Болд (дуучин)

Чөлөөт нэвтэрхий толь — Википедиагаас
Jump to navigation Jump to search
Болд
Bold at his office
Background information
Birth name Болд Доржсүрэн
Born 1978 оны 11 сарын 16 (1978-11-16) (40 настай)
Flag of Mongolia.svg Монгол улс, Улаанбаатар
Genres
Occupation(s)
  • Musician
Years active 1995–present
Labels
Associated acts
Website bproduction.mn

Доржсүрэнгийн Болд 1978 оны 11-р сарын 16-нд Улаанбаатар хотод төрсөн.[1] 1985 онд Хөгжим бүжгийн коллежийн хийл хөгжмийн ангид элсэн орж 1997 онд хийлч, төгөлдөр хуурч мэргэжлээр төгссөн. 1995 онд Камертон хамтлагийг байгуулж одоо хүртэл рок поп урсгалаар уран бүтээлээ туурвиж байгаа бөгөөд 2005 оноос эхлэн бие даасан уран бүтээлийн гараагаа эхэлсэн.

Дуучин Болд 2006 онд өөрийн B Production-г үүсгэн байгуулсан бөгөөд уг ажлын хүрээнд хэд хэдэн авъяаслаг уран бүтээлчийг хөгжүүлж олон нийтэд таниулснаас өнөөдрийг хүртэл дуучин Маралжингоо, Эгшиглэн, Агиймаа, Sho хамтлаг /Опозит/ нарын уран бүтээлийн хүмүүс сонссоор байна.

2018 онд Монгол ТВ-р цацагдсан The Voice of Mongolia шоуны 1-р улирлын дөрвөн шүүгч, дасгалжуулагчдийн нэгээр сонгогдон ажилласан. Мөн энэ улирлын сүлд дуу "Гуниг бүхэн баяртай"-г зохион дуулсан.

Бие даасан уран бүтээлүүд[засварлах | edit source]

2005: Хайрын хүч[засварлах | edit source]

2005 оны 06-р сарын 21-нд дуучин Болд өөрийн бие даасан уран бүтээлүүдээс бүрдсэн анхны цомог "Хайрын хүч"-г гаргасан. Цомог нийт 13 дуутай. Цомогт багтсан бүх дууны найруулга, ая, хөгжмийн дуугаралтыг Болд өөрөө хийсэн.

Хамтран ажилласан уран бүтээлчид: Quiza, B.A.T, Bobby D, Номинжин. Хайрын Хүч цомог нь маш амжиллтай болж "Пентатоник" хөгжмийн наадмаас "Шилдэг цомог", "Шилдэг найруулга", "Шилдэг поп дуу", "Шилдэг R&B дуу", "Шилдэг Dance дуу" зэрэг нийт 5 шагнал хүртсэн юм.

Мөн анхны бие даасан "Хайрын хүч" тоглолтоо UB Palace-н танхимд хийсэн.

2006: 440Hz[засварлах | edit source]

Дуучин Болдын хоёр дахь бие даасан цомог "440Hz" 14 дуутай бүтсэн. Цомогт багтсан уран бүтээлд хамтран ажилласан уран бүтээлчид: Quiza, Маралжингоо.

2007: Хайрын хүч DVD, Bold in Central Stadium DVD[засварлах | edit source]

"Хайрын Хүч" нэртэй бүрэн хэмжээний тоглолтын DVD хувилбар бөгөөд  "Хайрын Хүч" цомог нь хэрхэн бүтсэн талаар болон Монголын рок поп хамтлаг дуучид, уран бүтээлчдийн санал бодол, мөн клипүүд хэрхэн бүтсэн талаарх сонирхолтой баримтууд багтсан болно.[2] On'n Off production-ийн бүтээл.

2007 оны 9 сарын 8нд Төв цэнгэлдэх хүрээлэнд болж өнгөрсөн дуучин Болдын хоёр дахь бие даасан амьд тоглолтынхоо дүрс бичлэгийг DVD болгон худалдаанд гаргасан.

2008: Амьдралын гол дүр, Only One[засварлах | edit source]

2008 оны 5-р сарын 4-нд[3] Маралжингоо, Эгшиглэн зэрэн уран бүтээлчидтэй хамтарсан уран бүтээлүүд багтсан 15 дуутай "Амьдралын гол дүр" цомгоо дуучин Болд гаргасан. Цомгийн ерөнхий продюсер Д. Болд.

