Голомт банк

Чөлөөт нэвтэрхий толь — Википедиагаас
Харайх: Удирдах, Хайлт

Товч түүх[засварлах | edit source]

Эх орныхоо хөгжлийн түүчээ, иргэн бүрийн аз жаргалтай амьдралын төлөө Сайн сайхныг санхүүжүүлнэ уриаг өмнө тавин,  үйл хэрэг бүхнээ зориулж ирсэн Голомт банк нь 1995 оны 3-р сарын 6-нд үндэсний хөрөнгө оруулалттайгаар үүсгэн байгуулагдсан  Монголын ууган арилжааны банкуудын нэг юм. Анх 400 сая төгрөгийн дүрмийн сантай байгуулагдаж байсан  Голомт банкны нийт актив 2015 оны байдлаар Монгол Улсын ДНБ-ний дөрөвний нэг, банкны системийн 20 орчим  хувьтай тэнцэхүйц хэмжээнд хүрсэн  байна.  

Голомт банк  нь төр засгаас үндэсний хэмжээнд хэрэгжүүлсэн  бодлого шийдвэр, төсөл хөтөлбөрүүдийг амжилттай хэрэгжүүлэгч төдийгүй Монгол улсад хийгдсэн томоохон бүтээн байгуулалтыг  сүндэрлүүлэхэд гар бие оролцож ирсэн бүтээгч хамт олон юм. 

Монголын банк санхүүгийн салбарын хөгжлийг шинэчлэгч[засварлах | edit source]

Голомт банк нь Монголын  банк санхүүгийн салбарт  Монголд-Анх удаа гэсэн  алдрын титмийг олонтаа хүртжээ. Энэ нь Голомт банк үргэлж шинийг санаачлагч, шинэчлэгч, бүтээгч банк байж чадсаны баталгаа юм.

Голомт банк Монголд анх удаа олон улсын төлбөрийн картын системийг нэвтрүүлж, анхны Мастеркарт, Visa картыг харилцагчдынхаа гарт атгуулсан төдийгүй анхны интернэт банк, 24 цагийн банкны үйлчилгээ, мөнгөн гуйвуулгын Western Union үйлчилгээ, анхны ухаалаг утсанд суурилсан банкны аппликейшн болох Смарт банк, Өөртөө үйлчлэх банк гээд зах зээлд нэвтрүүлсэн үйлчилгээ бүхэн нь  Монголын банк санхүүгийн салбарын хөгжлийг шинэ шатанд гаргаж, дэлхийн энтэй зэрэгцэхэд зүй ёсоор  нөлөөлсөн юм.

 2015 онд        [засварлах | edit source]

Харилцагчиддаа үргэлж шинэ, дэвшилтэд, ухаалаг үйлчилгээг санал болгодог  Голомт банк нь дэлхийд алдартай Инфосис компанитай хамтарч  банкны үндсэн бүртгэлийн Core системийг нэвтрүүлсэн ба мөн олон улсад өндөр нэр хүнд бүхий AMEX картыг зах зээлд гаргаж, иргэдийн хуримтлалыг нэмэгдүүлэх зорилготой Үндэсний хуримтлалын хөтөлбөрийг Монгол орон даяар амжилттай хэрэгжүүлэн, Кастодиан банкны үйлчилгээг албан ёсоор эхлүүлж, харилцагчдынхаа санхүүгийн боловсролыг дэмжих зорилготой www.edu.golomtbank.com сайт болон жижиг дунд бизнес эрхлэгчдээ чадавхижуулах зорилтын хүрээнд www.sme.golomtbank.com сайтыг нээгээд байна.  

Мөн Монголын анхны даатгагдсан Эрчим бондын андеррайтераар нь  ажиллаж, харилцагч банкны бүх төрлийн үйлчилгээг цахимаар хүлээн авах боломж бүхий Цаасгүй банк аяныг өрнүүлж, газрын тос, алт, зэсний ханштай  уялдсан Гибрид хадгаламжийн бүтээгдэхүүнийг зах зээлд гарган, Өөртөө үйлчлэх цахим буланг нэвтрүүлсэн зэрэг шинэ бүтээгдэхүүн үйлчилгээгээ 100 гаруй салбар тооцооны төвөөрөө дамжуулан 600,000 гаруй харилцагчиддаа хүргэж байна.

Нийгмийн хариуцлагаар манлайлагч[засварлах | edit source]

Нийгмийн хариуцлагаар манлайлагч Голомт банк нь санхүүгийн шилдэг үйлчилгээг үзүүлэхийн зэрэгцээ  харилцагчдынхаа өмнө хүлээсэн үүргээ ухамсарлан, үндэсний соёл урлаг, спорт, хүмүүнлэг,  эх дэлхийгээ хамгаалах төсөл хөтөлбөрүүдтэй хамтран ажиллаж ирснээс гадна эх орныхоо ирээдүй болсон оюутан залууст олгох тэтгэлгээ жил ирэх тусам нэмэгдүүлж 1300 гаруй оюутанд нэг тэрбум төгрөгийн тэтгэлэг олгон, эрдэм шинжилгээний бага хурлыг зохион байгуулж  ирлээ.

