Икэбана

Чөлөөт нэвтэрхий толь — Википедиагаас
Jump to navigation Jump to search
Икэбана

Икэбана (япон. 生け花 икэбана, «икэ» — амилуулах, «бана» — цэцэг «Цэцэг амилуулах») гэдэг нь Японы гар урлалын урлаг бөгөөд амьд ургамалын навч, цэцэг зэргийг өнгө алаглуулан үзэмжтэйгээр зохицолдуулан тусгай саванд үзэмжтэй байршуулдаг урлаг юм. Икэбана нь анх Буддын шашны ёслолоос үүссэн бөгөөд одоо япон гэр бүлийн өдөр тутмын хэрэглээ болтлоо хөгжсөн урлаг юм. Икэбана нь МЭ 14-15-р зууны үед үүссэн хэмээн урлаг судлаачид үздэг.

Икэбана нь тодорхой дэг сургууль, загварын хүрээнд хөгжиж ирсэн. Үүний үндсэн гурван дэг сургууль бол-Икэнобо, Охара, Согэцу юм. Икэнобо дэг бол 550 гаруй жилийн түүхтэй. Согэцу дэг 1927 онд Тэсигахара Софу бий болгосон бөгөөд дүрмийг хатуу баримталдаггүй чөлөөтэй уралдагаар ялгаатай. Охара дэг XIX зуунд Ахара Унсин бий болгож морибана хэлбэрийг бий болгосон байна.

Икэбана хийхдээ өнгө, хэлбэр, орон зай зэрэгтэй зохицуулах гээд жижиг зүйл гэж байдаггүй байна.

Икэбана бол зөвхөн цэцэг засах урлаг биш юм. Энд ёс зүй, зан үйл, сургалтын үйл явцад ихээхэн анхаардаг. Икэбанагийн зорилго нь хүний ​​оюун санааны хөгжил, цэцэгт амьд биетийн хувьд хүндэтгэлтэй хандах хандлагыг төлөвшүүлэх явдал юм. Икэбана сурах хүсэлтэй хүмүүс олон жилийн турш туршлагатай багш нарын удирдлаган дор онол, дадлага хийдэг байна.