Жамсрангийн Баясах

Жамсрангийн Баясах (1955 онд Улаанбаатар хотод төрсөн- ) ШУА-ийн Олон улсын харилцааны хүрээлэнгийн захирал, Монгол Улсын Гавьяат багш, Түүхийн шинжлэх ухааны доктор (ScD), профессор, хятад судлаач. Тэрээр Монгол Улсын Шинжлэх ухааны гавьяат зүтгэлтэн, түүхийн ухааны доктор Лхамсүрэнгийн Жамсрангийн хүү юм.

Намтар

1973 онд Улаанбаатар хотод Зөвлөлтийн 3-р дунд сургууль төгссөн.

1973-1974 онд Улсын Багшийн дээд сургуулийн түүхийн ангид элсэн сурсан.

1974-1979 онд ЗХУ-ын Ленинградын их сургуулийн Дорно дахины факультэд хятад хэл-түүхийн ангид сурч төгссөн.

1983-1990 онд МИУС-ийн багш, профессор.

1990-2010 онд АНУ, Энэтхэг, Нидэрланд, Япон, Хятад, Франц, ОХУ зэрэг 10 гаруй улсад илтгэл тавьж байсан.

1991-1998 онд МУИС-ийн Олон Улсын харилцааны дээд сургуулийн анхны захирал.

2010-2018 онд ШУА-ийн Олон улсын харилцааны хүрээлэнгийн захирал.

Бүтээлүүд

Хэрээд Жамсрангийн Баясах. “Их Монгол улсын түүхэнд холбогдох Хятад хоёр сурвалж бичиг”: Чжао Хун “Монгол татаарын бүрэн тэмдэглэл”. 1221 он. Хянан тохиолдуулсан МУ-ын Шинжлэх ухааны гавьяат зүтгэлтэн, доктор, профессор Хэрээд Л.Жамсран. Улаанбаатар хот. 2005 он.