Түүний дараа 10-р сард "Only One" нэртэй R&B төрөл, жанрын цомгоо B.A.T, Quiza, Sho, Aniura зэрэг уран бүтээлчидтэй хамтран олон нийтэд хүргэсэн.

2009: Би чамд хайртай[засварлах | edit source]

Hero Entertainment, B Production нар хамтран Монгол уран сайхны "Би Чамд Хайртай" киноны хоёр дугаар ангийг бүтээж дуучин Болд гол дүрд нь тоглосон.[4] Дуучин Оюун-Эрдэнэ, Эгшиглэн, гитарчин Өлзий-Оршин /Өөжгий/ нартай хамтран киноны хөгжмийг зохиосон бөгөөд уг бүтээлүүдээ нэгтгэн 2009 оны 9-р сарын 9-нд "Би Чамд Хайртай" цомог гарсан.

2011: My Duets, Монгол Поп[засварлах | edit source]

B Production-ийн уран бүтээлчид болон дуучин Номинжин, Оюун-Эрдэнэ, Шуранхай хамтлагуудтай хамтран бүтсэн уран бүтээлүүдээс бүрдсэн цомог.[5] Цомог нийт 15 дуутай.

Дуучин Болд монголын хөгжмийн урсгалд шинэ урсгал бий болгохыг эрэлхийлж "Монгол Поп" төслийг эхэлсэн бөгөөд нийт 10 дуунаас бүрдсэн "Монгол Поп" цомгийг олон нийтэд хүргэсэн.[6] Тус цомог гарсан даруйдаа Hi-Fi Records-н шилдэг борлуулалттай цомгийн жагсаалтыг таван долоо хоног тэргүүлсэн.[7] Дуучин Болд "Монгол Поп" төслөөрөө шинэ урсгал гаргаж, орчин үеийн соёл урлагт үнэтэй хувь нэмэр оруулсан гэж үзэн Төрийн шагналыг хүртсэн.[8]

2012: Монгол Поп-2[засварлах | edit source]

Тоглолтын үеэр тайзны ард

"Монгол Поп" урсгал жанрын үргэлжлэл болоод уг төслийн гүн утга агуулгыг уг цомогт багтсан 7 уран бүтээлээрээ илэрхийлэхийг зорьжээ. Дуучин Болд энэхүү хоёр дахь давалгаагаа, авьяас билэг төгөлдөр өвөг дээдсийн бурхан ухааныг мөнхөд магтан дуулж, уран бүтээлээрээ сурталчлах болно хэмээн энэхүү цомгийн нүүрээ уламжлал, шинэчлэл, дорнын гүн ухааны үндэс суурь болсон арга, билгийг хослуулж өгчээ.[9] Цомгийн нээлтээр дуучин Болд өөрийн ухаалаг утасны аппликейшнийг танилцуулсан бөгөөд уг аппликейшнийг ашиглан түүний гаргасан уран бүтээлүүдийг үнэ төлбөргүй сонсох боломжийг фенүүддээ олгосон юм.[10]

2014: Хувцасаа тайчаад шид[засварлах | edit source]

"Хувцасаа тайчаад шид" цомгийн ерөнхий продюсер Д. Болд. Хамтран ажилласан уран бүтээлч Хулан. Цомог нийт 7 дуутай.

2018: BOLD[засварлах | edit source]

Хэсэг хугацаанд завсарласны эцэст дуучин болд дөрвөн жилийн дараа цоо шинэ өнгө төрх, хэмнэлээс бүрдсэн өөрийн нэрээр нэрлэсэн цомгоо 2018 оны 7-р сард гаргасан. Шинэ цомогт “Торгон мэдрэмж”, “Зүрхний дагина”, “Мартахаасаа өмнө”, “Даам” зэрэг 15 дуу багтжээ.[11]

Тоглолтууд[засварлах | edit source]

Хайрын хүч[засварлах | edit source]

Анхны цомгоо 2005 онд "Хайрын хүч" нэртэйгээр гаргаж, цомогт орсон бүх дуу олны хүртээл болж, тухайн жилдээ цомгийнхоо нэрээр нэрлэсэн анхны тоглолтоо UB Palace-д зохион байгуулсан.