Мөн иргэдийн гал голомтоо бадраах,  орон сууцжуулах үйлсэд идэвхитэй оролцож,  зээл олголтын  гуравны нэг хувийг дангаараа  бүрдүүлж байна.

Түүнчлэн Голомт банк нь үйл ажиллагааныхаа бүхий л түвшинд байгаль орчин, нийгэмд ээлтэй, ил тод бизнесийг дэмжин ажиллаж ирсэн бөгөөд энэхүү зарчмуудыг суурь болгосон Тогтвортой санхүүжилтийн бодлогыг амжилттай баримтлан ажиллаж ирсэн  тул Тогтвортой Санхүүжилтийн Бодлогоор Манлайлагч Банкаар  тодорч, 2016 онд бусад банкуудаа манлайлан ажиллаж байна. 

Голомт банкны алсын хараа [засварлах | edit source]

2014 оны эхэнд Голомт банкны толгой компани нь бизнесийн олон салбарт үйл ажиллагаа явуулдаг Бодь интернэшнл ХХК байсан бол илүү мэргэших, үр ашгийг нэмэгдүүлэх, зохион байгуулалтаа сайжруулах зорилтын хүрээнд тус компанийн хөрөнгө оруулалт, банк, даатгал, брокер зэрэг зөвхөн санхүүгийн чиглэлээр дагнасан  компаниудыг нэгтгэн Голомт файнэншил групп ХХК-ийг үүсгэн байгуулсан юм.   

Тус групп нь монголын банк санхүүгийн салбарт тэргүүлэгч Голомт банк, үнэт цаас брокер дилерийн Голомт Секюритиз ХХК, Ашид Голомт ББСБ, даатгалын салбарт манлайлагч Мандал даатгал зэрэг үндэсний томоохон компаниудыг эгнээндээ нэгтгэсэн 100% Монголын хөрөнгө оруулалттай үндэсний тэргүүлэгч санхүүгийн групп бөгөөд дэлхийн тавцанд Монгол Улсаа төлөөлсөн хүчтэй өрсөлдөгч байж, олон улсыг дамнасан санхүүгийн групп болох эрхэм зорилтыг өмнөө тавиад байна.

Голомт банкны хийж хэрэгжүүлсэн энэ бүх ажлууд болон санхүүгийн хүчирхэг үзүүлэлтүүдийг үндэслэн дэлхийн банк санхүүгийн салбарын чансааг тодорхойлогч “The Banker” “Euromoney” сэтгүүл  “ Global Finance” сэтгүүл   “Global Banking & Finance Review awards” байгууллагуудаас Голомт банкийг жил бүр “ШИЛДЭГ БАНК” ШИЛДЭГ-ИНТЕРНЭТ БАНК” ”ШИЛДЭГ ИРГЭДИЙН БАНК” зэрэг нэр хүндтэй шагналуудыг олгож ирсэн билээ.

Голомт банкны засаглалын тогтолцоо[засварлах | edit source]

Голомт банк - удирдлагын тогтолцоо.jpg

2015 онд Голомт банкны хувьцаа эзэмшигчдийн бүрэлдэхүүн:

-         “Голомт файнэншил групп” ХХК                          - 83.76%

-         Swiss-MО Investment AG                                         - 9.98%

-         Trafigura Beheer B.V.                                                - 4.93%

-         АХЭХ-ийн хүрээнд хувьцаа эзэмшигчид             - 1.33%

Голомт банкны толгой компани болох Голомт файнэншил групп ХХК нь 2015 онд Дэлхийн эдийн засгийн чуулганы “Дэлхийн хурдацтай хөгжиж буй компаниуд”-ийн нэгээр тодорсон нь бахархалтай амжилт юм.

Голомт банкны гадаад хөрөнгө оруулагч компаниудын нэг болох Swiss-MО Investment AG нь дэлхий даяар хөрөнгө оруулалт, түүний удирдлага болон худалдааны үйл ажиллагаа явуулдаг Швейцарийн Гризонс-д үүсгэн байгуулагдсан хөрөнгө оруулалтын сан юм.  

Trafigura Beheer B.V. нь 1993 онд үүсгэн байгуулагдсан бөгөөд дэлхийн газрын тосны гурав дахь том төмөр агуулаагүй баяжмалын арилжаалагч болж чадсан олон улсын корпораци юм. 

Голомт банк нь чадварлаг ажилтнуудаа урт хугацаанд тогтвортой ажиллах хөшүүрэг болгож Ажилтнуудад хувьцаа эзэмшүүлэх хөтөлбөрийг хэрэгжүүлсэн бөгөөд эдүгээ 150 гаруй ажилтнууд хамрагдаж, “Хувьтай Голомт” ТББ-ыг үүсгэн байгуулсан юм. Ингэснээр бусад хувьцаа эзэмшигчидтэй сонирхол нэгтэй болж  компанидаа эзний үүднээс хандах болсон. Хэдийгээр 1.33 хувийн цөөнх хувьцааг эзэмшдэг ч тэдний ашиг сонирхлыг дэмжиж ТУЗ-д нэг гишүүн томилох эрх олгосон байдаг. 

