхшээл, аюул занал нь ардчилсан тогтолцоо, үнэт зүйлс, түүнчлэн ёс зүйн үнэт зүйлс, шударга ёсыг сулруулж, тогтвортой хөгжил, хууль дээдлэх ёсонд хохирол учруулж байгааг Авлигын эсрэг конвенцийн удиртгал хэсэгт хамгийн эхэнд дурдсан байдаг. Монгол Улсын Их Хурал 1996 онд Авлигын эсрэг хууль, 2002 онд Авлигатай тэмцэх Үндэсний хөтөлбөрийг баталж, Үндэсний хөтөлбөрийг хэрэгжүүлэх ажлыг зохицуулж, хяналт тавих орон тооны бус Үндэсний зөвлөлийг байгуулж ажиллуулсан. Монгол Улсын Их Хурал 2005 онд Нэгдсэн Үндэстний Байгууллагын Авлигын эсрэг конвенцийг соёрхон баталсан нь авлигын эсрэг тэмцлийн хүсэл зоригоо илэрхийлсэн. 2006 оны 7 дугаар сарын 6-ны өдөр. Монгол Улсын Их Хурал Авлигын эсрэг хуулийг шинэчлэн баталж, 2006 оны 11 дүгээр сарын 1-ний өдрөөс эхлэн даган мөрдөж эхлэв. Авлигын эсрэг хуулийн дагуу Монгол Улсад анх удаа авлигатай тэмцэх тусгай байгууллага. Авлигатай тэмцэх газар байгуулагдан 2007 оны 1 дүгээр сарын 11-ний өдрөөс эхлэн үйл ажиллагаагаа явуулж эхлэв.

Удирдлага[засварлах | edit source]

АТГ-ын дарга, тэргүүн комиссар Наваансүрэнгийн Ганболд

Н.Ганболд нь 1956 онд Улаанбаатар хотод төрсөн, 1963-1971 онд нийслэлийн 10 жилийн 20-р сургууль, 1971-1975 онд төмөр замын техникумыг дүүргэж Илчит тэрэгний техник-механикч, 1984-1988 онд ЗХУ-ын дотоод явдлын яамны дээд сургуулийг төгсөж хуульч, эрх зүйч мэргэжил тус тус эзэмшсэн бөгөөд 2001 онд тус сургуульд магистрын зэрэг хамгаалсан байна. 1975-1979 онд Улаанбаатар төмөр замын илчит тэрэгний депод засварчин, бригадын дарга, мастер, 1979 оны 6 дугаар сараас Төмөр замын цагдан сэргийлэх ангид сэргийлэгч, 1980 оноос эрүүгийн төлөөлөгч, ахлах төлөөлөгч, 1989 онд НАХЯ-ны Төмөр зам дахь хэлтсийн орлогч дарга, Цагдан сэргийлэх ангийн даргаар дэвшин ажиллажээ. 1990-1994 онд Эрдэнэт хот дахь Цагдаагийн хэлтсийн дарга, 1994-1996 онд Нийслэлийн Хан-Уул дүүргийн Цагдаагийн хэлтсийн дарга, 1996-1998 онд ЦЕГ-ын Хэв журмын хэлтсийн дарга бөгөөд Нийслэлийн Цагдаагийн газрын орлогч, 1998-2006 онд Нийслэлийн Цагдаагийн газрын дарга бөгөөд Улаанбаатар Цагдаагийн хүрээний дарга, 2006-2008 онд Тагнуулын ерөнхий газрын дарга, 2008-2011 онд Монгол Улсаас ОХУ-д суугаа ЭСЯ-ны зөвлөх, консулын хэлтсийн дарга, 2011 оны 11 дүгээр сарын 17-ны өдрийн УИХ-ын 52 дугаар тогтоолоор Авлигатай тэмцэх газрын даргаар томилогдон ажиллаж байна.

АТГ-ын дэд дарга, эрхэлсэн комиссар Цээсүрэнгийн Нямдорж

Ц.Нямдорж нь 1970 онд Улаанбаатар хотод төрсөн, 1978-1988 онд нийслэлийн 23 дугаар дунд сургууль төгссөн. 1988-1990 онд хугацаат цэргийн алба хаасан. 1995-1999 онд МУИС-ийн Хууль зүйн дээд сургуулийг төгссөн. 1999-2009 онд Тагнуулын ерөнхий газарт ажилтан, ахлах ажилтан, тасгийн дарга, 2009-2011 онд УИХ-ын Тамгын газарт ажлын албаны ахлах зөвлөх. 2011 оноос Авлигатай тэмцэх газарт тасгийн дарга, Гүйцэтгэх ажлын хэлтсийн дарга, 2015 оны 2 дугаар сарын 11-ний Улсын Их Хурлын 30 дугаар тогтоолоор Авлигатай тэмцэх газрын дэд даргаар томилогдон ажиллаж байна.

Бүтэц[засварлах | edit source]

АТГ-ын бүтэц


Гадны холбоос[засварлах | edit source]