Дашзэвэгийн Ганхуяг

Дашзэвэгийн Ганхуяг (1954 онд Улаанбаатар хотын Налайх дүүрэгт төрсөн) - эдийн засаг, улс төр, нийгмийн болон бусад шинжлэх ухааны салбарыг хамарсан системийн шинжилгээ хийдэг Монголын судлаач, нийтлэгч юм.

Боловсрол

1962 – 1972 онд Налайхын дунд сургууль, 1972 – 1977 онд МУИС –ийн Инженер – эдийн засгийн сургууль, 1987 – 1990 онд Болгар Улсын Нийгмийн Ухаан, Нийгмийн Процессын Удирдлагын Академи төгссөн.

Ажилласан байдал

Нийгмийн Ухааны Институт-д эрдэм шинжилгээний ажилтан, УИХ-ын дэргэдэх Судалгааны Төв-ийн захирал, УИХ болон ЕТГ–т улс төрийн зөвлөх, референтын ажил хийж байсан. 1996 -1998 онд МАХН-ын Удирдах Зөвлөлийн гишүүн байснаа өргөдлөө өгч сайн дураараа огцорсон. Төр засгийн болон намын удирдагчдын талаар шүүмжлэлт өгүүлэл бичсэний учир ажлаас 5 удаа халагдсан. Мөн энэ шалтгааны улмаас 2004 онд МАХН-аас хөөгдсөн.

Тэрбээр Wordpress систем дээр суурилсан ganaa.mn хаягтай блог ажиллуулдаг бөгөөд тогтмол олон уншигчидтай болсон. WHOIS сангийн мэдээллээр түүний блог сайт нь 2008 оны 3-р сараас хойш идэвхтэй ажиллаж байна. Блог дахь мэдээлэл нь улс төр, шинжлэх ухаан, орчуулга, ашигт малтмал, Л.Н.Гумилев, залуу судлаачдад өгөх зөвлөмж, бусад гэсэн хэсгүүдээс бүрддэг.

Cүүлийн үед хийсэн бүтээлүүд

• ҮЗЭГДЭЛ ХИЙГЭЭД МӨН ЧАНАРЫН ТУХАЙ
• АМИНЧ ҮЗЭЛ ХИЙГЭЭД ХАМТАЧ ЁСНЫ ТУХАЙ № 2
• ХЯТАДЫН СОЦИАЛИЗМ…
• ТҮҮХЭЭ МЭДМЭЭР БАЙНА УУ ?!
• МОНГОЛ ТИЙМ МУУХАЙ ЮУ…
• УЛСАА ЯАЖ ХӨГЖҮҮЛДЭГ ВЭ ? № 1
• НАОМИ КЛЯЙН БА МОНГОЛЫН НЕОЛИБЕРАЛУУДЫГ ХАРААХ НЬ.
• АЛТАН ЗУЛЫН ӨВЧИН
• ЗАЛУУ СУДЛААЧДАД ӨГӨХ ЗӨВЛӨМЖ № 12.
• Г.УЯНГА: МОНГОЛЫН АРДЧИЛАЛ ҮЛЭМЖИЙН ИХ ГАЖУУДАЛД ОРСОН.
• ХЭЛСЭН ҮГЭНДЭЭ ЭЗЭН БОЛ, ИДСЭН ХООЛОНДОО САВ БОЛ…
• УУТ УУТ МӨНГӨӨР УЛСАА ХУДАЛДСАН САЙДУУД ГУАЙ…
• ГЕОРГ ВИЛЬГЕЛЬМ ФРИДРИХ ГЕГЕЛЬ: ТҮҮХИЙН ФИЛОСОФИЙН ЛЕКЦҮҮД № 4
• СҮНС ХИЙГЭЭД ГАЛЫН ТУХАЙ ӨГҮҮЛЭХ НЬ
• ГЕОРГ ВИЛЬГЕЛЬМ ФРИДРИХ ГЕГЕЛЬ: ТҮҮХИЙН ФИЛОСОФИЙН ЛЕКЦҮҮД № 3
• ГЕОРГ ВИЛЬГЕЛЬМ ФРИДРИХ ГЕГЕЛЬ: ТҮҮХИЙН ФИЛОСОФИЙН ЛЕКЦҮҮД № 2
• ГЕОРГ ВИЛЬГЕЛЬМ ФРИДРИХ ГЕГЕЛЬ: ТҮҮХИЙН ФИЛОСОФИЙН ЛЕКЦҮҮД № 1
• СҮЙРЛИЙН ҮР БА УРГАЦ
• ЭХ ОРНОО ИНГЭЖ ХАМГААЛДАГ
• МАНАЙХНААС БУСАД НЬ БАЯЛГАА ЗҮГЭЭР ӨГДӨГГҮЙ.

Гадаад холбоос

• http://ganaa.mn/
• http://en.gravatar.com/gankhuyag