Bold in Central Stadium[засварлах | edit source]

Bold in Central Stadium тоглолтын үеэр

Бие даасан эхний хоёр цомгоо гаргасны дараа дуучин Болд 2007 оны 9-р сарын 8-нд үндэсний төв цэнгэлдэх хүрээлэнд "Bold Central Stadium" бие даасан хоёр дахь тоглолтоо зохион байгуулж, нийт 50 мянган үзэгчдийг цуглуулсан юм. Тоглолтын ерөнхий зохион байгуулагч B Production, Hero entertainment ажилласан бол дуугаралтыг Харанга хамтлагийн инженер Мөнхөө, B Production-ийн аудио инженер Reghu, Мөнхгэрэл хариуцаж, гэрлийн инженерээр Rolling Stones хамтлагийн гэрлийн инженер John Grey ажилласан. Тоглолтод B Production-ий уран бүтээлчид болох Маралжингоо, Эгшиглэн, DZ Man, Энхзол, Sho нараас гадна Quiza, B.A.T, Никитон хамтлагийн хөгжимчид, Улсын Циркийн жүжигчид оролцсон. Уг тоглолтын бүрэн дүрсийг тухайн жилдээ DVD болгон гаргажээ. Уг тоглолтод 50 мянга орчим хүн цугласан.[12]

Монгол Поп[засварлах | edit source]

Монгол попыг үндэслэгч дуучин Д.Болдын “Монгол поп” бие даасан тоглолт 2011 оны 11 сарын 24, 25, 26 гурван өдөр UB Palace-д болсон. Тоглолт нь “Монгол поп” цомогт багтсан дуунуудаас гадна “Хайрын хүч” гэх мэт хуучин цомгуудын дуунуудаас болон шинэхэн бүтээлүүдээс бүрдсэн.[13]

12 ертөнц[засварлах | edit source]

Бие даасан уран бүтээлээ хийж эхэлснээс хойш нийт 12 цомог гарган үүгээрээ "12 Ертөнц" тоглолтоо 2018 оны 8-р сарын 31-нд "Буянт Ухаа" цогцолборт зохион байгуулсан. Тоглолтонд өөрийн хит болсон 40 дууг амьд хөгжимтэйгөөр дуулсан. Тоглолтод гоцлол гитарчин Т.Мөнх-Оргил, төгөлдөр хуурч Э.Доржсүрэн, The Lemons хамтлагийн бөмбөрчин М. Өнөрбаяр, аргил гитарчин Б.Оюунболд нар ажилласан. Урилгаар Камертон, Гурван охин хамтлагийн дуучин Соло, реппер Quiza, B.A.T, GINJIN, мөн The Voice of Mongolia шоуны ялагч Ц. Энгүүн болон шилдэг оролцогчид оролцсон. Тоглолтын бүжгийн найруулаг дээр Aim4R Production-ы Бачка, Mongolia's Got Talent - Авьяаслаг Монголчууд, The Voice of Mongolia шоуны бүжиг дэглээч Идэрчулуун нар ажилласан.

Тоглолтын ерөнхий зохион байгуулагч B Production, Mongol TV.

Цомгууд[засварлах | edit source]

  • Хайрын хүч (2006)
  • 440Hz (2006)
  • Only One (2008)
  • Амьдралын гол дүр (2008)
  • My Duets (2011)
  • Монгол Поп (2011)
  • Монгол Поп-2 (2012)
  • Хувцасаа тайчаад шид (2014)
  • BOLD (2018)

External links[засварлах | edit source]

Дэлгэрэнгүй сурвалж[засварлах | edit source]

  1. Д.Болд. Урлаг.мн.
  2. http://www.urlag.mn/post/7756.htm
  3. http://news.gogo.mn/r/27404
  4. http://www.ub.life/p/15366
  5. https://www.24tsag.mn/a/2543
  6. https://news.mn/r/554583/
  7. https://news.zindaa.mn/af
  8. Д.Болдыг "Монгол поп" хэмээх шинэ урсгал гаргаж, орчин үеийн соёл урлагт үнэтэй хувь нэмэр оруулсан гэж үзэн ийнхүү Төрийн шагналаар шагнах шийдвэр гаргажээ.
  9. http://www.urlag.mn/post/6677.htm
  10. http://www.assa.mn/a/10656
  11. http://eagle.mn/r/46228
  12. http://www.ub.life/p/15366
  13. http://news.gogo.mn/r/97384