Голомт банкны Төлөөлөн удирдах зөвлөлийн бүрэлдэхүүний 3/1-ийг хараат бус гишүүд эзэлдэг ба хувьцаа эзэмшигч ажилтнууд өөрсдийн төлөөллийг мөн ТУЗ-д томилдог.  Энэ  нь Голомт банкны ТУЗ-ийн тогтолцоо нэг талын нөлөөнд автсан шийдвэр гаргах эрсдэлгүй хамгийн эрүүл гэдгийн баталгаа юм.  

ТУЗ-ийн бүрэлдэхүүн [засварлах | edit source]

1.     ТУЗ-ийн дарга                                              Хатагтай Ч.Мөнхцэцэг

2.     ТУЗ-ийн гишүүн                                           Ноён Урс Э. Шварценбах

3.     ТУЗ-ийн гишүүн                                           Ноён З.Тэмүүн

4.     ТУЗ-ийн гишүүн                                           Ноён Д.Мөнхтөр

5.     ТУЗ-ийн хараат бус гишүүн                        Ноён Ж.Үнэнбат

6.      ТУЗ-ийн хараат бус гишүүн                        Ноён Антонио Л. Абелло 

Голомт банкны удирдлагын баг[засварлах | edit source]

Гүйцэтгэх захирал Л.Оюун-Эрдэнэ

Ерөнхийлөгч – Ө.Ганзориг

Тэргүүн дэд захирал – О.Эрдэмбилэг

Нөөцийн удирдлага хариуцсан дэд захирал– Б.Мөнхбаатар

Зээл хариуцсан дэд захирал-Т.Нямсүрэн

Үйл ажиллагаа хариуцсан дэд захирал – Б.Энхтуяа

Аудит хариуцсан захирал-  Р.Батсүрэн

Санхүүгийн удирдлагын газрын захирал – М.Чимэгмөнх

Мэдээллийн технологи хариуцсан дэд захирал – Н.Цэрэндаваа

Дэд захирал, Бизнес хөгжлийн газрын захирал – Д.Сугар

Сувгийн удирдлагын газрын захирал – У.Хосжаргал

Хөрөнгө оруулалтын банкны газрын захирал – Ж.Хишигжаргал

Байгууллагын банкны газрын захирал – Д.Бадрал

Кастодиан банкны газрын захирал – Г.Зориг

Бүртгэл тооцооны газрын захирал – Ё.Пүрэвбат

Мэдээллийн технологийн газрын захирал – Б.Эрдэнэбаяр

Олон улс дахь хамтын ажиллагаа[засварлах | edit source]

Голомт банк нь олон улсын нэр хүнд бүхий санхүүгийн байгууллагуудтай тогтоосон хамтын ажиллагаагаа өргөжүүлэх, харилцагчдын экспорт, импортод суурилсан бизнесийн санхүүжилтийн боломжийг нэмэгдүүлэх, гадаад төлбөр тооцоог хамгийн түргэн шуурхай, өргөн сонголттой хийх боломжийг бүрдүүлэхэд чиглэн ажилладаг.

-    Дэлхийн 260 гаруй банк санхүүгийн байгууллагуудтай холбоотой ажилладаг

-    13 валютаар гадаад төлбөр тооцоог гүйцэтгэдэг

-    Голомт банкны гадны банкнаас татсан эх үүсвэр өмнөх оны мөн үетэй харьцуулахад 63%-аар өсөв

-    Худалдааны санхүүжилийн нийт хэмжээ өмнөх оноос 18%-иар өссөн  

-    Импортын санхүүжилтийн нийт шугамын хэмжээ 24%-аар  өсөв

Гадаад худалдааны санхүүжилтийн бүтээгдэхүүн үйлчилгээ:

-         Импорт & Экспортын аккредитив

-         Стандбай аккредитив, Гадаад баталгаа, Давхар баталгаа

-         Аккредитивийн баталгаажуулалт

-         Аккредитивийн дараах санхүүжилт

-         Бармтат төлбөр тоцоо

-         Импортын зээл

-         ECA 

Нийт 70 гаруй ОУ-н нэр хүнд бүхий банк санхүүгийн байгууллагуудтай

хамтын ажиллагаатай. 

Main trade finance partner institutions:[засварлах | edit source]

Commerzbank AG, Frankfurt am Main
Deutsche Bank AG, Frankfurt am Main
Atlantic Forfaitierungs AG, Zurich Switzerland
Asian Development Bank, Manila
Industrial & Commercial Bank of China
Baoshang Bank, China
The Export-Import Bank of the ROC, Taiwan
BHF-Bank AG, Frankfurt am Main
The Export-Import Bank of Korea, Seoul
Nordea Bank Denmark
Unicredit Bank
Hungarian EXIM Bank
BGK, Bank Gospodarstwa Krajowego
Vnesheconom Bank
International Investment Bank, Russia
SACE, Italy
CSOB, Czech
Kuveyt Türk Katılım Bankası, Turkey
RosExim, Russia

Албан ёсны вэб хуудас[засварлах | edit source]

http://golomtbank.com/